ԱՌԱՋԻՆ ՏԻՄՈԹԷՈՍ 4:16 - Western Armenian New Translation - Armenian Catholicosate of Cilicia - New Testament

¹⁶ Ուշադիր եղիր՝ թէ՛ դուն քեզի եւ թէ՛ սորվեցուցածիդ, եւ միշտ ալ այդպէ՛ս մնա, գիտնալով որ այդ ձեւով ո՛չ միայն ինքզինքդ կը փրկես, այլ նաեւ բոլոր քեզ լսողները։

Արեւմտահայերէն Նոր Կտակարան հարմարցուած․ 2017

¹⁶ Զգուշութիւն ըրէ քու անձիդ ու վարդապետութեանդ ու միշտ ատո՛նց մէջ կեցիր. քանզի այդպէս ընելով՝ քեզ ալ պիտի ապրեցնես ու զանոնք ալ, որոնք քեզի մտիկ կ’ընեն։

Western Armenian Bible 1853

¹⁶ Զգուշութիւն ըրէ քու անձիդ ու վարդապետութեանդ ու միշտ ատո՛նց մէջ կեցիր. քանզի այդպէս ընելով՝ քեզ ալ պիտի ապրեցնես ու զանոնք ալ, որոնք քեզի մտիկ կ’ընեն։

ԱՌԱՋԻՆ ՏԻՄՈԹԷՈՍ 4:16 Iomraidhean Croise

ՄԱՐԿՈՍ 13:9

Պատրա՛ստ եղէք դուք, որովհետեւ ձեզ իսկ դատարան պիտի տանին եւ ժողովարաններու մէջ ծեծեն ձեզ։ Իմ պատճառովս՝ կառավարիչներու եւ թագաւորներու դիմաց պիտի կանգնիք, իմ մասիս վկայութիւն տալու համար անոնց։

ՂՈԻԿԱՍ 21:34

Գալով ձեզի, ուշադի՛ր եղէք ձեր անձերուն։ Չըլլայ որ ձեր սիրտերը գրաւուին կերուխումով, արբեցութեամբ եւ աշխարհիկ հոգերով, եւ յանկարծ այդ օրը ձեր վրայ գայ։

ԳՈՐԾՔ ԱՌԱՔԵԼՈՑ 26:22

Սակայն մինչեւ այսօր Աստուած օգնեց ինծի, եւ ահա այստեղ կանգնած եմ՝ մեծին ու փոքրին վկայելու համար։ Իմ ըսածներուս մէջ չկայ բան մը որ մարգարէները եւ Մովսէս ըսած չըլլան՝ իբրեւ ապագային կատարուելիք պատգամներ։

ԳՈՐԾՔ ԱՌԱՔԵԼՈՑ 6:4

իսկ մենք աղօթքի եւ Աստուծոյ խօսքին մատակարարման նուիրուինք։

ՀՌՈՎՄԱՅԵՑԻՍ 11:14

մտածելով որ թերեւս այս ձեւով ազգակիցներուս նախանձը գրգռեմ եւ յաջողիմ անոնցմէ ոմանք փրկել։

ՀՌՈՎՄԱՅԵՑԻՍ 16:17

Կը խնդրեմ, եղբայրնե՛ր, որ զգուշանաք անոնցմէ՝ որոնք երկպառակութեանց եւ գայթակղութեանց պատճառ կ՚ըլլան՝ շեղելով այն վարդապետութենէն որ դուք սորվեցաք։ Հեռո՛ւ փախէք անոնցմէ,

ՀՌՈՎՄԱՅԵՑԻՍ 2:7

Յաւիտենական կեանք պիտի տայ անոնց՝ որոնք բարի գործերու մէջ յարատեւելով փառք ու պատիւ եւ անմահութիւն կը փնտռեն.

ԱՌԱՋԻՆ ԿՈՐՆԹԱՑԻՍ 1:21

Որովհետեւ աշխարհը իր ունեցած իմաստութեամբ չկրցաւ ճանչնալ զԱստուած եւ անոր իմաստութիւնը, ուստի Աստուած ուզեց յիմարութիւն համարուած խաչին քարոզութեամբ փրկել անոնք՝ որ կը հաւատան։

ԱՌԱՋԻՆ ԿՈՐՆԹԱՑԻՍ 9:22

Հաւատքով տկարներուն հետ՝ տկարի պէս եղայ, որպէսզի զանոնք ալ սիրաշահիմ։ Մէկ խօսքով, ամենուն հետ ամէ՛ն ինչ եղայ, որպէսզի ամէն գնով կարենամ ոմանք փրկել։

ԱՌԱՋԻՆ ԿՈՐՆԹԱՑԻՍ 9:27

Բայց ինքզինքս սեղմումներու կ՚ենթարկեմ ու կը զսպեմ, որպէսզի չըլլայ թէ ես ինքս մրցանակէն զրկուիմ, ես՝ որ ուրիշներուն կը քարոզեմ։

ԵՓԵՍԱՑԻՍ 4:14

Որպէսզի ասկէ ետք չնմանինք երեխաներու, որոնք ալիքներու հետ կը տարուբերին եւ զանազան վարդապետութեանց հովերէն կը քշուին խաբեբայ մարդոց կողմէ, որոնք խորամանկ հնարքներով կը խաբեն ու կը մոլորեցնեն։

