ԱՌԱՋԻՆ ԹԵՍԱՂՈՆԻԿԵՑԻՍ 4:17 - Western Armenian New Translation - Armenian Catholicosate of Cilicia - New Testament

¹⁷ Եւ ապա, մեզմէ անոնք որ այն ատեն դեռ ողջ պիտի ըլլան՝ անոնց հետ միասին ամպերու վրայ երկինք պիտի յափշտակուին Տէրը դիմաւորելու համար. եւ այնուհետեւ Տիրոջ հետ միասինպիտի ըլլանք յաւիտեան։

Արեւմտահայերէն Նոր Կտակարան հարմարցուած․ 2017

¹⁷ Ուստի մէկզմէկ մխիթարեցէք այս խօսքերով։

Western Armenian Bible 1853

¹⁷ Ուստի մէկզմէկ մխիթարեցէք այս խօսքերով։

ԱՌԱՋԻՆ ԹԵՍԱՂՈՆԻԿԵՑԻՍ 4:17 Iomraidhean Croise

ՄԱՏԹԷՈՍ 26:64

Յիսուս պատասխանեց. – Դո՛ւն կ՚ըսես։ Բայց կ՚ըսեմ ձեզի.– Ասկէ ետք պիտի տեսնէք Մարդու Որդին՝ ամենազօր Աստուծոյ աջ կողմը նստած. եւ պիտի տեսնէք որ կու գայ երկինքի ամպերուն մէջէն։

ՄԱՐԿՈՍ 14:62

Յիսուս պատասխանեց անոր. – Ես եմ։ Եւ դուք պիտի տեսնէք Մարդու Որդին, ամենազօր Աստուծոյ աջ կողմը նստած, եւ պիտի տեսնէք՝ որ կու գայ երկինքի ամպերուն մէջէն։

ՅՈՎՀԱՆՆՈԻ 12:26

Ով որ ուզէ ինծի ծառայել՝ պէտք է ինծի հետեւի, եւ ինծի ծառայողը պիտի ըլլայ հոն՝ ուր ես կը գտնուիմ։ Եւ Հայրս պիտի պատուէ ինծի ծառայողը։

ՅՈՎՀԱՆՆՈԻ 14:3

Եւ երբ երթամ եւ ձեզի համար տեղ պատրաստեմ, դարձեալ պիտի գամ եւ ձեզ քովս առնեմ, որպէսզի ըլլաք հոն՝ ուր ես կը գտնուիմ։

ՅՈՎՀԱՆՆՈԻ 17:24

Հա՛յր, անոնք որոնք ինծի տուիր՝ կ՚ուզեմ որ ինծի հետ ըլլան՝ ո՛ւր որ ըլլամ, որպէսզի տեսնեն իմ փառքս, այն փառքը՝ որ ինծի տուիր, որովհետեւ զիս սիրեցիր աշխարհի ստեղծագործութենէն առաջ։

ԳՈՐԾՔ ԱՌԱՔԵԼՈՑ 1:9

Այս խօսքերէն ետք, մինչ անոր կը նայէին, Յիսուս երկինք համբարձաւ, եւ ամպ մը ծածկեց զինք անոնց տեսողութենէն։

ԳՈՐԾՔ ԱՌԱՔԵԼՈՑ 8:39

Երբ ջուրէն դուրս ելան, Սուրբ Հոգին իջաւ ներքինիին վրայ, եւ Տիրոջ հրեշտակը յափշտակեց տարաւ Փիլիպպոսը. այնպէս որ ներքինին այլեւս չտեսաւ զայն, եւ իր ճամբան շարունակեց ուրախութեամբ։

ԱՌԱՋԻՆ ԿՈՐՆԹԱՑԻՍ 15:52

բայց երբ վերջին փողը հնչէ՝ ամէնքս ալ յանկարծ պիտի նորոգուինք ակնթարթի մը մէջ։ Որովհետեւ փողը պիտի հնչէ եւ մեռելները յարութիւն պիտի առնեն անեղծ մարմիններով, եւ մենք պիտի նորոգուինք։

ԵՐԿՐՈՐԴ ԿՈՐՆԹԱՑԻՍ 5:8

Բայց վստահութիւն ունինք, եւ շատ աւելի պիտի ուզէինք այս մարմինէն դուրս գալ եւ Տիրոջ քով ըլլալ։

ՓԻԼԻՊՊԵՑԻՍ 1:23

Երկու սուրի մէջ մնացած եմ. մէկ կողմէ՝ կը ցանկամ այս կեանքէն ելլել եւ Քրիստոսի հետ ըլլալ, ինչ որ գերազանցօրէն աւելի նախընտրելի է,

ԱՌԱՋԻՆ ԹԵՍԱՂՈՆԻԿԵՑԻՍ 3:13

որպէսզի ձեր սիրտերը ամրապնդուին եւ ամբասիր սրբութեամբ ներկայանաք Աստուծոյ, մեր Հօրը, երբ մեր Տէրը՝ Յիսուս Քրիստոս գայ իր բոլոր ընտրեալներով։

ԱՌԱՋԻՆ ԹԵՍԱՂՈՆԻԿԵՑԻՍ 4:15

Հետեւաբար՝ կ՚ըսենք ձեզի, ինչպէս Տէրը ինք սորվեցուց.– Մեզմէ անոնք որոնք ողջ մնացած կ՚ըլլան Տիրոջ գալուստին ատեն, մեռածներէն առաջ պիտի չանցնին։

ԱՌԱՋԻՆ ԹԵՍԱՂՈՆԻԿԵՑԻՍ 4:18

Ուստի այս մտածումներով քաջալերեցէք իրար։

ԱՌԱՋԻՆ ԹԵՍԱՂՈՆԻԿԵՑԻՍ 5:10

Արդարեւ, Քրիստոս մեզի համար մեռաւ, որպէսզի մենք իրմով կենդանի ըլլանք, իր գալուստին ատեն ողջ ըլլանք թէ մեռած։

ԵՐԿՐՈՐԴ ՊԵՏՐՈՍԻ 3:13

Բայց մենք՝ Աստուծոյ խոստումին համաձայն՝ կը սպասենք նոր երկինքի մը եւ նոր երկրի մը, ուր արդարութիւնը պիտի իշխէ։

ՅԱՅՏՆՈՒԹԻՒՆ 1:7

Ահա անիկա կու գայ ամպերու վրայ։ Ամէն մարդ պիտի տեսնէ զայն, նաեւ անոնք՝ որոնք խոցեցին զինք։ Երկրի բոլոր ժողովուրդները պիտի ողբան անոր վրայ։ Այո՛, թող այդպէս ըլլայ.

ՅԱՅՏՆՈՒԹԻՒՆ 11:12

Յետոյ երկու մարգարէները երկինքէն ուժգին ձայն մը լսեցին, որ իրենց կ՚ըսէր. «Ելէ՛ք, հո՛ս եկէք»։ Անոնք ամպերու մէջ երկինք բարձրացան, մինչ իրենց թշնամիները կը դիտէին զիրենք։

ՅԱՅՏՆՈՒԹԻՒՆ 12:5

Կինը արու զաւակ մը ծնաւ, որ սահմանուած էր հովուելու բոլոր ազգերը՝ երկաթէ մականով։ Բայց կնոջ զաւակը յափշտակուելով տարուեցաւ Աստուծոյ եւ անոր գահին մօտ։