ԱՌԱՋԻՆ ՏԻՄՈԹԷՈՍ 4:13 - Western Armenian New Translation - Armenian Catholicosate of Cilicia - New Testament

¹³ Մինչեւ գալս հոգ տար իրենց՝ Աստուծոյ խօսքէն կարդալով, յորդորելով զիրենք եւ սորվեցնելով։

Արեւմտահայերէն Նոր Կտակարան հարմարցուած․ 2017

¹³ Մինչեւ ես գամ միտք դիր կարդալու, յորդորելու, սորվեցնելու։

Western Armenian Bible 1853

¹³ Մինչեւ ես գամ միտք դիր կարդալու, յորդորելու, սորվեցնելու։

ԱՌԱՋԻՆ ՏԻՄՈԹԷՈՍ 4:13 Iomraidhean Croise

ՅՈՎՀԱՆՆՈԻ 5:39

Քննեցէ՛ք Սուրբ գիրքերը, քանի կը կարծէք թէ անոնցմով յաւիտենական կեանք պիտի ունենաք. եւ նոյն գիրքերն են որ կը վկայեն իմ մասիս։

ԳՈՐԾՔ ԱՌԱՔԵԼՈՑ 17:11

Բերիայի Հրեաները աւելի ազատամիտ էին քան Թեսաղոնիկեցիները, ուստի մեծ յօժարութեամբ ընդունեցին Աստուծոյ խօսքը եւ ամէն օր Սուրբ գիրքերը կը քննէին, տեսնելու համար թէ ճշմարի՞տ են Պօղոսի քարոզածները։

ԳՈՐԾՔ ԱՌԱՔԵԼՈՑ 6:4

իսկ մենք աղօթքի եւ Աստուծոյ խօսքին մատակարարման նուիրուինք։

ՀՌՈՎՄԱՅԵՑԻՍ 12:8

Եթէ յորդորելու կարողութիւնը ունինք՝ պէտք է յորդորենք։ Իր ունեցածը ուրիշներուն բաժնողը առատօրէն թող բաշխէ։ Վերակացու եղողը եռանդագին թող աշխատի։ Ողորմութիւն ընողը խնդութեամբ թող ընէ։

ԱՌԱՋԻՆ ԿՈՐՆԹԱՑԻՍ 14:26

Ուրեմն, եղբայրնե՛ր. ի՞նչ ընել։ Երբ մէկտեղ կը հաւաքուիք, ձեզմէ իւրաքանչիւրը ի՛նչ շնորհք ալ ունենայ՝ սաղմոսելու, ուսուցանելու, Աստուծոյ մէկ յայտնութիւնը բերելու, անծանօթ լեզուներով խօսելու թէ այդ լեզուներով խօսուածը բացատրելու, թող այդ բոլորը եկեղեցւոյ օգուտին ծառայեցնէ։

ԱՌԱՋԻՆ ԿՈՐՆԹԱՑԻՍ 14:3

Մինչդեռ մարգարէութիւն ընողը մարդոց կը խօսի՝ անոնց հաւատքը ամրապնդելու, զանոնք մխիթարելու եւ քաջալերելու համար։

ԱՌԱՋԻՆ ԿՈՐՆԹԱՑԻՍ 14:6

Հիմա, եղբայրնե՛ր, եթէ ձեզի գամ եւ անծանօթ լեզուներով խօսիմ, ի՞նչ օգուտ պիտի ունենամ ձեզի՝ եթէ խօսածս Աստուծոյ մէկ յայտնութիւնը կամ որոշ գիտութիւն մը կամ մարգարէական պատգամ մը կամ ուսուցում մը չըլլայ։

ԱՌԱՋԻՆ ՏԻՄՈԹԷՈՍ 4:16

Ուշադիր եղիր՝ թէ՛ դուն քեզի եւ թէ՛ սորվեցուցածիդ, եւ միշտ ալ այդպէ՛ս մնա, գիտնալով որ այդ ձեւով ո՛չ միայն ինքզինքդ կը փրկես, այլ նաեւ բոլոր քեզ լսողները։

ԱՌԱՋԻՆ ՏԻՄՈԹԷՈՍ 4:6

Դուն, սակայն, Քրիստոս Յիսուսի իսկական ծառան կ՚ըլլաս՝ եթէ այս խրատները հաւատացեալ եղբայրներուն տաս, եւ ինքզինքդ սնուցանես այն հաւատքով ու ճշմարիտ ուսուցումներով, որոնց հետեւող եղար։

ԵՐԿՐՈՐԴ ՏԻՄՈԹԷՈՍ 3:15

Եւ արդէն մանուկ հասակէդ գիտես Սուրբ գիրքերը, որոնք զօրութիւնը ունին քու միտքդ իմաստութեան բանալու՝ որպէսզի Քրիստոս Յիսուսի հաւատաս եւ փրկուիս։

ԵՐԿՐՈՐԴ ՏԻՄՈԹԷՈՍ 4:2

Աստուծոյ խօսքը քարոզէ եւ զայն յայտարարէ ամէն առիթով, առանց պատեհութիւնը կամ անպատեհութիւնը խորհելու, սխալները ուղղէ, եւ սաստէ կամ յորդորէ՝ մեծ համբերատարութեամբ ուսուցանելով։

ՏԻՏՈՍԻՆ 2:15

Այս բաները սորվեցուր հաւատացեալներուդ։ Քաջալերէ՛ զանոնք եւ ի հարկին յանդիմանէ՝ հեղինակութիւնդ գործածելով, այնպէս՝ որ ոեւէ մէկը քեզ չարհամարհէ։