ԱՌԱՋԻՆ ԹԵՍԱՂՈՆԻԿԵՑԻՍ 2:4 - Western Armenian New Translation - Armenian Catholicosate of Cilicia - New Testament

⁴ Այլ խօսեցանք այնպէս՝ ինչպէս Աստուած կ՚ուզէ, որովհետեւ Աստուած փորձեց մեզ եւ իր Աւետարանը մեզի վստահեցաւ։ Կը խօսինք՝ ո՛չ թէ մարդոց հաճելի ըլլալու համար, այլ՝ Աստուծոյ, որ մեր սրտին խորհուրդները կը քննէ։

Արեւմտահայերէն Նոր Կտակարան հարմարցուած․ 2017

⁴ հապա ինչպէս մենք Աստուծմէ ընտրուեցանք ու աւետարանը մեզի ինչպէս վստահուեցաւ այնպէս կը խօսինք, ո՛չ թէ մարդոց հաճոյ ըլլալու համար, հապա Աստուծոյ՝ որ մեր սրտերը կը քննէ։

Western Armenian Bible 1853

⁴ Հապա ինչպէս մենք Աստուծմէ ընտրուեցանք ու աւետարանը մեզի ինչպէս վստահուեցաւ այնպէս կը խօսինք, ո՛չ թէ մարդոց հաճոյ ըլլալու համար, հապա Աստուծոյ՝ որ մեր սրտերը կը քննէ։

ԱՌԱՋԻՆ ԹԵՍԱՂՈՆԻԿԵՑԻՍ 2:4 Iomraidhean Croise

ՂՈԻԿԱՍ 12:42

Տէրը ըսաւ. – Ո՞վ է հաւատարիմ եւ իմաստուն տնտեսը։ Անիկա է, որ տէրը իր ծառաներուն վրայ վերակացու կը կարգէ, որպէսզի ճիշդ ատենին անոնցկերակուրի բաժինը տայ։

ՂՈԻԿԱՍ 16:11

Հետեւաբար, եթէ աշխարհիկ հարստութիւնը գործածելուն մէջ հաւատարիմ չեղաք, ճշմարիտ հարստութիւնը ո՞վ պիտի վստահի ձեզի։

ՅՈՎՀԱՆՆՈԻ 21:17

Եւ երրորդ անգամ հարցուց. – Սիմո՛ն, Յովնանի՛ որդի, կը սիրե՞ս զիս։ Պետրոս տրտմեցաւ որ երեք անգամ հարցուց իրեն՝ «կը սիրե՞ս զիս», եւ ըսաւ անոր. – Տէ՛ր, դուն ամէն ինչ գիտես, եւ գիտես թէ կը սիրեմ քեզ։

ՀՌՈՎՄԱՅԵՑԻՍ 8:27

եւ Աստուած որ սիրտերը կը քննէ՝ գիտէ թէ ի՛նչ կը խորհի Սուրբ Հոգին, որովհետեւ անիկա Աստուծոյ կամքին համաձայն կը բարեխօսէ հաւատացեալներուն համար։

ԱՌԱՋԻՆ ԿՈՐՆԹԱՑԻՍ 7:25

Ամուրիներուն վերաբերող ձեր հարցումին կապակցութեամբ Տիրոջմէ հրաման մը չունիմ։ Բայց ես՝ իբրեւ Տիրոջմէ ողորմութիւն գտած մէկը, որուն կարելի է վստահիլ, հետեւեալ խրատը կու տամ.–

ԱՌԱՋԻՆ ԿՈՐՆԹԱՑԻՍ 9:17

Եթէ ազատ կամքովս ընէի այս քարոզութիւնը, վարձատրութիւն պիտի ակնկալէի. բայց իմ կամքովս չէ որ կ՚ընեմ, քանի Աստուծմէ ինծի յանձնուած պարտականութիւն մըն է։

ԵՐԿՐՈՐԴ ԿՈՐՆԹԱՑԻՍ 2:17

Անշուշտ ո՛չ անոնք՝ որոնք Աստուծոյ խօսքը վաճառքի կը հանեն, այլ՝ մենք, որ անկեղծօրէն կը խօսինք Աստուծոյ առջեւ՝ որպէս Քրիստոսի միացած Աստուծոյ պատգամաւորները։

ԵՐԿՐՈՐԴ ԿՈՐՆԹԱՑԻՍ 4:2

Հրաժարած ենք վարագոյրի ետին նիւթուած ամօթալի գործերէն, այսինքն՝ խորամանկութիւն ի գործ չենք դներ եւ Աստուծոյ խօսքը չենք նենգափոխեր. այլ բացէ ի բաց ճշմարտութիւնը կը յայտարարենք, եւ ա՛յսպէս կը ներկայանանք մարդոց առջեւ, ինչպէս պիտի ընէինք Աստուծոյ առջեւ։

ԵՐԿՐՈՐԴ ԿՈՐՆԹԱՑԻՍ 5:11

Ուստի, մենք միայն Տիրոջմէ կը վախնանք։ Գալով մարդոց, կը փորձենք զանոնք համոզել մեր գործով ու խօսքով, որոնք յայտնի են Աստուծոյ, եւ կարծեմ ձեր խիղճերն ալ կը վկայեն այդ մասին։

