ԱՌԱՋԻՆ ՏԻՄՈԹԷՈՍ 6:20 - Western Armenian New Translation - Armenian Catholicosate of Cilicia - New Testament

²⁰ Ո՜վ Տիմոթէոս, պահէ՛ քեզի վստահուած աւանդը, հեռու մնալով շինծու եւ դատարկ տեսութիւններէն եւ կեղծ գիտութեան անունով կատարուած բանավէճերէն։

Արեւմտահայերէն Նոր Կտակարան հարմարցուած․ 2017

²⁰ Ո՜վ Տիմոթէոս, քեզի տրուած աւանդը պահէ, փախչելով պիղծ ունայնաբանութիւններէ եւ սուտանուն գիտութեան հակառակութիւններէ։

Western Armenian Bible 1853

²⁰ Ո՜վ Տիմոթէոս, քեզի տրուած աւանդը պահէ, փախչելով պիղծ ունայնաբանութիւններէ եւ սուտանուն գիտութեան հակառակութիւններէ։

ԱՌԱՋԻՆ ՏԻՄՈԹԷՈՍ 6:20 Iomraidhean Croise

ԳՈՐԾՔ ԱՌԱՔԵԼՈՑ 16:1

Պօղոս շրջելով հասաւ Դերբէ եւ հոնկէ եկաւ Լիստրա։ Այնտեղ կար Տիրոջ աշակերտած մէկը, Տիմոթէոս անունով, որ դարձի եկած Հրեայ կնոջ մը զաւակն էր՝ հեթանոս հօրմէ,

ԳՈՐԾՔ ԱՌԱՔԵԼՈՑ 17:18

Եպիկուրեան եւ Ստոյիկեան իմաստասէրներէն ոմանք կը հակաճառէին իրեն։ Ուրիշներ կ՚ըսէին. –Այս իմաստակը ի՞նչ ըսել կ՚ուզէ։ Իսկ ուրիշներ կ՚ըսէին. –Կ՚երեւի թէ օտար աստուածներ կը քարոզէ։ Որովհետեւ Յիսուսի մասին կը խօսէր եւ յարութեան աւետիսը կու տար անոնց։

ԳՈՐԾՔ ԱՌԱՔԵԼՈՑ 17:21

Որովհետեւ ընդհանրապէս բոլոր Աթենացիները եւ հոն բնակող օտարականները ուրիշ զբաղում չունէին՝ բացի վերջին նորութիւնները լսելէ եւ պատմելէ։

ՀՌՈՎՄԱՅԵՑԻՍ 1:22

Իրենք զիրենք իմաստուն համարելով՝ յիմարացան,

ՀՌՈՎՄԱՅԵՑԻՍ 3:2

Առաւելութիւնները շատ են եւ ամէն տեսակի։ Եւ առաջին հերթին այն՝ որ Աստուծոյ պատգամները իրենց վստահուեցան։

ԱՌԱՋԻՆ ԿՈՐՆԹԱՑԻՍ 2:6

Սակայն հոգեւոր կատարելութեան հասածներուն իմաստութիւն ալ կը քարոզենք։ Բայց մեր քարոզածը ո՛չ այս աշխարհի իմաստութիւնն է, ո՛չ ալ այս աշխարհը կառավարող ոյժերունը, որոնց իշխանութիւնը շուտով պիտի խափանուի։

ԱՌԱՋԻՆ ԿՈՐՆԹԱՑԻՍ 3:19

Որովհետեւ այս աշխարհի իմաստութիւնը Աստուծոյ աչքին յիմարութիւնէ, ինչպէս Սուրբ գիրքերուն մէջ գրուած է. «Աստուած իմաստունները իրենց ճարպիկութեան մէջ կը բռնէ»։

ԿՈՂՈՍԱՑԻՍ 2:18

Չըլլա՛յ որ ոեւէ մէկը իր կեղծ խոնարհութեամբ, հրեշտակներուն ընծայուած պաշտամունքով եւ զանազան տեսիլքներով ձեզ մոլորեցնէ եւ մրցանակէն զրկէ. որովհե— տեւ այդպիսիները մարդկային հպարտութենէ տարուած են եւ կ՚ուզեն իրենք զիրենք պարտադրել ձեզի։

ԿՈՂՈՍԱՑԻՍ 2:8

Զգոյշ եղէք, որ ոեւէ մէկը ձեր միտքը չգրաւէ իմաստասիրական տեսութիւններով եւ խաբեբայական սին խօսքերով, որոնք մարդկային աւանդութիւններու եւ բնութեան ոյժերուն վրայ կը հիմնուին եւ ո՛չ թէ Յիսուս Քրիստոսի ճշմարիտ վարդապետութեան վրայ։

ԵՐԿՐՈՐԴ ԹԵՍԱՂՈՆԻԿԵՑԻՍ 1:4

Աստուծոյ եկեղեցիներուն մէջ մենք կը պարծենանք ձեզմով, այն համբերութեան եւ հաւատքին համար, որ դուք ցուցաբերեցիք ձեր կրած բոլոր հալածանքներուն եւ նեղութիւններուն մէջ։

