ԱՌԱՋԻՆ ՏԻՄՈԹԷՈՍ 6:4 - Western Armenian New Translation - Armenian Catholicosate of Cilicia - New Testament

⁴ այնպիսին հպարտութեամբ կուրցած մըն է, որ ոչինչ գիտէ։ Խնդիրներ եւ վէճեր ստեղծելու հիւանդութիւնը ունի. եւ ատկէ ծնունդ կ՚առնեն՝ նախանձը, հակառակասիրութիւնը, հայհոյութիւնը, չար կասկածները,

Արեւմտահայերէն Նոր Կտակարան հարմարցուած․ 2017

⁴ այնպիսին հպարտացած է ու բան մը չի գիտեր, հապա վէճերով ու հակառակութիւններով ախտացած է. որոնցմէ կը յառաջանան նախանձ, կռիւ, հայհոյութիւններ, գէշ կասկածներ,

Western Armenian Bible 1853

⁴ Այնպիսին հպարտացած է ու բան մը չի գիտեր, հապա վէճերով ու հակառակութիւններով ախտացած է. որոնցմէ կը յառաջանան նախանձ, կռիւ, հայհոյութիւններ, գէշ կասկածներ,

ԱՌԱՋԻՆ ՏԻՄՈԹԷՈՍ 6:4 Iomraidhean Croise

ԳՈՐԾՔ ԱՌԱՔԵԼՈՑ 15:2

Բայց երբ բաւական հակառակութիւն եւ խնդիր եղաւ Պօղոսի ու Բառնաբասի եւ անոնց միջեւ, որոշուեցաւ որ Պօղոս եւ Բառնաբաս եւ անոնցմէ ոմանք այդ խնդրին համար երթան Երուսաղէմ, առաքեալներուն ու երէցներուն քով։

ԳՈՐԾՔ ԱՌԱՔԵԼՈՑ 18:15

Բայց քանի խնդիրը ոեւէ խօսքի բացատրութեան, անուններու կամ ձեր Օրէնքին կը վերաբերի, դուք ձեր միջեւ կարգադրեցէք։ Ես այդպիսի բաներու դատաւորութիւն ընել չեմ ուզեր։

ԳՈՐԾՔ ԱՌԱՔԵԼՈՑ 8:9

Նոյն քաղաքին մէջ կար Սիմոն անունով մէկը, որ երկար ատենէ ի վեր այնտեղ էր եւ կախարդութիւն ընելով կ՚ապշեցնէր Սամարացիները.

ՀՌՈՎՄԱՅԵՑԻՍ 12:16

Բոլորին հանդէպ նոյն վերաբերումը ունեցէք. մեծամիտ մի՛ ըլլաք, խոնարհ մարդոց ալ ընկերութիւն ընելու զիջեցէք, եւ դուք ձեզ իմաստուն մի՛ համարէք։

ՀՌՈՎՄԱՅԵՑԻՍ 13:13

ապրելու համար այնպէս՝ ինչպէս վայել է լոյսի մէջ քալողներուն, փոխանակ անառակութեամբ, արբեցութեամբ, խառնակեցութեամբ ու պղծութեամբ, կամնախանձով ու հակառակութեամբ ապրելու։

ՀՌՈՎՄԱՅԵՑԻՍ 14:1

Հաւատքի մէջ տկարացած մէկը ընդունեցէք՝ առանց իր խիղճը տանջող կասկածները քննադատելու։

ՀՌՈՎՄԱՅԵՑԻՍ 2:8

իսկ բարկութիւն եւ զայրոյթ պիտի վերապահէ անոնց՝ որոնք հակառակութենէ տարուած՝ չեն հաւանիր ճշմարտութեան, այլ անիրաւութեան մէջ կը մնան։

ԱՌԱՋԻՆ ԿՈՐՆԹԱՑԻՍ 11:16

Այս բոլորէն ետք, եթէ մէկը դարձեալ ուզէ առարկութիւն ընել այս մասին՝ մենք միայն կ՚ըսենք.– Ո՛չ մենք, ո՛չ ալ Աստուծոյ եկեղեցիները՝ ուրիշ սովորութիւն չենք ճանչնար։

