ԱՌԱՋԻՆ ՏԻՄՈԹԷՈՍ 6:18 - Western Armenian New Translation - Armenian Catholicosate of Cilicia - New Testament

¹⁸ Պատուիրէ որ բարիք գործեն, լաւ գործերով հարստանան, եւ ըլլան առատաձեռն, սիրալիր եւ իրենց ունեցածով ուրիշներուն օգնելու պատրաստ։

Արեւմտահայերէն Նոր Կտակարան հարմարցուած․ 2017

¹⁸ բարիք գործեն, բարի գործերով հարստանան, առատաձեռն եւ ուրիշին պիտոյքներուն հաղորդակից ըլլան։

Western Armenian Bible 1853

¹⁸ Բարիք գործեն, բարի գործերով հարստանան, առատաձեռն եւ ուրիշին պիտոյքներուն հաղորդակից ըլլան։

ԱՌԱՋԻՆ ՏԻՄՈԹԷՈՍ 6:18 Iomraidhean Croise

ՄԱՏԹԷՈՍ 5:42

Եթէ մէկը քեզմէ բան մը խնդրէ՝ տուր, եւ եթէ մէկը քեզմէ բան մը փոխ առնել ուզէ՝ երես մի՛ դարձներ։ –

ՂՈԻԿԱՍ 12:21

Եւ Յիսուս եզրակացուց. – Նոյնն է պարագան բոլոր անոնց, որոնք միայն իրենց անձերուն համար հարստութիւն կը դիզեն, փոխանակ Աստուծոյ աչքին հարստանալու։

ՂՈԻԿԱՍ 3:11

Յովհաննէս պատասխանեց. – Ով որ երկու հագուստ ունի՝ թող մէկը չունեցողին տայ, իսկ ով որ ուտելիք ունի՝ նոյնպէս ուրիշին հետ թող կիսէ։

ԳՈՐԾՔ ԱՌԱՔԵԼՈՑ 10:38

Կ՚ակնարկեմ Յիսուսի, որ Նազարէթէն էր. Աստուած զայն Սուրբ Հոգիով եւ զօրութեամբ օծեց, եւ անիկա շրջեցաւ՝ բարիք գործելով եւ Սատանային կողմէ տանջուածները բժշկելով, որովհետեւ Աստուած իր հետն էր։

ԳՈՐԾՔ ԱՌԱՔԵԼՈՑ 11:29

Անտիոքի հաւատացեալները որոշեցին՝ իւրաքանչիւրը իր կարողութեան չափով օգնութիւն ղրկել Հրէաստան բնակող եղբայրներուն.

ԳՈՐԾՔ ԱՌԱՔԵԼՈՑ 9:36

Յոպպէի մէջ Յիսուսի հետեւորդ կին մը կար Տաբիթա անունով, որուն Հայերէն թարգմանութիւնն է՝ Այծեմնիկ։ Անիկա իր կեանքը կը լեցնէր բարի գործերով եւ աղքատներուն օգնելով։

ՀՌՈՎՄԱՅԵՑԻՍ 12:13

Կարիքի մէջ եղող եղբայրներուն օգնեցէք եւ միշտ հիւրասէր եղէք։

ՀՌՈՎՄԱՅԵՑԻՍ 12:8

Եթէ յորդորելու կարողութիւնը ունինք՝ պէտք է յորդորենք։ Իր ունեցածը ուրիշներուն բաժնողը առատօրէն թող բաշխէ։ Վերակացու եղողը եռանդագին թող աշխատի։ Ողորմութիւն ընողը խնդութեամբ թող ընէ։

ԱՌԱՋԻՆ ԿՈՐՆԹԱՑԻՍ 16:2

Ամէն Կիրակի ձեզմէ իւրաքանչիւրը պզտիկ խնայողութիւն մը թող մէկ կողմ դնէ, իր կարողութեան չափով, որպէսզի հանգանակութիւնը գալէս ետք չըլլայ,