ԵՐԿՐՈՐԴ ԹԵՍԱՂՈՆԻԿԵՑԻՍ 2:15

Ուստի, եղբայրներ, հաստատուն մնացէք եւ ամուր պահեցէք աւանդութիւնները որ սորվեցաք մեզմէ, ըլլա՛յ խօսքով, ըլլա՛յ նամակով։

ԱՌԱՋԻՆ ՏԻՄՈԹԷՈՍ 1:11

պատուէրներու, որոնք համաձայն են երանելի Աստուծոյ փառքը պատմող Աւետարանին, որ ես հաւատարմօրէն քարոզեցի։

ԱՌԱՋԻՆ ՏԻՄՈԹԷՈՍ 1:2

քեզի՛ կը գրեմ, հաւատքի հարազատ որդիս, Տիմոթէոս։ Թող Հայրն Աստուած եւ մեր Տէրը Քրիստոս Յիսուս՝ շնորհք, ողորմութիւն եւ խաղաղութիւն պարգեւեն քեզի։

ԱՌԱՋԻՆ ՏԻՄՈԹԷՈՍ 1:4

եւ չզբաղին սկիզբ ու վերջ չունեցող առասպելներով եւ ազգահամարներով, որոնք վէճերու դուռ կը բանան, փոխանակ օգնելու մարդոց հաւատքին եւ Աստուծոյ ծրագրին իրականացման։

ԱՌԱՋԻՆ ՏԻՄՈԹԷՈՍ 1:6

Շատեր այս պատուէրները մոռցած, դատարկ վիճաբանութեանց մէջ մտնելով՝

ԱՌԱՋԻՆ ՏԻՄՈԹԷՈՍ 1:9

Սակայն գիտենք նաեւ, թէ Օրէնքը արդարներուն համար դրուած չէ, այլ՝ անօրէններուն եւ անհնազանդներուն, ամբարիշտներուն ու մեղաւորներուն, սրբութիւնները ոտնակոխ ընողներուն ու պիղծերուն, հայր ու մայր անարգողներուն, մարդասպաններուն,

ԱՌԱՋԻՆ ՏԻՄՈԹԷՈՍ 4:7

Իսկ պառաւներու յատուկ եւ հաւատքը պղտորող առասպելներէն ամբողջութեամբ հեռո՛ւ մնա։ Ինքզինքդ աստուածպաշտութեամբ ապրելու մարզէ.

ԱՌԱՋԻՆ ՏԻՄՈԹԷՈՍ 6:11

Սակայն դո՛ւն, ո՜վ մարդ Աստուծոյ, այդպիսի բաներէ հեռու փախիր, եւ հետամուտ եղիր՝ արդարութեան, աստուածպաշտութեան, հաւատքի, սիրոյ, համբերութեան եւ հեզութեան։

ԱՌԱՋԻՆ ՏԻՄՈԹԷՈՍ 6:14

որ այս պատուիրանները պահես զգուշութեամբ եւ հաւատարմօրէն, մինչեւ որ մեր Տէրը Յիսուս Քրիստոս երկրորդ անգամ յայտնուի։

ԵՐԿՐՈՐԴ ՏԻՄՈԹԷՈՍ 2:1

Հետեւաբար դուն, որդեա՛կս, Քրիստոս Յիսուսի շնորհքովը զօրացիր,

ԵՐԿՐՈՐԴ ՏԻՄՈԹԷՈՍ 2:16

Հեռո՛ւ կեցիր հաւատքի ճշմարտութիւնները խեղաթիւրող պարապ վիճաբանութիւններէ, որոնք հետզհետէ մարդիկը Աստուծմէ հեռացնելու կը ծառայեն միայն։

ՏԻՏՈՍԻՆ 1:14

փոխանակ հրէական առասպելներու եւ ճշմարտութենէն շեղած մարդոց պատուէրներուն ականջ տալու։

ՏԻՏՈՍԻՆ 1:4

Ո՛վ Տիտոս, մեր հասարակաց հաւատքի ճամբով իմ հարազատ որդիս, թող Հայրն Աստուած եւ մեր փրկիչը Քրիստոս Յիսուս շնորհք եւ խաղաղութիւն պարգեւեն քեզի։

ՏԻՏՈՍԻՆ 1:9

Պէտք է ամրօրէն պահէ իր սորված վստահելի վարդապետութիւնը, որպէսզի կարենայ ուղիղ ուսուցումով յորդորել ուրիշները եւ յանդիմանել հակառակորդները։

ՏԻՏՈՍԻՆ 3:9

Միւս կողմէ, խուսափէ՛ յիմար վէճերէն, ազգաբանական ցանկերով զբաղելէ, Մովսիսական Օրէնքին շուրջ ստեղծուած բանավէճերէն ու բանակռիւներէն, որովհետեւ անօգուտ են եւ անիմաստ։

ՅԱՅՏՆՈՒԹԻՒՆ 3:3

Յիշէ՛ ինչ որ լսեցիր եւ ընդունեցիր. պահէ՛ զանոնք եւ ապաշխարէ՛։ Եթէ արթուն չմնաս՝ գողի պէս պիտի գամ եւ ո՛ր մէկ ժամուն քեզի գալս պիտի չիմանաս։