ԱՌԱՋԻՆ ՏԻՄՈԹԷՈՍ 5:1 - Western Armenian New Translation - Armenian Catholicosate of Cilicia - New Testament

¹ Երբեք խստութեամբ մի՛ յանդիմաներ ծեր մէկը, այլ՝ մեղմութեամբ յորդորէ զայն, ինչպէս հօրդ պիտի ընէիր։ Երիտասարդները եղբօրդ տեղը սեպէ,

Արեւմտահայերէն Նոր Կտակարան հարմարցուած․ 2017

¹ Ծերը սաստիկ մի՛ յանդիմաներ, հապա հօր մը պէս յորդորէ զանիկա. երիտասարդները՝ եղբայրներու պէս,

Western Armenian Bible 1853

¹ Ծերը սաստիկ մի՛ յանդիմաներ, հապա հօր մը պէս յորդորէ զանիկա. երիտասարդները՝ եղբայրներու պէս,

ԱՌԱՋԻՆ ՏԻՄՈԹԷՈՍ 5:1 Iomraidhean Croise

ՄԱՏԹԷՈՍ 23:8

Բայց դուք ոեւէ մէկը «վարդապետ» մի՛ կոչէք, որովհետեւ դուք բոլորդ եղբայրներ էք եւ մէկ ուսուցիչ ունիք։

ԳՈՐԾՔ ԱՌԱՔԵԼՈՑ 14:23

Անոնք նաեւ իւրաքանչիւր եկեղեցւոյ համար երէցներ ձեռնադրեցին՝ ծոմապահութեամբ աղօթք ընելով, եւ հաւատացեալները յանձնեցին Տիրոջ, որուն անոնք հաւատացած էին։

ԳՈՐԾՔ ԱՌԱՔԵԼՈՑ 15:4

Երբ հասան Երուսաղէմ, ընդունուեցան եկեղեցիէն, առաքեալներուն ու երէցներուն կողմէ, եւ պատմեցին ինչ որ Աստուած կատարեց իրենց գործակցութեամբ։

ԳՈՐԾՔ ԱՌԱՔԵԼՈՑ 15:6

Առաքեալներն ու երէցները հաւաքուեցան այս հարցը քննելու համար։

ԳՈՐԾՔ ԱՌԱՔԵԼՈՑ 20:17

Միլետոսէն Պօղոս լուր ղրկեց Եփեսոս եւ եկեղեցւոյ երէցները իր քով կանչեց։

ՀՌՈՎՄԱՅԵՑԻՍ 13:7

Հետեւաբար անոնցմէ իւրաքանչիւրին հանդէպ ձեր պարտաւորութիւնը կատարեցէք, տուրքը տալով անոր՝ որուն տուրք պէտք է տաք, մաքսը տալով անոր՝ որուն մաքս պէտք է տաք, հնազանդելով անոր՝ որուն հնազանդութիւն կը պարտիք եւ յարգելով ան՝ որուն յարգանք կը պարտիք։

ԳԱՂԱՏԱՑԻՍ 6:1

Եղբայրնե՛ր, եթէ պատահի որ մէկը ոեւէ յանցանքիվրայ բռնուի, դուք՝ որ Սուրբ Հոգիով կ՚առաջնորդուիք՝ պէտք է հեզութեամբ զայն ուղիղ ճամբու բերէք։ Նաեւ զգոյշ եղէք դուք ձեզի, որպէսզի չըլլայ որ դուք ալ փորձութեան մէջ իյնաք։

ԱՌԱՋԻՆ ՏԻՄՈԹԷՈՍ 5:17

Այն երէցները որոնք լաւ վերակացութիւն կ՚ընեն եկեղեցիին՝ կրկնակի վարձատրութեան արժանի թող նկատուին, մանաւանդ անոնք՝ որոնք կ՚աշխատին թէ՛ քարոզելով եւ թէ՛ ուսուցանելով։

ԱՌԱՋԻՆ ՏԻՄՈԹԷՈՍ 5:2

պառաւները՝ մօրդ, իսկ երիտասարդուհիները քրոջդ տեղը դիր եւ ամենայն մաքրութեամբ մօտեցիր անոնց։

ՏԻՏՈՍԻՆ 2:2

Ծերերուն պատուիրէ որ զգաստ ըլլան, պարկեշտ ու զուսպ, եւ օրինակ ըլլան թէ՛ հաւատքի, թէ՛ սիրոյ, թէ՛ համբերութեան եւ թէ՛ ժուժկալութեան։

ՏԻՏՈՍԻՆ 2:6

Նոյնպէս յորդորէ երիտասարդները որ զուսպ ըլլան ամէն կերպով։

ՅԱԿՈԲՈՒ 3:17

Մինչդեռ երկնային իմաստութիւնը ունեցող մարդը նախ որ մաքուր կ՚ըլլայ, ապա նաեւ՝ խաղաղարար, ազնիւ, բարեացակամ, ողորմած եւ բարի գործերով արդիւնաւոր, անկողմնակալ եւ անկեղծ։

ՅԱԿՈԲՈՒ 5:14

Մէկը հիւանդացա՞ւ՝ թող կանչէ եկեղեցւոյ երէցները, որպէսզի իր վրայ աղօթեն եւ իւղով օծեն զինք, Տիրոջ անունով։

ԱՌԱՋԻՆ ՊԵՏՐՈՍԻ 5:1

Երէցնե՛ր, որպէս երիցակից մը՝ որ ձեզի պէս վկայեմ Քրիստոսի չարչարանքներուն եւ ձեզի հետ ալ մասնակից պիտի ըլլամ գալիք փառքին որ պիտի յայտնուի, կ՚աղաչե՜մ,

ԵՐԿՐՈՐԴ ՅՈՎՀԱՆՆՈՒ 1:1

Ես՝ Երէցս, քեզի՛ կը գրեմ, ո՜վ Աստուծմէ ընտրեալ Տիրուհի, եւ կը գրեմ որդեակներուդ, որոնք ճշմարտապէս կը սիրեմ։ Ո՛չ միայն ես, այլ՝ ճշմարտութիւնը ճանչցողները բոլորը կը սիրեն ձեզ,

ԵՐՐՈՐԴ ՅՈՎՀԱՆՆՈՒ 1:1

Ես՝ Երէցս, քեզի՛ կը գրեմ, սիրելի՛ Գայիոս, զոր ճշմարտապէս կը սիրեմ։

ՅԱՅՏՆՈՒԹԻՒՆ 4:4

եւ գահին շուրջ կային քսանչորս գահեր, որոնց վրայ նստած էին քսանչորս երէցներ՝ ճերմակ հագուստներ հագած եւ իրենց գլխուն՝ ոսկեղէն պսակներ։