ԵՐԿՐՈՐԴ ԿՈՐՆԹԱՑԻՍ 8:12

Կը բաւէ որ նուիրելու յօժարութիւնը ունենաք, եւ Աստուած կ՚ընդունի ձեր նուէրը, եթէ ձեր ունեցածին համապատասխան է. որովհետեւ ձեր չունեցածը չ՚ըսպասեր ձեզմէ։

ԵՐԿՐՈՐԴ ԿՈՐՆԹԱՑԻՍ 8:9

Արդարեւ, դուք գիտէք թէ մեր Տէրը՝ Յիսուս Քրիստոս ի՜նչ շնորհք ըրաւ մեզի. ինք որ հարուստն էր՝ աղքատացաւ ձեզի համար, որպէսզի իր աղքատանալովը դուք հարստանաք։

ԳԱՂԱՏԱՑԻՍ 6:10

Հետեւաբար, որքան ատեն որ ժամանակը մեր ձեռքն է՝ բարիք ընենք բոլորին, մանաւանդ հաւատքի ճամբով մեր հարազատներուն։

ԵՓԵՍԱՑԻՍ 4:28

Ով որ գողութեամբ կ՚ապրէր՝ թող այլեւս չգողնայ, այլ՝ վարժուի արդար վաստակով ո՛չ միայն իր հացը շահելու, այլ նաեւ բարիք գործելու, օգնելով անոնց՝ որոնք կարօտ են։

ԱՌԱՋԻՆ ՏԻՄՈԹԷՈՍ 5:10

եւ բարի գործերով վկայուած են, այսինքն՝ զաւակներ մեծցուցած, հիւրասէր եղած, ճամբորդ հաւատացեալներուն խոնարհաբար ծառայած, նեղութեան մէջ եղողներուն օգնած, եւ իրենք զիրենք ամբողջութեամբ բարեգործութեան տուած են։

ՏԻՏՈՍԻՆ 2:14

Որովհետեւ Քրիստոս իր անձը տուաւ մեզի համար, որպէսզի մեզ ազատէ մեր բոլոր անօրէնութիւններէն, եւ մեզ մաքրելով՝ իր սեփական ժողովուրդը դարձնէ, բարի գործերու նախանձախնդիր։

ՏԻՏՈՍԻՆ 3:8

Ստոյգ է ինչ որ կ՚ըսեմ. եւ կ՚ուզեմ որ դուն այս կէտերուն վրայ դնես շեշտը, որպէսզի Աստուծոյ հաւատացողները բարի գործերու հետամուտ ըլլան, որովհետեւ ա՛յդ է բարին եւ մարդոց օգտակարը։

ԵԲՐԱՅԵՑԻՍ 13:16

Եւ մի՛ մոռնաք բարեգործութիւն ընել եւ օգնել ուրիշներուն, որովհետեւ ատոնք են Աստուծոյ կամեցած զոհերը։

ՅԱԿՈԲՈՒ 2:5

Լսեցէ՛ք, սիրելի՛ եղբայրներս, Աստուած ինք չընտրե՞ց աշխարհիս աղքատները, որոնք հաւատքով հարուստ են եւ պիտի ժառանգեն արքայութիւնը, որ Աստուած զինք սիրողներուն խոստացաւ։

ԱՌԱՋԻՆ ՊԵՏՐՈՍԻ 3:11

թող չարէն հեռանայ եւ բարիք գործէ, թող խաղաղութիւն կամենայ ու զայն հետապնդէ։

ԱՌԱՋԻՆ ՅՈՎՀԱՆՆՈՒ 3:17

Այն մարդը, որ նիւթական ամէն բարիք ունի, եւ տեսնելով հանդերձ թէ իր մէկ եղբայրը օգնութեան կարօտ է՝ իր գութը չի շարժիր, ի՞նչպէս կրնայ ըսել՝թէ Աստուծոյ սէրը ունի իր մէջ։

ԵՐՐՈՐԴ ՅՈՎՀԱՆՆՈՒ 1:11

Սիրելի՛ս, չարը թող օրինակ չըլլա՛յ քեզի, այլ՝ բարիէն օրինակ առ. որովհետեւ բարին գործողը Աստուծմէ ծնած է, մինչդեռ չար գործողը երբեք զԱստուած տեսած չէ։