ԱՌԱՋԻՆ ԹԵՍԱՂՈՆԻԿԵՑԻՍ 3:5 - Western Armenian New Translation - Armenian Catholicosate of Cilicia - New Testament

⁵ Ճիշդ այդ պատճառով ալ, ես այլեւս չկարենալով համբերել՝ Տիմոթէոսը ղրկեցի, գիտնալու համար թէ ի՛նչ վիճակի մէջ է ձեր հաւատքը, խորհելով՝ որ չըլլայ թէ Փորձիչը ձեզ փորձութեան մատնած ըլլայ եւ մեր ամբողջ աշխատանքը ի զուր անցած ըլլայ։

Արեւմտահայերէն Նոր Կտակարան հարմարցուած․ 2017

⁵ Ասոր համար ես ալ չկրնալով աւելի համբերել, մարդ ղրկեցի ձեր հաւատքը գիտնալու, որ չըլլայ թէ փորձողը ձեզ փորձած ըլլայ եւ մեր աշխատութիւնը պարապ ըլլայ։

Western Armenian Bible 1853

⁵ Ասոր համար ես ալ չկրնալով աւելի համբերել, մարդ ղրկեցի ձեր հաւատքը գիտնալու, որ չըլլայ թէ փորձողը ձեզ փորձած ըլլայ եւ մեր աշխատութիւնը պարապ ըլլայ։

ԱՌԱՋԻՆ ԹԵՍԱՂՈՆԻԿԵՑԻՍ 3:5 Iomraidhean Croise

ՄԱՏԹԷՈՍ 4:3

Այն ատեն փորձիչը՝ Սատանան, մօտեցաւ իրեն եւ ըսաւ. – Եթէ Աստուծոյ Որդի ես, ըսէ՛ որ այս քարերը հաց դառնան։

ԳՈՐԾՔ ԱՌԱՔԵԼՈՑ 15:36

Կարճ ժամանակ մը ետք, Պօղոս Բառնաբասին ըսաւ. –Դառնանք եւ մեր հաւատացեալ եղբայրներունայցելենք բոլոր այն քաղաքներուն մէջ, ուր Տիրոջ խօսքը քարոզեցինք, տեսնելու թէ ի՛նչպէս են։

ԱՌԱՋԻՆ ԿՈՐՆԹԱՑԻՍ 7:5

Երկար ատեն հեռու մի՛ մնաք իրարմէ։ Եթէ կ՚ուզէք աղօթքի նուիրուիլ, կրնաք փոխադարձ համաձայնութեամբ ժամանակ մը իրարմէ հեռու մնալ. բայց յետոյ վերադարձէ՛ք ձեր կենակցութեան, որպէսզի չըլլայ որ Սատանան ձեզ փորձութեան մղէ՝ ձեր անժուժկալութենէն օգտուելով։

ԵՐԿՐՈՐԴ ԿՈՐՆԹԱՑԻՍ 2:11

որպէսզի չըլլայ որ Սատանան մեր աններողութիւնը օգտագործէ. որովհետեւ անոր խորհուրդները լաւ գիտենք։

ԵՐԿՐՈՐԴ ԿՈՐՆԹԱՑԻՍ 6:1

Արդ, որովհետեւ Աստուծոյ գործպկիցներն ենք, կ՚աղաչենք ձեզի, մի՛ վատնէք Աստուծմէ ձեր ստացած շնորհքը։

ԳԱՂԱՏԱՑԻՍ 2:2

Գացի, որովհետեւ Աստուած յայտնեց որ երթամ։ Այնտեղ, Երուսաղէմի եկեղեցիին զեկոյց տուի հեթանոսներուն մէջ կատարած քարոզութեանս մասին։ Առանձնաբար զեկոյց տուի նաեւ եկեղեցւոյ ղեկավարներուն, որպէսզի զուր տեղը աշխատած չըլլամ եւ չաշխատիմ։

ԳԱՂԱՏԱՑԻՍ 4:11

Կը վախնամ որ ձեզի համար տարած ամբողջ աշխատանքս զուր անցած ըլլայ։

ԵՓԵՍԱՑԻՍ 4:14

Որպէսզի ասկէ ետք չնմանինք երեխաներու, որոնք ալիքներու հետ կը տարուբերին եւ զանազան վարդապետութեանց հովերէն կը քշուին խաբեբայ մարդոց կողմէ, որոնք խորամանկ հնարքներով կը խաբեն ու կը մոլորեցնեն։

ՓԻԼԻՊՊԵՑԻՍ 2:16

կեանքի պատգամը ամուր պահելով, ինչ որ իմ պարծանքս պիտի ըլլայ Քրիստոսի դատաստանին օրը, թէ զուր տեղը չվազեցի եւ զուր տեղը չաշխատեցայ։

ՓԻԼԻՊՊԵՑԻՍ 2:19

Կ՚ուզէի ձեր լուրերը ունենալ, որպէսզի իմ ալ սիրտս հանգիստ ըլլայ։ Ահա թէ ինչու, եթէ Տէր Յիսուս կամենայ, կը յուսամ շուտով Տիմոթէոսը ղրկել ձեր մօտ,

ԱՌԱՋԻՆ ԹԵՍԱՂՈՆԻԿԵՑԻՍ 2:1

Դուք անձամբ գիտէք, եղբայրնե՛ր, թէ ձեզի տուած մեր այցելութիւնը ապարդիւն չեղաւ։

ԱՌԱՋԻՆ ԹԵՍԱՂՈՆԻԿԵՑԻՍ 3:6

Հիմա, սակայն, երբ Տիմոթէոս ձեր քովէն մեզի վերադարձաւ եւ աւետիս տուաւ թէ կը պահէք ձեր հաւատքն ու սէրը, եւ թէ ամէն առիթով քաղցրութեամբ կը յիշէք մեզ եւ տեսնել կը փափաքիք, ինչպէս մենք կը փափաքինք ձեզ տեսնել,