ԵՐԿՐՈՐԴ ԿՈՐՆԹԱՑԻՍ 1:1 - Western Armenian New Translation - Armenian Catholicosate of Cilicia - New Testament

¹ Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը, կը գրենք ձեզի՝ Կորնթոսի մէջ հաստատուած Աստուծոյ եկեղեցիին եւ ամբողջ Աքայիայի մէջ գտնուող քրիստոնեաներուդ։

Արեւմտահայերէն Նոր Կտակարան հարմարցուած․ 2017

¹ Պօղոս, Աստուծոյ կամքովը Յիսուս Քրիստոսին առաքեալը ու Տիմոթէոս մեր եղբայրը. Կորնթոսի մէջ եղած Աստուծոյ եկեղեցիին եւ Աքայիայի մէջ եղող բոլոր սուրբերուն.

Western Armenian Bible 1853

¹ Պօղոս, Աստուծոյ կամքովը Յիսուս Քրիստոսին առաքեալը ու Տիմոթէոս մեր եղբայրը. Կորնթոսի մէջ եղած Աստուծոյ եկեղեցիին եւ Աքայիայի մէջ եղող բոլոր սուրբերուն.

ԵՐԿՐՈՐԴ ԿՈՐՆԹԱՑԻՍ 1:1 Iomraidhean Croise

ԳՈՐԾՔ ԱՌԱՔԵԼՈՑ 16:1

Պօղոս շրջելով հասաւ Դերբէ եւ հոնկէ եկաւ Լիստրա։ Այնտեղ կար Տիրոջ աշակերտած մէկը, Տիմոթէոս անունով, որ դարձի եկած Հրեայ կնոջ մը զաւակն էր՝ հեթանոս հօրմէ,

ՀՌՈՎՄԱՅԵՑԻՍ 15:26

Որովհետեւ Մակեդոնիայի եւ Աքայիայի եղբայրները յօժարակամ ուզեցին իրենց նուէրներով մասնակից դառնալ Երուսաղէմի աղքատ հաւատացեալներու կարիքներուն։

ՀՌՈՎՄԱՅԵՑԻՍ 16:21

Տիմոթէոս, իմ գործակիցս, ինչպէս նաեւ իմ ազգակիցներս՝ Ղուկիոս, Յասոն եւ Սոսիպատրոս՝ բարեւ կ՚ընեն ձեզի։

ՀՌՈՎՄԱՅԵՑԻՍ 16:5

Բարեւ ըրէք նաեւ իրենց տունը հաւաքուող եկեղեցիին։ Բարեւ ըրէք իմ սիրելի Եպենետոսին, որ Ասիա նահանգէն Քրիստոսի առաջին հաւատացողն է։

ԱՌԱՋԻՆ ԿՈՐՆԹԱՑԻՍ 10:32

Գայթակղութեան պատճառ մի՛ ըլլաք՝ ո՛չ Հրեաներուն, ո՛չ հեթանոսներուն եւ ո՛չ ալ Աստուծոյ եկեղեցիին։

ԱՌԱՋԻՆ ԿՈՐՆԹԱՑԻՍ 16:10

Երբ Տիմոթէոսը գայ, այնպէս ըրէք՝ որ չվախնայ ձեր մօտ մնալու։ Ան ալ Տիրոջ համար կ՚աշխատի, ինծի պէս.

ԱՌԱՋԻՆ ԿՈՐՆԹԱՑԻՍ 16:15

Գիտէք Ստեֆանասը, որ Աքայիա նահանգին մէջ Քրիստոսի առաջին հաւատացողն է, եւ իր ընտանիքի անդամները, որոնք իրենք զիրենք Աստուծոյ ժողովուրդին ծառայութեան նուիրեցին։ Կ՚աղաչեմ, եղբայրնե՛ր,

ԱՌԱՋԻՆ ԿՈՐՆԹԱՑԻՍ 16:24

Իմ սէրս ալ ձեզի հետ ըլլայ. բոլորիդ՝ որ Քրիստոս Յիսուսի կը պատկանիք։ Ամէն։

ԱՌԱՋԻՆ ԿՈՐՆԹԱՑԻՍ 6:11

Եւ ձեզմէ ոմանք այդպիսին չէի՞ն։ Բայց ձեր մեղքերէն լուացուեցաք, սրբուեցաք, արդարացաք մեր Տիրոջ Յիսուս Քրիստոսի անունով եւ մեր Աստուծոյ Հոգիին միջոցաւ։

ԵՐԿՐՈՐԴ ԿՈՐՆԹԱՑԻՍ 1:19

Որովհետեւ Աստուծոյ Որդին՝ Յիսուս Քրիստոս եւս, որ մենք՝ ես, Սիղուանոսը եւ Տիմոթէոսը ձեզի քարոզեցինք, աշխարհին տրուած Այո եւ Ոչ չէր, այլ՝ Աստուծոյ Այոն եղաւ։

ԵՐԿՐՈՐԴ ԿՈՐՆԹԱՑԻՍ 1:23

Աստուածվկայէըսածիս, ինք՝որկըճանչնայ իմ սիրտս, որ եթէ Կորնթոս չեկայ՝ ձեզի խնայելու համար էր որ չեկայ։