ԵՐԿՐՈՐԴ ԿՈՐՆԹԱՑԻՍ 5:16

Այնպէս որ, այսուհետեւ մենք ոեւէ հաւատացեալի չենք նայիր զուտ մարդկային չափանիշով։ Կար ժամանակ, երբ մենք ալ այդպէս կը նայէինք Քրիստոսի. բայց հիմա ամբողջութեամբ տարբեր կը մտածենք։

ԳԱՂԱՏԱՑԻՍ 1:10

Միթէ մարդի՞կ հաւանութիւն պիտի տան իմ քարոզած Աւետարանիս համար, թէ Աստուած։ Միթէ ես մարդիկը սիրաշահելու համա՞ր կ՚աշխատիմ։ Եթէ մարդիկը սիրաշահելու ետեւէ ըլլայի՝ Քրիստոսի ծառայ ըլլալէ կը դադրէի։

ԳԱՂԱՏԱՑԻՍ 2:7

Ընդհակառակը, երբ տեսան թէ Աստուած ինծի վստահած է հեթանոսներու քարոզութիւնը, ինչպէս Պետրոսի յանձնած էր Հրեաներու քարոզութիւնը –

ԵՓԵՍԱՑԻՍ 3:8

Այո՛, ինծի՝ որ Աստուծոյ ժողովուրդին մէջ յետիններուն յետինն եմ՝ Աստուած այս շնորհքը տուաւ, որպէսզի բոլոր ազգերուն աւետիս տամ՝ թէ ի՛նչպիսի աներեւակայելի գանձ մըն է Քրիստոս,

ԵՓԵՍԱՑԻՍ 6:6

Ձեր ծառայութիւնը ըրէք՝ ո՛չ միայն երբ հսկող աչք կայ ձեր վրայ, ինչպէս կ՚ընեն անոնք՝ որոնք մարդոց հաճութիւնը կ՚ուզեն շահիլ, այլ՝ իբրեւ Քրիստոսի ծառաներ, որոնք Աստուծոյ կամքը կը կատարեն սրտանց։

ԿՈՂՈՍԱՑԻՍ 3:22

Ծառանե՛ր, ամէն բանով հնազանդեցէ՛ք ձեր տէրերուն։ Ձեր ծառայութիւնը ըրէք՝ ո՛չ միայն երբ հսկող աչք կայ ձեր վրայ, ինչպէս կ՚ընեն անոնք՝ որոնք մարդոց հաճութիւնը կ՚ուզեն շահիլ, այլ՝ անկեղծ սրտով, Տիրոջ հանդէպ ձեր ունեցած պատկառանքէն մղուած։

ԱՌԱՋԻՆ ՏԻՄՈԹԷՈՍ 6:20

Ո՜վ Տիմոթէոս, պահէ՛ քեզի վստահուած աւանդը, հեռու մնալով շինծու եւ դատարկ տեսութիւններէն եւ կեղծ գիտութեան անունով կատարուած բանավէճերէն։

ԵՐԿՐՈՐԴ ՏԻՄՈԹԷՈՍ 1:14

Քեզի վստահուած բարի աւանդը պահէ Սուրբ Հոգիին օգնութեամբ, որ մեր մէջ կը բնակի։

ԵՐԿՐՈՐԴ ՏԻՄՈԹԷՈՍ 2:2

եւ այն՝ ինչ որ ես սորվեցուցի բազմաթիւ վկաներու ներկայութեան, նոյն բաները աւանդէ այնպիսի վստահելի մարդոց, որոնք կարող ըլլան ուրիշներուն ալ սորվեցնելու։

ՏԻՏՈՍԻՆ 1:3

իսկ հիմա՝ յարմար ժամանակը հասած համարելով՝ այդ խոստումը յայտնեց իր Աւետարանով, որուն քարոզութեան կոչուեցայ մեր փրկիչ Աստուծոյն հրամանով։

ԵԲՐԱՅԵՑԻՍ 4:13

Եւ չկայ արարած մը որ Աստուծոյ տեսողութենէն վրիպի։ Անիկա պարզ ու յստակ կը տեսնէ ամէն ինչ, իրենց ամբողջ մերկութեամբ։ Եւ անոր է որ հաշիւ պիտի տանք։

ԱՌԱՋԻՆ ՊԵՏՐՈՍԻ 4:11

Խօսելո՞ւ պարգեւը ունի. թող Աստուծոյ պատգամները մատակարարէ։ Ծառայելո՞ւ պարգեւը ունի. թող ծառայէ՝ որքան որ Աստուած կարողութիւն կու տայ. որպէսզի ամէն ինչով Աստուած փառաւորուի, Յիսուս Քրիստոսի միջոցաւ։ Անո՛րն են փառքը եւ զօրութիւնը յաւիտեանս յաւիտենից. ամէն։

ՅԱՅՏՆՈՒԹԻՒՆ 2:23

Չարաչար պիտի սպաննեմ իր որդիները, եւ բոլոր եկեղեցիները պիտի գիտնան՝ թէ ե՛ս եմ որ կը ճանչնամ մարդոց ցանկութիւններն ու մտածումները, եւ իւրաքանչիւրին կը հատուցանեմ իր գործերուն համաձայն»։