ԿՈՂՈՍԱՑԻՍ 4:17

Եւ Արքիպպոսին ըսէք. «Նայէ որ իր կատարումին հասցնես պաշտօնդ, որ Տէրը տուաւ քեզի»։

ԱՌԱՋԻՆ ԹԵՍԱՂՈՆԻԿԵՑԻՍ 2:16

Եւ ամբողջացնելու համար այն մեղքերը, որ միշտ ալ գործած են, ուզեցին արգիլել՝ որ մենք հեթանոսներուն չխօսինք փրկութեան մասին։ Բայց Աստուծոյ ամբողջական բարկութիւնը հասած է արդէն իրենց վրայ։

ԱՌԱՋԻՆ ՏԻՄՈԹԷՈՍ 1:3

Երբ Մակեդոնիա կ՚երթայի, խնդրեցի որ Եփեսոս մնաս եւ խօսիս քանի մը հոգիներու, որպէսզի դադրին օտար վարդապետութիւններ ուսուցանելէ

ԱՌԱՋԻՆ ՏԻՄՈԹԷՈՍ 4:15

Այս ըսածներուս մասին խորհէ եւ զանոնք գործի վերածելու աշխատէ, որպէսզի ամէն մարդ յայտնապէս տեսնէ քու յառաջդիմութիւնդ։

ԱՌԱՋԻՆ ՏԻՄՈԹԷՈՍ 4:6

Դուն, սակայն, Քրիստոս Յիսուսի իսկական ծառան կ՚ըլլաս՝ եթէ այս խրատները հաւատացեալ եղբայրներուն տաս, եւ ինքզինքդ սնուցանես այն հաւատքով ու ճշմարիտ ուսուցումներով, որոնց հետեւող եղար։

ԵՐԿՐՈՐԴ ՏԻՄՈԹԷՈՍ 2:10

Ատոր համար ալ ամէն բանի կը համբերեմ՝ Աստուծոյ ընտրեալներուն սիրոյն, որպէսզի անոնք եւս Քրիստոս Յիսուսի միանալով՝ հասնին փրկութեան եւ յաւիտենական փառքին։

ԵՐԿՐՈՐԴ ՏԻՄՈԹԷՈՍ 3:14

Բայց դուն հաստա՛տ կեցիր քու սորված բաներուդ վրայ, որոնց ճշմարտութեան վստահ ես, որովհետեւ գիտես թէ որոնցմէ սորվեցար։

ԵՐԿՐՈՐԴ ՏԻՄՈԹԷՈՍ 4:2

Աստուծոյ խօսքը քարոզէ եւ զայն յայտարարէ ամէն առիթով, առանց պատեհութիւնը կամ անպատեհութիւնը խորհելու, սխալները ուղղէ, եւ սաստէ կամ յորդորէ՝ մեծ համբերատարութեամբ ուսուցանելով։

ՏԻՏՈՍԻՆ 1:9

Պէտք է ամրօրէն պահէ իր սորված վստահելի վարդապետութիւնը, որպէսզի կարենայ ուղիղ ուսուցումով յորդորել ուրիշները եւ յանդիմանել հակառակորդները։

ՏԻՏՈՍԻՆ 2:15

Այս բաները սորվեցուր հաւատացեալներուդ։ Քաջալերէ՛ զանոնք եւ ի հարկին յանդիմանէ՝ հեղինակութիւնդ գործածելով, այնպէս՝ որ ոեւէ մէկը քեզ չարհամարհէ։

ՏԻՏՈՍԻՆ 2:7

Քու անձովդ բարի գործերու օրինակ եղիր բոլորին, իսկ ուսուցումներովդ օրինակը տուր անկեղծութեան, մաքրութեան եւ պարկեշտութեան։

ՓԻԼԻՄՈՆ 1:19

Ահա ես, Պօղոս, իմ ձեռքովս է որ կը գրեմ.– Ես պիտի վճարեմ։ Տակաւին չեմ ըսեր, թէ դուն ալ քու անձդ ինծի կը պարտիս։

ԵԲՐԱՅԵՑԻՍ 12:15

Ուշադիր հսկեցէք որ ոեւէ մէկը Աստուծոյ շնորհքէն չզրկուի։ Չըլլա՛յ որ մէկը դառնութեան արմատ դառնալով՝ խռովութեան պատճառ ըլլայ եւ շատերը անկէ վարակուին։

ԵԲՐԱՅԵՑԻՍ 13:9

Տեսակ–տեսակ օտարոտի ուսուցումներէ մի՛ տարուիք։ Լաւ է որ սիրտը Աստուծոյ շնորհքով ամրապնդուի, քան՝ ուտելիքներու եւ չուտելիքներու վերաբերող կանոններով, որոնց հետեւողները ոեւէ բանով չօգտուեցան։

ՅԱԿՈԲՈՒ 5:20

գիտցէք՝ թէ մեղաւորը իր մոլար ճամբէն դարձնողը թէ՛ անոր հոգին մահուընէ կը փրկէ եւ թէ՛ իր բազմաթիւ մեղքերուն թողութիւն կը գտնէ։