ԱՌԱՋԻՆ ԹԵՍԱՂՈՆԻԿԵՑԻՍ 5:24 - Western Armenian New Translation - Armenian Catholicosate of Cilicia - New Testament

²⁴ Վստահեցէ՛ք Աստուծոյ, որ այդ նպատակով ձեզ հրաւիրեց եւ պիտի կատարէ իր խոստումը։

Արեւմտահայերէն Նոր Կտակարան հարմարցուած․ 2017

²⁴ Հաւատարիմ է ան որ ձեզ կանչեց, որ պիտի կատարէ ալ։

Western Armenian Bible 1853

²⁴ Հաւատարիմ է ան որ ձեզ կանչեց, որ պիտի կատարէ ալ։

ԱՌԱՋԻՆ ԹԵՍԱՂՈՆԻԿԵՑԻՍ 5:24 Iomraidhean Croise

ՄԱՏԹԷՈՍ 24:35

Նոյնիսկ եթէ երկինքն ու երկիրը անհետանան, խօսքերս պիտի չանհետանան։ –

ՅՈՎՀԱՆՆՈԻ 1:17

որովհետեւ Օրէնքը Մովսէսի միջոցաւ տրուեցաւ, մինչ շնորհքն ու ճշմարտութիւնը՝ Յիսուս Քրիստոսի միջոցաւ։

ՅՈՎՀԱՆՆՈԻ 3:33

Ով որ անոր վկայութիւնը կ՚ընդունի, հաստատած կ՚ըլլայ թէ Աստուած ճշմարիտ է։

ՀՌՈՎՄԱՅԵՑԻՍ 8:30

Սկիզբէն այդ սահմանուածները նաեւ կանչեց, եւ կանչուածները նաեւ արդարացուց, եւ արդարացածներն ալ փառաւորեց։

ՀՌՈՎՄԱՅԵՑԻՍ 9:24

Այս վերջինները մենք ենք, որ Աստուած կանչեց ո՛չ միայն Հրեաներէն, այլ նաեւ բոլոր ազգերէն,

ԱՌԱՋԻՆ ԿՈՐՆԹԱՑԻՍ 1:9

Վստահեցէ՛ք Աստուծոյ, որ ձեզ կանչեց՝ հաղորդակից դառնալու իր Որդիին, մեր Տիրոջ՝ Յիսուս Քրիստոսի։

ԱՌԱՋԻՆ ԿՈՐՆԹԱՑԻՍ 10:13

Ձեր կրած փորձութիւնները մարդկային սահմաններէն դուրս փորձութիւններ չեն։ Բայց վստահեցէ՛ք Աստուծոյ. անիկա թոյլ պիտի չտայ որ ձեր կարողութենէն աւելի փորձուիք, այլ՝ փորձութեան մէջ իսկ ցոյց պիտի տայ զայն յաղթահարելու միջոցը, որպէսզի կարենաք տոկալ։

ԳԱՂԱՏԱՑԻՍ 1:15

Բայց Աստուած, որ ծնելէս իսկ առաջ զիս ընտրած եւ իր շնորհքովը զիս այս պաշտօնին կոչած էր,

ԱՌԱՋԻՆ ԹԵՍԱՂՈՆԻԿԵՑԻՍ 2:12

քաջալերեցինք ու մխիթարեցինք, թախանձագին խնդրելով՝ որ ապրիք այնպիսի՛ կեանք մը, որ վայել ըլլայ Աստուծոյ. անոր՝ որ ձեզ հրաւիրեց իր արքայութեան եւ փառքին։

ԵՐԿՐՈՐԴ ԹԵՍԱՂՈՆԻԿԵՑԻՍ 2:14

Աստուած ձեզ այդ փրկութեան հրաւիրեց մեր քարոզած Աւետարանով, որպէսզի մեր Տիրոջ Յիսուս Քրիստոսի փառքը ունենաք։

ԵՐԿՐՈՐԴ ԹԵՍԱՂՈՆԻԿԵՑԻՍ 3:3

Բայց դուք վստահեցէ՛ք Տիրոջ, որ պիտի զօրացնէ ձեզ եւ հեռու պահէ Չարէն։

ԵՐԿՐՈՐԴ ՏԻՄՈԹԷՈՍ 1:9

ան՝ որ մեզ փրկեց եւ իր սուրբ ժողովուրդը ըլլալու հրաւիրեց մեզ, ո՛չ թէ մեր արժանիքներուն համար, այլ՝ իր ծրագրին համաձայն եւ այն շնորհքին՝ որ մեզի տրուած էր Քրիստոս Յիսուսի միջոցաւ, յաւիտենական ժամանակներէն իսկ առաջ։

ԵՐԿՐՈՐԴ ՏԻՄՈԹԷՈՍ 2:13

Եթէ նոյնիսկ մենք հաւատարիմ չմնանք՝ ինքհաւատարիմ կը մնայ, որովհետեւ չի կրնար ինքզինքին հակասել։

ՏԻՏՈՍԻՆ 1:2

որպէսզի յաւիտենական կեանքի յոյսը ունենան։ Յաւիտենական ժամանակներէն իսկ առաջ՝ անսուտն Աստուած ինք խոստացաւ այդ կեանքը,

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։

ԵՐԿՐՈՐԴ ՊԵՏՐՈՍԻ 1:3

Քրիստոս իր աստուածային զօրութեամբ մեզի պարգեւեց ամէն ինչ որ անհրաժեշտ է աստուածապաշտ կեանքի մը համար, մեզի ճանչցնելով ան՝ որ իր փառքովն ու զօրութեամբը մեզ իրեն կանչեց։

ՅԱՅՏՆՈՒԹԻՒՆ 17:14

Անոնք Գառնուկին դէմ պիտի պատերազմին, բայց Գառնուկը պիտի յաղթէ անոնց, որովհետեւ ի՛նքն է տէրերուն Տէրը եւ թագաւորներուն Թագաւորը. իր կողքին պատերազմողները կանչուածներն են, ընտրեալները եւ հաւատարիմները։