ԱՌԱՋԻՆ ԿՈՐՆԹԱՑԻՍ 11:18

Նախ՝ որովհետեւ երբ ամբողջ եկեղեցիով մէկտեղ կը հաւաքուիք՝ հակառակ խումբերու կը բաժնուիք, ըստ լսածիս։ Եւ մասամբ մը կը հաւատամ ատոր։

ԱՌԱՋԻՆ ԿՈՐՆԹԱՑԻՍ 3:18

Ոեւէ մէկը ինքզինք թող չխաբէ։ Ձեզմէ ով որ այս աշխարհին չափանիշով ինքզինք իմաստուն կը կարծէ, թող յիմար ըլլայ՝ որպէսզի իրաւ իմաստուն ըլլայ։

ԱՌԱՋԻՆ ԿՈՐՆԹԱՑԻՍ 3:3

որովհետեւ դեռ աշխարհին պատկանող մարդոց պէս կ՚ապրիք։ Տակաւին ձեր մէջ եղող նախանձն ու հակառակութիւնը միթէ ցոյց չե՞ն տար որ դեռ մարմնաւոր էք եւ աշխարհի չափանիշներով խորհող մարդոց պէս կը վարուիք։

ԵՐԿՐՈՐԴ ԿՈՐՆԹԱՑԻՍ 11:20

Մտիկ կ՚ընէք անոնց՝ որոնք կը խաբեն ձեզ եւ ստրուկի տեղ կը դնեն, կը շահագործեն ու կը կողոպտեն ձեզ, կ՚արհամարհեն ու կ՚ապտակեն ձեզ։

ԳԱՂԱՏԱՑԻՍ 5:15

Իսկ եթէ այդպէս զիրար վիրաւորէք ու բզկտէք, զգո՜յշ, դուք ձեզ պիտի կործանէք։

ԳԱՂԱՏԱՑԻՍ 5:26

Չըլլանք սնապարծ, չգրգռենք իրար, չնախանձինք իրարու։

ԳԱՂԱՏԱՑԻՍ 6:3

Որովհետեւ ով որ կը խորհի թէ ուրիշներէն տարբեր է՝ այնպիսին ինքզինք կը խաբէ, որովհետեւ բնաւ ալ տարբեր չէ։

ՓԻԼԻՊՊԵՑԻՍ 1:15

Կան այնպիսիներ, որոնք նախանձի եւ հակառակութեան համար Քրիստոսը կը քարոզեն, բայց ուրիշներ սիրայօժար կերպովկ՚ընեն։

ՓԻԼԻՊՊԵՑԻՍ 2:14

Ինչ որ կ՚ընէք՝ առանց տրտունջքի կամ առարկութեան ըրէք,

ՓԻԼԻՊՊԵՑԻՍ 2:3

Մի՛ ընէք ոեւէ բան որ հակառակասիրութենէ կամ փառասիրութենէ մղուած ըլլայ. այլ՝ խոնարհ ոգիով՝ ձեր ընկերները աւելի լաւ համարեցէք քան դուք ձեզ։

ԿՈՂՈՍԱՑԻՍ 2:18

Չըլլա՛յ որ ոեւէ մէկը իր կեղծ խոնարհութեամբ, հրեշտակներուն ընծայուած պաշտամունքով եւ զանազան տեսիլքներով ձեզ մոլորեցնէ եւ մրցանակէն զրկէ. որովհե— տեւ այդպիսիները մարդկային հպարտութենէ տարուած են եւ կ՚ուզեն իրենք զիրենք պարտադրել ձեզի։

ԵՐԿՐՈՐԴ ԹԵՍԱՂՈՆԻԿԵՑԻՍ 2:4

հակառակորդը, որ պիտի ընդդիմանայ աստուած կոչուած եւ մարդոցմէ պաշտուած ոեւէ բանի։ Մինչեւ իսկ Աստուծոյ տաճարին մէջ պիտի նստի եւ ինքզինքին համար պիտի յայտարարէ՝ թէ աստուած է։

