ԵՐԿՐՈՐԴ ԿՈՐՆԹԱՑԻՍ 1:22 - Western Armenian New Translation - Armenian Catholicosate of Cilicia - New Testament

²² եւ իր կնիքը դրաւ մեր վրայ, մեզի տալով Սուրբ Հոգին՝ իբրեւ գրաւական մեր ստանալիք ժառանգութեան։

Արեւմտահայերէն Նոր Կտակարան հարմարցուած․ 2017

²² որ մեզ կնքեց ալ եւ մեզի տուաւ Հոգիին գրաւը մեր սրտերուն մէջ։

Western Armenian Bible 1853

²² Որ մեզ կնքեց ալ եւ մեզի տուաւ Հոգիին գրաւը մեր սրտերուն մէջ։

ԵՐԿՐՈՐԴ ԿՈՐՆԹԱՑԻՍ 1:22 Iomraidhean Croise

ՅՈՎՀԱՆՆՈԻ 3:33

Ով որ անոր վկայութիւնը կ՚ընդունի, հաստատած կ՚ըլլայ թէ Աստուած ճշմարիտ է։

ՅՈՎՀԱՆՆՈԻ 6:27

Փոխանակ կորստական ուտելիքը փնտռելու, ջանացէք ապահովել այն կերակուրը որ յաւիտենական կեանքի մէջ կը մնայ։ Այդ կերակուրը Մարդու Որդին պիտի տայ ձեզի, որովհետեւ Հայրն Աստուած իր հաւանութեան կնիքը դրաւ անոր վրայ։

ՀՌՈՎՄԱՅԵՑԻՍ 4:11

Եւ թլփատութիւնը Աստուծմէ ստացաւ որպէս նշան եւ կնիք՝ անթլփատ վիճակի մէջ իր ցուցաբերած հաւատքով արդարացած ըլլալուն, որպէսզի ատով հայրը ըլլայ բոլոր անոնց՝ որոնք առանց թլփատուած ըլլալու կը հաւատան, որպէսզի անոնք եւս արդար համարուին,

ՀՌՈՎՄԱՅԵՑԻՍ 8:23

Բայց ո՛չ միայն ստեղծագործութիւնը, այլ մենք եւս, որ Սուրբ Հոգին ստացած ենք իբրեւ Աստուծոյ պարգեւներուն երախայրիքը, մենք եւս ներքնապէս կը հեծենք՝ ակնդէտ սպասելով որդեգրութեան, այսինքն մեր մարմինին փրկութեան։

ՀՌՈՎՄԱՅԵՑԻՍ 8:9

Եթէ իրապէս Աստուծոյ Հոգին ձեր մէջ կը բնակի, կը նշանակէ՝ թէ դուք այլեւս մարմնական ցանկութիւններուն համաձայն չէք ապրիր, այլ՝ Սուրբ Հոգիին կամեցած ձեւով։ Իսկ ով որ Քրիստոսի Հոգին չունի, անոր չի պատկանիր։

ԵՐԿՐՈՐԴ ԿՈՐՆԹԱՑԻՍ 5:5

Աստուած ինքն է որ մեզ այս փոխակերպումին կը պատրաստէ, եւ որպէս գրաւական տուած է իր Հոգին։

ԵՓԵՍԱՑԻՍ 4:30

Մի՛ տրտմեցնէք Աստուծոյ Սուրբ Հոգին, որով կնքուեցաք՝ փրկութեան օրուան հասնելու համար։

ԱՌԱՋԻՆ ԹԵՍԱՂՈՆԻԿԵՑԻՍ 4:8

Հետեւաբար, ով որ սրբութեան այս պատուէրը կ՚արհամարհէ՝ մարդ մը անարգած չ՚ըլլար, այլ՝ նոյնինքն զԱստուած, որ իր Սուրբ Հոգին կու տայ մեզի։

ԵՐԿՐՈՐԴ ՏԻՄՈԹԷՈՍ 2:19

Բայց Աստուծոյ դրած հաստատուն հիմը կանգուն կը մնայ։ Անոր վրայգրուած է. «Տէրը կը ճանչնայ անոնք՝ որոնք իրն են», եւ «Ով որ Տիրոջ անունը կը կրէ՝ թող հեռու մնայ անիրաւ գործերէ»։

ՅԱՅՏՆՈՒԹԻՒՆ 2:17

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն.– Ով որ յաղթանակէ՝ անոր ճաշակել պիտի տամ պահուած մանանայէն. ինչպէս նաեւ պիտի տամ մաքուր քար մը, որուն վրայ գրուած է նոր անուն մը, որ բացի ստացողէն՝ ո՛չ ոք գիտէ»։ –

ՅԱՅՏՆՈՒԹԻՒՆ 7:3

եւ ըսաւ. «Վնաս մի՛ հասցնէք երկրին, ո՛չ ալ ծովուն եւ ո՛չ ալ ծառերուն, մինչեւ որ կնիքով դրոշմեմ իմ Աստուծոյս ծառաներուն ճակատները։

ՅԱՅՏՆՈՒԹԻՒՆ 9:4

եւ անոնց ըսուեցաւ որ վնաս չհասցնեն ո՛չ երկրի խոտերուն, ո՛չ դալար տունկերուն եւ ո՛չ ալ ծառերուն, բայց միայն այն մարդոց՝ որոնք իրենց ճակատին վրայ Աստուծոյ կնիքը չունին։