ԱՌԱՋԻՆ ՏԻՄՈԹԷՈՍ 4:8 - Western Armenian New Translation - Armenian Catholicosate of Cilicia - New Testament

⁸ որովհետեւ եթէ մարմինի մարզանքները որոշ բաներու օգտակար են, աստուածպաշտութիւնը ամէն բանի օգտակար է, քանի կը խոստանայ կեանք տալ՝ թէ՛ այս աշխարհի եւ թէ՛ հանդերձեալին մէջ։

Արեւմտահայերէն Նոր Կտակարան հարմարցուած․ 2017

⁸ վասն զի մարմնին վարժութիւնը քիչ բանի օգտակար է, բայց աստուածպաշտութիւնը ամէն բանի օգտակար է, որ թէ՛ ներկայ եւ թէ՛ ապագայ կեանքին խոստումը ունի։

Western Armenian Bible 1853

⁸ Վասն զի մարմնին վարժութիւնը քիչ բանի օգտակար է, բայց աստուածպաշտութիւնը ամէն բանի օգտակար է, որ թէ՛ ներկայ եւ թէ՛ ապագայ կեանքին խոստումը ունի։

ԱՌԱՋԻՆ ՏԻՄՈԹԷՈՍ 4:8 Iomraidhean Croise

ՄԱՏԹԷՈՍ 12:32

Ոեւէ մէկը որ Մարդու Որդիին դէմ խօսի՝ Աստուած պիտի ներէ անոր, բայց Սուրբ Հոգիին դէմ խօսողին պիտի չներէ, ո՛չ այս աշխարհի մէջ եւ ո՛չ ալ հանդերձեալին։

ՄԱՏԹԷՈՍ 19:29

Եւ ով որ ձգեց տուն, եղբայրներ, քոյրեր, հայր ու մայր, կին ու զաւակներ եւ ագարակներ՝ ինծի համար, հարիւրապատիկը պիտի ստանայ եւ յաւիտենական կեանքը ժառանգէ։

ՄԱՏԹԷՈՍ 6:33

Դուք նախ խնդրեցէք որ Աստուծոյ արքայութիւնը գայ եւ աշխատեցէք իր կամքը կատարել, եւ Աստուած այդ բոլորը աւելիով պիտի տայ ձեզի։

ՄԱՐԿՈՍ 10:30

ներկայ կեանքին մէջ հարիւրապատիկ տուներ, եղբայրներ, քոյրեր, մայրեր, զաւակներ եւ ագարակներ պիտի ունենայ, ինչպէս նաեւ հալածանքներ պիտի կրէ, եւ գալիք աշխարհին մէջ յաւիտենական կեանքը պիտի ժառանգէ։

ՂՈԻԿԱՍ 5:38

Ընդհակառակը, նոր գինին նոր տիկերու մէջ դրուելու է, որպէսզի երկուքն ալ չփճանան։

ՀՌՈՎՄԱՅԵՑԻՍ 8:28

Գիտենք, թէ Աստուած բարիին համար գործակից կ՚ըլլայ անոնց՝ որոնք կը սիրեն զինք եւ իր ծրագրին համաձայն իրեն կանչուած են։

ԱՌԱՋԻՆ ԿՈՐՆԹԱՑԻՍ 3:22

որովհետեւ ամէն ինչ ձեզի համար է. Պօղո՛սն ալ ձեզի համար է, Ապողո՛սն ալ, Կեփա՛սն ալ։ Նոյնպէս այս աշխարհը, թէ՛ կեանքը, թէ՛ մահը, թէ՛ ներկան եւ թէ՛ ապագան, բոլորը ձեզի համար են։

ԱՌԱՋԻՆ ԿՈՐՆԹԱՑԻՍ 8:8

Բայց կերակուրը չէ որ մեզ Աստուծոյ ներկայութեան կը բերէ։ Ո՛չ ուտելով բան մը կը շահինք, ո՛չ ալ չուտելով բան մը կը կորսնցնենք։

ԱՌԱՋԻՆ ՏԻՄՈԹԷՈՍ 4:7

Իսկ պառաւներու յատուկ եւ հաւատքը պղտորող առասպելներէն ամբողջութեամբ հեռո՛ւ մնա։ Ինքզինքդ աստուածպաշտութեամբ ապրելու մարզէ.

ԱՌԱՋԻՆ ՏԻՄՈԹԷՈՍ 6:3

Իսկ ով որ տարբեր բան կը սորվեցնէ եւ կարեւորութիւն չի տար մեր Տիրոջ Յիսուս Քրիստոսի ողջմիտ խօսքերուն, ոչ ալ աստուածպաշտութեան վրայ հիմնուած ուսուցումներուն,

ԱՌԱՋԻՆ ՏԻՄՈԹԷՈՍ 6:5

եւ անվերջ բաղխումները՝ միտքով ապականած եւ ճշմարտութենէն հեռացած մարդոց միջեւ, որոնք կը կարծեն թէ կրօնքը շահի աղբիւր է։ Այդպիսիներէն հեռո՛ւ կեցիր։

ԱՌԱՋԻՆ ՏԻՄՈԹԷՈՍ 6:6

Կրօնքը շահի մեծ աղբիւր է, այո՛, իր ունեցածով գոհանալ գիտցողին համար։

ԵՐԿՐՈՐԴ ՏԻՄՈԹԷՈՍ 3:5

Երեւութապէս աստուածապաշտ են անոնք, բայց խորքին մէջ չեն հաւատար աստուածպաշտութեան զօրութեան։ Զգուշացի՛ր անոնցմէ։

ՏԻՏՈՍԻՆ 3:8

Ստոյգ է ինչ որ կ՚ըսեմ. եւ կ՚ուզեմ որ դուն այս կէտերուն վրայ դնես շեշտը, որպէսզի Աստուծոյ հաւատացողները բարի գործերու հետամուտ ըլլան, որովհետեւ ա՛յդ է բարին եւ մարդոց օգտակարը։

ԵԲՐԱՅԵՑԻՍ 13:9

Տեսակ–տեսակ օտարոտի ուսուցումներէ մի՛ տարուիք։ Լաւ է որ սիրտը Աստուծոյ շնորհքով ամրապնդուի, քան՝ ուտելիքներու եւ չուտելիքներու վերաբերող կանոններով, որոնց հետեւողները ոեւէ բանով չօգտուեցան։

ԱՌԱՋԻՆ ՅՈՎՀԱՆՆՈՒ 2:25

Եւ ասիկա նոյնինքն յաւիտենական կեանքն է, որ Քրիստոս մեզի տալ խոստացաւ։

ՅԱՅՏՆՈՒԹԻՒՆ 3:12

Ով որ յաղթանակէ՝ զայն սիւներէն մէկը պիտի ընեմ իմ Աստուծոյս տաճարին, ուրկէ այլեւս դուրս պիտի չելլէ։ Անոր վրայ պիտի գրեմ իմ Աստուծոյս անունը, ինչպէս նաեւ իմ Աստուծոյս քաղաքին անունը, այսինքն՝ Նոր Երուսաղէմ, որ երկինքէն՝ իմ Աստուծոյս մօտէն պիտի իջնէ։ Եւ անոր վրայ պիտի գրեմ նաեւ իմ նոր անունս»։

ՅԱՅՏՆՈՒԹԻՒՆ 3:21

Ով որ յաղթանակէ՝ անոր իրաւունք պիտի տամ նստելու ինծի հետ իմ գահիս վրայ, այնպէս՝ ինչպէս որ ես յաղթեցի եւ բազմեցայ Հօրս հետ իր գահին վրայ»։