ԱՌԱՋԻՆ ՏԻՄՈԹԷՈՍ 1:4

եւ չզբաղին սկիզբ ու վերջ չունեցող առասպելներով եւ ազգահամարներով, որոնք վէճերու դուռ կը բանան, փոխանակ օգնելու մարդոց հաւատքին եւ Աստուծոյ ծրագրին իրականացման։

ԱՌԱՋԻՆ ՏԻՄՈԹԷՈՍ 1:7

մեզի Օրէնք սորվեցնելու ելեր են, մինչդեռ ո՛չ իրենց խօսածը գիտեն, ո՛չ ալ Աստուծոյ Օրէնքը, որուն մասին այնքան վստահութեամբ կը ճառեն։

ԱՌԱՋԻՆ ՏԻՄՈԹԷՈՍ 3:6

Պէտք չէ հաւատքի մէջ նորադարձ մը ըլլայ, որպէսզի չըլլայ որ հպարտանալով՝ դատապարտութեան տակ իյնայ Սատանային պէս։

ԵՐԿՐՈՐԴ ՏԻՄՈԹԷՈՍ 2:14

Բոլորին յիշեցուր այս բաները, եւ Աստուծոյ ներկայութեան պահանջէ իրենցմէ՝ որ իրարու հետ վէճ ու կռիւ չընեն. բան մը, որ օգուտ չունենալէն զատ՝ լսողներուն ալ հաւատքը կը քանդէ։

ԵՐԿՐՈՐԴ ՏԻՄՈԹԷՈՍ 2:23

Յիմար եւ անօգուտ վէճերէ հրաժարէ՛, գիտնալով որ անոնցմէ կռիւներ կը ծագին։

ԵՐԿՐՈՐԴ ՏԻՄՈԹԷՈՍ 3:4

մատնիչ, անպատկառ, գոռոզ, եւ աւելի հեշտանքը սիրող՝ քան զԱստուած։

ՏԻՏՈՍԻՆ 3:9

Միւս կողմէ, խուսափէ՛ յիմար վէճերէն, ազգաբանական ցանկերով զբաղելէ, Մովսիսական Օրէնքին շուրջ ստեղծուած բանավէճերէն ու բանակռիւներէն, որովհետեւ անօգուտ են եւ անիմաստ։

ՅԱԿՈԲՈՒ 1:19

Յիշեցէ՛ք, սիրելի՛ եղբայրներս, որ աւելի պատրաստակամ պէտք է ըլլաք լսելու, քան՝ խօսելու։ Դիւրաւ մի՛ բորբոքիք։

ԵՐԿՐՈՐԴ ՊԵՏՐՈՍԻ 2:12

Բայց ասոնք իրենց չհասկցած բաները կ՚անարգեն. եւ ինչպէս իրենց բնազդներուն հետեւող անբան անասունները որսացուելով սպաննուելու սահմանուած են, այդպէս պիտի կորսուին իրենք ալ, անասուններու պէս.

ԵՐԿՐՈՐԴ ՊԵՏՐՈՍԻ 2:18

Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։

ՅՈՒԴԱՅԻ 1:10

Մինչդեռ այս մարդիկը իրենց չգիտցած բաները կ՚անարգեն։ Իրենց ամբողջ գիտցածը՝ իրենց բնազդական ցանկութիւններն են, որոնց կը հետեւին անբան անասուններու պէս, եւ որոնք իրենց կործանումին պատճառ պիտի ըլլան։

ՅՈՒԴԱՅԻ 1:16

Միշտ տրտնջացող եւ քննադատող այդ մարդիկը իրենց սեփական ցանկութիւններուն ետեւէն կը վազեն, պոռոտախօսութիւն կ՚ընեն եւ ասոր–անոր գովասանք կը շռայլեն՝ իրենց սեփական շահուն համար։

ՅԱՅՏՆՈՒԹԻՒՆ 3:17

Կ՚ըսես՝ թէ «Հարուստ էի եւ աւելի հարստացայ, եւ ո՛չ մէկ բանի կարօտ եմ», սակայն չես գիտեր թէ դուն ողորմելի մըն ես, խեղճ ու աղքատ, մերկ եւ կոյր։