ԱՌԱՋԻՆ ԹԵՍԱՂՈՆԻԿԵՑԻՍ 4:9 - Western Armenian New Translation - Armenian Catholicosate of Cilicia - New Testament

⁹ Գալով եղբայրսիրութեան, մեր գրելուն պէտք չունիք, որովհետեւ ինքնին դուք Աստուծմէ սորված էք իրար սիրել,

Արեւմտահայերէն Նոր Կտակարան հարմարցուած․ 2017

⁹ Բայց եղբայրսիրութեան մասին պէտք չէ ձեզի բան գրել, վասն զի դուք Աստուծմէ սորված էք մէկզմէկ սիրել

Western Armenian Bible 1853

⁹ Բայց եղբայրսիրութեան մասին պէտք չէ ձեզի բան գրել, վասն զի դուք Աստուծմէ սորված էք մէկզմէկ սիրել

ԱՌԱՋԻՆ ԹԵՍԱՂՈՆԻԿԵՑԻՍ 4:9 Iomraidhean Croise

ՄԱՏԹԷՈՍ 22:39

Երկրորդը ատոր նման է. «Սիրէ՛ ընկերդ քու անձիդ պէս»։

ՅՈՎՀԱՆՆՈԻ 14:26

Բայց Մխիթարիչը՝ Սուրբ Հոգին, որ Հայրս ձեզի պիտի ղրկէ իմ անունովս, անիկա ձեզի ամէն ինչ պիտի սորվեցնէ եւ յիշեցնէ ինչ որ ես ձեզի ըսի։ –

ԳՈՐԾՔ ԱՌԱՔԵԼՈՑ 4:32

Հաւատացեալներու ամբողջ բազմութիւնը մէկ սիրտ մէկ հոգի էր։ Ոեւէ մէկը իր ինչքերուն համար չէր ըսեր թէ իրն են, այլ՝ ամէն ինչ հասարակաց էր իրենց միջեւ։

ՀՌՈՎՄԱՅԵՑԻՍ 12:10

Եղբօրպէս իրար սիրեցէք գորովանքով։ Յարգելու մէջ իրար գերազանցեցէք։

ԵՐԿՐՈՐԴ ԿՈՐՆԹԱՑԻՍ 9:1

Իսկապէս որ աւելորդ կը նկատեմ ձեզի գրել Երուսաղէմի քրիստոնեայ եղբայրներուն ղրկուելիք օգնութեան մասին,

ՓԻԼԻՊՊԵՑԻՍ 3:15

Արդ, մենքոր կատարեալ ենք՝ նոյն ձեւով խորհինք։ Իսկ եթէ դուք որոշ կէտերու շուրջ տարբեր կը խորհիք, Աստուած ինք ձեզ պիտի լուսաբանէ։

ԱՌԱՋԻՆ ԹԵՍԱՂՈՆԻԿԵՑԻՍ 5:1

Բայց ինչ կը վերաբերիայս եղելութեանց ժամին ու ժամանակին, պէտք չեմ զգար ձեզի ոեւէ բան գրելու,

ԵԲՐԱՅԵՑԻՍ 10:16

«Հետեւեալն է Ուխտը, որ իրենց հետ պիտի կնքեմ գալիք օրերուն,– կ՚ըսէ Տէրը.– իրենց միտքերուն մէջ պիտի դրոշմեմ իմ օրէնքներս, իրենց սիրտերուն վրայ պիտի գրեմ զանոնք»,

ԵԲՐԱՅԵՑԻՍ 13:1

Եղբայրսիրութիւնը թող մնայուն սկզբունք ըլլայ ձեզի համար։

ԱՌԱՋԻՆ ՊԵՏՐՈՍԻ 3:8

Ի վերջոյ, ամէնքդ ալ իրարու համախոհ եղէք, ուրախակից եւ ցաւակից իրարու, եղբայրասէր, բարեգութ, խոնարհամիտ։

ԱՌԱՋԻՆ ՊԵՏՐՈՍԻ 4:8

Ամէն բանէ առաջ՝ սրտանց սէր ունեցէք իրարու հանդէպ, որովհետեւ «սէրը պատճառ կ՚ըլլայ որ ձեր բազմաթիւ մեղքերը ներուին»։

ԵՐԿՐՈՐԴ ՊԵՏՐՈՍԻ 1:7

աստուածպաշտութեամբ՝ եղբայրսիրութիւն, եղբայրսիրութեամբ՝ սէր։

ԱՌԱՋԻՆ ՅՈՎՀԱՆՆՈՒ 2:10

Մինչդեռ իր եղբայրը սիրողը լոյսի մէջ կը մնայ եւ գայթակղութեան պատճառ չի դառնար։

ԱՌԱՋԻՆ ՅՈՎՀԱՆՆՈՒ 3:11

Պատուիրանը, որ սկիզբէն իսկ լսեցիք, սա է՝ որ սիրենք իրար։

ԱՌԱՋԻՆ ՅՈՎՀԱՆՆՈՒ 3:23

Եւ իր պատուիրանը սա է, որ հաւատանք իր Որդիին՝ Յիսուս Քրիստոսի, եւ սիրենք իրար, ինչպէս որ մեզի պատուիրեց։

ԱՌԱՋԻՆ ՅՈՎՀԱՆՆՈՒ 4:21

Մինչդեռ Քրիստոսի մեզի տուած պատուէրը սա է.– Ով որ զԱստուած կը սիրէ, պէտք է իր եղբայրն ալ սիրէ։