ԵՐԿՐՈՐԴ ԿՈՐՆԹԱՑԻՍ 11:10

Բայց Քրիստոսի ճշմարտութեամբը, որ իմ ներսիդիս է, կ՚ըսեմ՝ թէ այս բաներով պիտի պարծենամ ամբողջ Աքայիայի մէջ, բոլորին պատմելով։

ԵՐԿՐՈՐԴ ԿՈՐՆԹԱՑԻՍ 9:2

որովհետեւ գիտեմ ձեր յօժարութիւնը, եւ ձեր մասին միշտ պարծանքով խօսած եմ Մակեդոնացիներուն, ըսելով. «Աքայիացիները դեռ անցեալ տարուընէ պատրաստուեր են իրենց օգնութիւնը ընելու»։ Ձեր նախանձախնդրութիւնը շատ շատերուն համար գրգիռ եղաւ։

ԳԱՂԱՏԱՑԻՍ 1:1

Ես՝ Պօղոս, առաքեալ եղած՝ ո՛չ թէ մարդոց կողմէ, ո՛չ ալ ոեւէ մէկուն միջոցաւ, այլ Յիսուս Քրիստոսէ եւ Հօր Աստուծմէ՝ որ զայն մեռելներէն յարուցանեց,

ԳԱՂԱՏԱՑԻՍ 3:26

որովհետեւ Յիսուս Քրիստոսի հաւատալով՝ բոլորդ ալ Աստուծոյ որդիներ եղաք։

ԵՓԵՍԱՑԻՍ 1:1

Ես, Պօղոս, Աստուծոյ կամքով Քրիստոս Յիսուսի առաքեալը, կը գրեմ Եփեսոս բնակող եղբայրներուդ, Քրիստոս Յիսուսի հաւատացողներուդ։

ՓԻԼԻՊՊԵՑԻՍ 1:1

Պօղոսեւ Տիմոթէոս, Քրիստոս Յիսուսի ծառա–ներս, կը գրենք ձեզի՝ Քրիստոս Յիսուսի միացած բոլոր հաւատացեալներուդ, որ Փիլիպպէի կողմերը կը բնակիք, ինչպէս նաեւ եպիսկոպոսներուն ու սարկաւագներուն։

ԱՌԱՋԻՆ ԹԵՍԱՂՈՆԻԿԵՑԻՍ 1:1

Մենք՝ Պօղոս, Սիղուանոս եւ Տիմոթէոս, կը գրենք ձեզի՝ Թեսաղոնիկեցիներու եկեղեցիին, որ Հօր Աստուծոյ եւ Տէր Յիսուս Քրիստոսի կը պատկանի։ Շնորհք եւ խաղաղութիւն ձեզի։

ԱՌԱՋԻՆ ԹԵՍԱՂՈՆԻԿԵՑԻՍ 3:2

իսկ Տիմոթէոսը, որ մեր եղբայրն է եւ միաժամանակ Աստուծոյ պաշտօնեան եւ Քրիստոսի Աւետարանին մէջ մեր գործակիցը, ղրկեցինք ձեզի՝ որպէսզի ձեզ ամրապնդէ եւ քաջալերէ ձեր հաւատքին մէջ,

ԵՐԿՐՈՐԴ ԹԵՍԱՂՈՆԻԿԵՑԻՍ 1:1

Մենք՝ Պօղոս, Սիղուանոս եւ Տիմոթէոս, կը գրենք ձեզի՝ Թեսաղոնիկեցիներու եկեղեցիին, որ մեր Հօր Աստուծոյ եւ Տէր Յիսուս Քրիստոսի կը պատկանի։

ԱՌԱՋԻՆ ՏԻՄՈԹԷՈՍ 1:1

Ես՝ Պօղոս, որ Քրիստոս Յիսուսի առաքեալն եմ՝ մեր փրկիչ Աստուծոյ եւ մեր յոյսը եղող Քրիստոս Յիսուսի հրամանով,

ԵՐԿՐՈՐԴ ՏԻՄՈԹԷՈՍ 1:1

Ես՝ Պօղոս, որ Աստուծոյ կամքով Յիսուս Քրիստոսի առաքեալը եղայ՝ որպէսզի քարոզեմ իր խոստացած կեանքը, որ մենք՝ Քրիստոս Յիսուսի միացողներս ունինք,

ՏԻՏՈՍԻՆ 1:1

Ես, Պօղոս, Աստուծոյ ծառան եւ Յիսուս Քրիստոսի առաքեալը, կոչուած եմ Աստուծոյ ընտրեալները բերելու հաւատքի եւ ճշմարտութեան ճանաչումին, այն ճշմարտութեան՝ որ աստուածպաշտութեամբ կը գտնուի,

ՓԻԼԻՄՈՆ 1:1

Ես՝ Պօղոս, որ Յիսուս Քրիստոսի համար բանտը կը գտնուիմ, եւ մեր եղբայրը՝ Տիմոթէոս, կը գրենք քեզի, սիրելի՛ Փիլիմոն, մեր գործակիցը.

ԵԲՐԱՅԵՑԻՍ 13:23

Կ՚ուզեմ որ գիտնաք, թէ մեր եղբայրը՝ Տիմոթէոս բանտէն արձակուած է հիմա։ Եթէ շուտով մօտս գայ, միասին կու գանք ձեզ տեսնելու։