ԱՌԱՋԻՆ ՏԻՄՈԹԷՈՍ 6:5 - Western Armenian New Translation - Armenian Catholicosate of Cilicia - New Testament

⁵ եւ անվերջ բաղխումները՝ միտքով ապականած եւ ճշմարտութենէն հեռացած մարդոց միջեւ, որոնք կը կարծեն թէ կրօնքը շահի աղբիւր է։ Այդպիսիներէն հեռո՛ւ կեցիր։

Արեւմտահայերէն Նոր Կտակարան հարմարցուած․ 2017

⁵ մտքով ապականած ու ճշմարտութենէն հեռացած մարդոց զրաբանութիւններ, որոնք աստուածպաշտութիւնը շահավաճառութիւն մը կը սեպեն. այնպիսիներէն մէկդի՛ կեցիր։

Western Armenian Bible 1853

⁵ Մտքով ապականած ու ճշմարտութենէն հեռացած մարդոց զրաբանութիւններ, որոնք աստուածպաշտութիւնը շահավաճառութիւն մը կը սեպեն. այնպիսիներէն մէկդի՛ կեցիր։

ԱՌԱՋԻՆ ՏԻՄՈԹԷՈՍ 6:5 Iomraidhean Croise

ՄԱՏԹԷՈՍ 12:33

Եթէ կ՚ուզէք լաւ պտուղ ունենալ՝ ծառը առողջ պահեցէք, իսկ եթէ ծառը լաւ չպահէք՝ պտուղն ալ գէշ կ՚ըլլայ։ Որովհետեւ իւրաքանչիւր ծառ իր պտուղէն կը ճանչցուի։

ՄԱՏԹԷՈՍ 21:13

եւ ըսաւ անոնց. – Սուրբ գիրքերուն մէջ գրուած է. «Իմ տունս աղօթքի տուն պիտի կոչուի», մինչ դուք զայն աւազակներու որջի վերածած էք։

ՄԱՏԹԷՈՍ 23:13

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ երկինքի արքայութիւնը կը փակէք մարդոց առջեւ. դուք չէք մտներ եւ թոյլ չէք տար նաեւ անոնց՝ որ կ՚ուզեն մտնել։

ԱՌԱՋԻՆ ԿՈՐՆԹԱՑԻՍ 11:16

Այս բոլորէն ետք, եթէ մէկը դարձեալ ուզէ առարկութիւն ընել այս մասին՝ մենք միայն կ՚ըսենք.– Ո՛չ մենք, ո՛չ ալ Աստուծոյ եկեղեցիները՝ ուրիշ սովորութիւն չենք ճանչնար։

ԵՐԿՐՈՐԴ ԹԵՍԱՂՈՆԻԿԵՑԻՍ 3:6

Մեր Տիրոջ Յիսուս Քրիստոսի անունով կը պատուիրեմ ձեզի, եղբայրներ, որ հեռու մնաք ոեւէհաւատակից եղբօրմէ՝ որ ծուլութեամբ կ՚ապրի, եւ ո՛չ թէ այն օրինակով որ մենք ձեզի տուինք։

ԱՌԱՋԻՆ ՏԻՄՈԹԷՈՍ 1:6

Շատեր այս պատուէրները մոռցած, դատարկ վիճաբանութեանց մէջ մտնելով՝

ԱՌԱՋԻՆ ՏԻՄՈԹԷՈՍ 3:3

Պէտք չէ գինեմոլ ըլլայ, ո՛չ ալ կոպիտ, այլ՝ ազնիւ. ո՛չ կռուազան եւ ո՛չ ալ դրամասէր։

ԱՌԱՋԻՆ ՏԻՄՈԹԷՈՍ 3:8

Նոյնպէս ալ սարկաւագները. պէտք է պարկեշտ ըլլան, եւ ո՛չ թէ կեղծաւոր, գինեսէր, կամ շահամոլ։

ԱՌԱՋԻՆ ՏԻՄՈԹԷՈՍ 4:7

Իսկ պառաւներու յատուկ եւ հաւատքը պղտորող առասպելներէն ամբողջութեամբ հեռո՛ւ մնա։ Ինքզինքդ աստուածպաշտութեամբ ապրելու մարզէ.

ԱՌԱՋԻՆ ՏԻՄՈԹԷՈՍ 4:8

որովհետեւ եթէ մարմինի մարզանքները որոշ բաներու օգտակար են, աստուածպաշտութիւնը ամէն բանի օգտակար է, քանի կը խոստանայ կեանք տալ՝ թէ՛ այս աշխարհի եւ թէ՛ հանդերձեալին մէջ։

ԱՌԱՋԻՆ ՏԻՄՈԹԷՈՍ 6:6

Կրօնքը շահի մեծ աղբիւր է, այո՛, իր ունեցածով գոհանալ գիտցողին համար։

ԵՐԿՐՈՐԴ ՏԻՄՈԹԷՈՍ 3:5

Երեւութապէս աստուածապաշտ են անոնք, բայց խորքին մէջ չեն հաւատար աստուածպաշտութեան զօրութեան։ Զգուշացի՛ր անոնցմէ։

ԵՐԿՐՈՐԴ ՏԻՄՈԹԷՈՍ 3:8

Այնպէս ինչպէս Եանէս եւ Եամբրէս մոգերը Մովսէսի հակառակեցան, միտքով ապականած եւ հաւատքով սնանկ այս մարդիկն ալ ճշմարտութեան կը հակառակին։

ՏԻՏՈՍԻՆ 1:11

որոնց բերանը պէտք է փակել, որովհետեւ անոնք ամբողջ տուներ կը քանդեն, շահամոլութենէ տարուած ուսուցանելով բաներ, որ պէտք չէ ուսուցանել։

ԵՐԿՐՈՐԴ ՊԵՏՐՈՍԻ 2:15

Ուղիղ ճամբան ձգելով՝ մոլորած են, հետեւելով Բէորի որդի Բաղաամի օրինակին, որ ուզեց անիրաւութեամբ դրամ շահիլ,

ԵՐԿՐՈՐԴ ՊԵՏՐՈՍԻ 2:3

Ընչաքաղցութենէ մղուած՝ պիտի շահագործեն ձեզ իրենց շինծու խօսքերով. բայց անոնց դատապարտութիւնը սկիզբէն իսկ յայտնի է, անոնց կորուստը պիտի չուշանայ։

ՅՈՒԴԱՅԻ 1:11

Վա՜յ անոնց, որոնք Կայէնի գացած ճամբով գացին։ Դրամի սիրոյն՝ մոլորութեան մէջ ինկան, Բաղաամին պէս, եւ իրենց ապստամբութեան համար ալ պիտի կորսուին, Կորխին պէս։

ՅԱՅՏՆՈՒԹԻՒՆ 18:13

Ասկէ ետք ո՛չ ոք պիտի գնէ կինամոն, համեմ, խունկ, անուշահոտ, կնդրուկ, գինի եւ ձէթ, նաշիհ, ցորեն, արջառ ու ոչխար, ձի եւ ձիակառք, գերիներ եւ նոյնիսկ մարդիկ։

ՅԱՅՏՆՈՒԹԻՒՆ 18:3

Որովհետեւ բոլոր ազգերը անոր պոռնկութեան բարկ գինիէն արբեցան եւ երկրի թագաւորները անոր հետ պոռնկութիւն ըրին. այս աշխարհի վաճառականները անոր անչափ զեղխութենէն անհամեմատ հարստացան»։