ԱՌԱՋԻՆ ՏԻՄՈԹԷՈՍ 5:21 - Western Armenian New Translation - Armenian Catholicosate of Cilicia - New Testament

²¹ Աստուծոյ, Յիսուս Քրիստոսի եւ ընտրեալ հրեշտակներու վկայութեամբ՝ կոչ կ՚ընեմ քեզի, որ այս կանոնները պահես առանց կանխակալ կարծիքներով շարժելու եւ առանց խտրութիւն դնելու։

Արեւմտահայերէն Նոր Կտակարան հարմարցուած․ 2017

²¹ Կ’երդմնցնեմ Աստուծոյ առջեւ եւ Յիսուս Քրիստոսին ու ընտրեալ հրեշտակներուն որպէս զի այս բաները պահես առանց նախապաշարումի, բան մը աչառութեամբ չընես։

Western Armenian Bible 1853

²¹ Կ’երդմնցնեմ Աստուծոյ առջեւ եւ Յիսուս Քրիստոսին ու ընտրեալ հրեշտակներուն որպէս զի այս բաները պահես առանց նախապաշարումի, բան մը աչառութեամբ չընես։

ԱՌԱՋԻՆ ՏԻՄՈԹԷՈՍ 5:21 Iomraidhean Croise

ՄԱՏԹԷՈՍ 16:27

Արդարեւ, Մարդու Որդին պիտի գայ իր Հօր փառքով՝ իր հրեշտակներուն հետ, եւ այն ատեն իւրաքանչիւրին իր գործերուն համաձայն հատուցում պիտի կատարէ։

ՄԱՏԹԷՈՍ 25:41

Ապա իր ձախ կողմը կեցողներուն պիտի ըսէ. «Անիծեալնե՛ր, հեռացէ՛ք ինձմէ, գացէ՛ք յաւիտենական կրակին մէջ, որ Սատանային եւ անոր հրեշտակներուն համար պատրաստուած է։

ՄԱՏԹԷՈՍ 28:20

Անոնց սորվեցուցէք այն բոլոր պատուիրանները որ ես ձեզի տուի. եւ ահա միշտ ձեզի հետ պիտի ըլլամ, մինչեւ աշխարհիս վախճանը։

ՂՈԻԿԱՍ 20:21

Ասոնք հարցուցին Յիսուսի. – Վարդապե՛տ, գիտենք որ ճիշդը կը խօսիս եւ կը սորվեցնես. գիտենք որ անաչառ ես եւ ճշմարտութեամբ Աստուծոյ կամքը կ՚ուսուցանես։

ՂՈԻԿԱՍ 9:26

Ով որ զիս եւ կամ խօսքերս ընդունիլը ամօթ նկատէ՝ Մարդու Որդին ալ զայն ընդունիլը ամօթ պիտի նկատէ, երբ գայ իր փառքով, ինչպէս նաեւ իր Հօր եւ սուրբ հրեշտակներուն փառքով։

ԵՐԿՐՈՐԴ ԿՈՐՆԹԱՑԻՍ 5:16

Այնպէս որ, այսուհետեւ մենք ոեւէ հաւատացեալի չենք նայիր զուտ մարդկային չափանիշով։ Կար ժամանակ, երբ մենք ալ այդպէս կը նայէինք Քրիստոսի. բայց հիմա ամբողջութեամբ տարբեր կը մտածենք։

ԱՌԱՋԻՆ ԹԵՍԱՂՈՆԻԿԵՑԻՍ 5:27

Տիրոջ անունով կը խնդրեմ, որ այս նամակը կարդաք բոլոր հաւատացեալ եղբայրներուն ներկայութեան։

ԱՌԱՋԻՆ ՏԻՄՈԹԷՈՍ 6:13

Կը պատուիրեմ քեզի՝ Աստուծոյ առջեւ, որ բոլորին կեանք կու տայ, եւ Յիսուս Քրիստոսի առջեւ, որ Պոնտացի Պիղատոսին դիմաց իր հաւատքին վկայութիւնը տուաւ գեղեցիկ դաւանութեամբ մը,

ԵՐԿՐՈՐԴ ՏԻՄՈԹԷՈՍ 2:14

Բոլորին յիշեցուր այս բաները, եւ Աստուծոյ ներկայութեան պահանջէ իրենցմէ՝ որ իրարու հետ վէճ ու կռիւ չընեն. բան մը, որ օգուտ չունենալէն զատ՝ լսողներուն ալ հաւատքը կը քանդէ։

ԵՐԿՐՈՐԴ ՏԻՄՈԹԷՈՍ 4:1

Ուստի, հետեւեալ պատուէրըկու տամ քեզի՝Աստուծոյ եւ Յիսուս Քրիստոսի ներկայութեան, որ ողջերն ու մեռածները պիտի դատէ իր յայտնութեան օրը, երբ իր թագաւորութեամբը գայ.–

ՅԱԿՈԲՈՒ 3:17

Մինչդեռ երկնային իմաստութիւնը ունեցող մարդը նախ որ մաքուր կ՚ըլլայ, ապա նաեւ՝ խաղաղարար, ազնիւ, բարեացակամ, ողորմած եւ բարի գործերով արդիւնաւոր, անկողմնակալ եւ անկեղծ։

ԵՐԿՐՈՐԴ ՊԵՏՐՈՍԻ 2:4

Որովհետեւ Աստուած մեղանչած հրեշտակներուն իսկ չխնայեց, այլ՝ զանոնք տարտարոս նետել տուաւ, ուր խաւարին կապանքներով կապուած՝ կը պահուին մինչեւ դատաստանի օրը։

ՅՈՒԴԱՅԻ 1:6

Յիշեցէ՛ք նոյնպէս, թէ ի՛նչպէս վարուեցաւ այն հրեշտակներուն հետ, որոնք իրենց տրուած իշխանութեամբ չգոհանալով՝ իրենց սահմաններէն դուրս եկան, եւ Աստուած զանոնք մշտնջենական շղթաներով կապուած կը պահէ խաւարին մէջ, մինչեւ որ դատաստանի մեծ օրը գայ։

ՅԱՅՏՆՈՒԹԻՒՆ 14:10

անիկա Աստուծոյ բարկութեան գինին պիտի խմէ. այն անխառն գինին, որ լեցուեցաւ Աստուծոյ բարկութեան բաժակին մէջ. անիկա պիտի տանջուի կրակով եւ ծծումբով՝ Աստուծոյ սուրբ հրեշտակներուն եւ Գառնուկին դիմաց։