ԱՌԱՋԻՆ ԹԵՍԱՂՈՆԻԿԵՑԻՍ 5:6 - Western Armenian New Translation - Armenian Catholicosate of Cilicia - New Testament

⁶ Հետեւաբար քունով չտարուինք ուրիշներուն նման, այլ՝ արթուն եւ զգաստ ըլլանք,

Արեւմտահայերէն Նոր Կտակարան հարմարցուած․ 2017

⁶ Մենք գիշերուանը չենք, խաւարինը չենք։ Ուրեմն չքնանանք ինչպէս ուրիշները, հապա արթուն ու զգաստ ըլլանք։

Western Armenian Bible 1853

⁶ Մենք գիշերուանը չենք, խաւարինը չենք։ Ուրեմն չքնանանք ինչպէս ուրիշները, հապա արթուն ու զգաստ ըլլանք։

ԱՌԱՋԻՆ ԹԵՍԱՂՈՆԻԿԵՑԻՍ 5:6 Iomraidhean Croise

ՄԱՏԹԷՈՍ 13:25

Մարդ մը լաւ սերմեր ցանեց իր արտին մէջ։ Գիշեր մը, երբ ամէն մարդ քնացած էր, անոր թշնամին եկաւ, որոմ ցանեց ցորենին մէջ եւ գնաց։

ՄԱՏԹԷՈՍ 24:42

Արթո՛ւն մնացէք, որովհետեւ չէք գիտեր թէ ձեր Տէրը ե՛րբ կու գայ։

ՄԱՏԹԷՈՍ 25:13

Ապա Յիսուս եզրակացուց. – Ուրեմն՝ արթո՛ւն մնացէք, որովհետեւ չէք գիտեր Մարդու Որդիին գալուն ո՛չ օրը եւ ո՛չ ալ ժամը։ –

ՄԱՏԹԷՈՍ 25:5

Եւ երբ փեսան ուշացաւ գալու, բոլորն ալ թմրեցան ու քնացան։

ՄԱՏԹԷՈՍ 26:38

Այն ատեն ըսաւ անոնց. – Հոգիս մեռնելու աստիճան տրտում է. հոս կեցէք եւ ինծի հետ արթո՛ւն մնացէք։

ՄԱՐԿՈՍ 13:37

Արդ, ինչ որ ձեզի կ՚ըսեմ, բոլորին կ՚ըսեմ.– Արթո՛ւն կեցէք։

ՂՈԻԿԱՍ 12:37

Երանի՜ այն ծառաներուն, որոնց տէրը երբ կու գայ՝ արթուն կը գտնէ զիրենք։ Կ՚ըսեմ ձեզի, թէինք իր մէջքին գօտի պիտի կապէ, պիտի նստեցնէ զիրենք եւ ինք պիտի սպասարկէ անոնց։

ՂՈԻԿԱՍ 12:39

Բայց այս ալ գիտցէք, որ եթէ տանտէրը գիտնար թէ գողը ո՛ր ժամուն պիտի գայ, արթուն կը մնար եւ թոյլ չէր տար որ գողը պատը քանդելով տունը մտնէ։

ՂՈԻԿԱՍ 21:36

Ուստի արթուն եղէք եւ միշտ աղօթեցէք, որ արժանի ըլլաք այս պատահելիքներէնազատելու եւ Մարդու Որդիին ներկայութեան կանգնելու։

ՂՈԻԿԱՍ 22:46

եւ ըսաւ. – Ինչո՞ւ կը քնանաք. ելէք եւ աղօթեցէ՛ք, որ փորձութեան մէջ չիյնաք։

ԳՈՐԾՔ ԱՌԱՔԵԼՈՑ 20:31

Հետեւաբար արթո՛ւն եղէք, յիշեցէք թէ ի՛նչպէս երեք տարի անդադար, գիշեր ու ցերեկ, արցունքով խրատեցի իւրաքանչիւրդ։

ԱՌԱՋԻՆ ԿՈՐՆԹԱՑԻՍ 15:34

Սթափեցէք եւ արդար կեանք վարեցէք. մի՛ մեղանչէք։ Դեռ ձեզմէ շատեր զԱստուած չեն ճանչցած։ Ասիկա կ՚ըսեմ՝ որ ամչնաք։

ԱՌԱՋԻՆ ԿՈՐՆԹԱՑԻՍ 16:13

Արթուն եղէք, հաստատուն մնացէք ձեր հաւատքին վրայ. քաջ եղէք, զօրացէք։

ԵՓԵՍԱՑԻՍ 2:3

Ժամանակ մը մենք բոլորսալ նոյնպէս անհնազանդ էինք եւ մարդկային բնութեան յատուկ ցանկութիւններով կ՚ապրէինք՝ մեր մարմինին ու մտքին բոլոր փափաքները կատարելով, եւ իրապէս Աստուծոյ պատիժին արժանի էինք, միւսներուն պէս։

ԵՓԵՍԱՑԻՍ 5:14

որովհետեւ լոյսը կը յայտնէ ամէն բան։ Ահա թէ ինչո՛ւ երգը կ՚ըսէ.– «Արթնցի՛ր, ո՜վ քնացած. դո՛ւրս եկուր մեռելութենէդ, եւ Քրիստոս պիտի լուսաւորէ քեզ»։

ԵՓԵՍԱՑԻՍ 6:18

Այս բոլորին հետ՝ աղօթեցէ՛ք, աղօթեցէ՛ք եւ խնդրեցէ՛ք տեւաբար, Սուրբ Հոգիին օգնութեամբ։ Ատոր համար ալ՝ արթուն հսկեցէք, կատարեալ յարատեւութեամբ աղօթելով բոլոր հաւատացեալ եղբայրներուն համար։

ՓԻԼԻՊՊԵՑԻՍ 4:5

Բոլորին հանդէպ ազնիւ եղէք։ Շուտով Տէրը կու գայ։

ԿՈՂՈՍԱՑԻՍ 4:2

Շարունակ աղօթեցէք՝ արթուն հսկելով, միշտ գոհութիւն յայտնելով Աստուծոյ։

ԱՌԱՋԻՆ ԹԵՍԱՂՈՆԻԿԵՑԻՍ 4:13

Եղբայրնե՛ր, կ՚ուզենք որ մեռածներուն մասին ճշմարտութիւնը գիտնաք, որպէսզի չտրտմիք ուրիշներուն պէս, որոնք ոեւէ յոյս չունին։

ԱՌԱՋԻՆ ԹԵՍԱՂՈՆԻԿԵՑԻՍ 5:10

Արդարեւ, Քրիստոս մեզի համար մեռաւ, որպէսզի մենք իրմով կենդանի ըլլանք, իր գալուստին ատեն ողջ ըլլանք թէ մեռած։

ԱՌԱՋԻՆ ԹԵՍԱՂՈՆԻԿԵՑԻՍ 5:8

Բայց մենք, քանի ցերեկին կը պատկանինք՝ պատրաստ ըլլանք, հաւատքի եւ սիրոյ զրահը հագած, եւ փրկութեան յոյսի սաղաւարտը դրած մեր գլխուն։

ԱՌԱՋԻՆ ՏԻՄՈԹԷՈՍ 2:15

Բայց եւ այնպէս՝ կինն ալ կը փրկուի զաւակներ ծնելուն համար, եթէ ապրի պարկեշտութեամբ, հաւատքով, սիրով եւ սրբութեամբ։

ԱՌԱՋԻՆ ՏԻՄՈԹԷՈՍ 2:9

Նոյնպէս կ՚ուզեմ որ կիներ իրենք զիրենք զարդարեն խոնարհութեան զարդերով, ամօթխածութեամբ եւ պարկեշտութեամբ։ Ո՛չ թէ մազերու յարդարանքով կամ ոսկեղէնով, մարգարիտներով կամ սուղ զգեստներով,

ԱՌԱՋԻՆ ՏԻՄՈԹԷՈՍ 3:11

Անոնց կիները նոյնպէս պէտք է պարկեշտ ըլլան. ո՛չ թէ չարախօս, այլ՝ զուսպ եւ ամէն բանի մէջ վստահելի։

ԱՌԱՋԻՆ ՏԻՄՈԹԷՈՍ 3:2

Արդ, եպիսկոպոսը պէտք է անմեղադրելի ըլլայ. մէկ կնոջ ամուսին, զուսպ, զգաստ, մեղմաբարոյ, հիւրասէր եւ ուսուցանելու ատակ։

ԵՐԿՐՈՐԴ ՏԻՄՈԹԷՈՍ 4:5

Բայց դուն միշտ արթուն եղիր, նեղութիւններու համբերէ, աւետարանիչի քու գործդ ըրէ եւ ծառայութիւնդ իր աւարտին հասցուր։

ՏԻՏՈՍԻՆ 2:12

Այդ շնորհքը մեզ կը մղէ որ անհաւատ կենցաղէ եւ աշխարհիկ ցանկութիւններէ հեռանանք, զգաստութեամբ, արդարութեամբ ու բարեպաշտութեամբ ապրինք այս աշխարհի մէջ,

ՏԻՏՈՍԻՆ 2:6

Նոյնպէս յորդորէ երիտասարդները որ զուսպ ըլլան ամէն կերպով։

ԱՌԱՋԻՆ ՊԵՏՐՈՍԻ 1:13

Հետեւաբար միտքով պատրաստ եւ արթուն եղէք, ձեր ամբողջ յոյսը կապած փրկութեան պարգեւին, որ ձեզի պիտի տրուի՝ երբ Յիսուս Քրիստոս յայտնուի։

ԱՌԱՋԻՆ ՊԵՏՐՈՍԻ 4:7

Ամէն բանի վախճանը մօտեցեր է. հետեւաբար զգաստ եւ արթուն եղէք, աղօթքի նուիրուելու համար։

ԱՌԱՋԻՆ ՊԵՏՐՈՍԻ 5:8

Արթուն եւ պատրաստ եղէք, որովհետեւ ձեր թշնամին՝ Սատանան առիւծի պէս մռնչելով կը շրջի եւ կլլելու համար մէկը կը փնտռէ։

ՅԱՅՏՆՈՒԹԻՒՆ 16:15

«Ահա ես գողի պէս կու գամ։ Երանի՜ անոնց՝ որոնք արթուն կը մնան եւ իրենց հագուստները կը պահեն, որպէսզի մերկ չշրջին եւ իրենց ամօթոյքը չերեւի»։

ՅԱՅՏՆՈՒԹԻՒՆ 3:2

Արթուն եղիր եւ զօրացո՛ւր մնացեալ անդամներդ, նախքան անոնց մեռնիլը, որովհետեւ կը տեսնեմ որ գործերդ կատարեալ չեն Աստուծոյ աչքին։