ԱՌԱՋԻՆ ԹԵՍԱՂՈՆԻԿԵՑԻՍ 2:15 - Western Armenian New Translation - Armenian Catholicosate of Cilicia - New Testament

¹⁵ որոնք ո՛չ միայն Տէր Յիսուսը եւ մարգարէները սպաննեցին, այլ նաեւ մե՛զ հալածեցին, եւ այդպիսով Աստուծոյ աչքէն ելան եւ բոլոր մարդոց թշնամի եղան։

Արեւմտահայերէն Նոր Կտակարան հարմարցուած․ 2017

¹⁵ որոնք Տէր Յիսուսն ալ մեռցուցին՝ մարգարէներն ալ եւ մեզ հալածեցին ու Աստուծոյ՝ անհաճոյ եւ բոլոր մարդոց հակառակ են։

Western Armenian Bible 1853

¹⁵ Որոնք Տէր Յիսուսն ալ մեռցուցին՝ մարգարէներն ալ եւ մեզ հալածեցին ու Աստուծոյ՝ անհաճոյ եւ բոլոր մարդոց հակառակ են։

ԱՌԱՋԻՆ ԹԵՍԱՂՈՆԻԿԵՑԻՍ 2:15 Iomraidhean Croise

ՄԱՏԹԷՈՍ 23:37

Երուսաղէ՜մ, Երուսաղէ՜մ, որ կը կոտորէիր մարգարէները եւ կը քարկոծէիր Աստուծոյ քեզի ղրկած մարդիկը. քանի՜ անգամ ուզեցի որդիներդ հաւաքել, ինչպէս հաւը իր ձագերը կը հաւաքէ թեւերուն տակ, բայց դո՛ւք, Երուսաղէմի բնակիչներ, չուզեցիք։

ՄԱՏԹԷՈՍ 27:25

Ամբողջ ամբոխը պատասխանեց. – Անոր արիւնը թող մեր եւ մեր զաւակներուն վրայ ըլլայ։

ՄԱՏԹԷՈՍ 5:12

Ցնծացէք եւ ուրախացէ՛ք, որովհետեւ ձեր վարձատրութիւնը մեծ է երկինքի մէջ։ Յիշեցէք որ նոյն ձեւով հալածանքի ենթարկուեցան ձեզմէ առաջ ապրող մարգարէներն ալ։

ՂՈԻԿԱՍ 24:20

Մեր աւագ քահանաներն ու իշխանները զայն իշխանութեան յանձնեցին, որպէսզի մահուան դատապարտուի, եւ զայն խաչեցին։

ԳՈՐԾՔ ԱՌԱՔԵԼՈՑ 12:3

Ապա տեսնելով որ ատիկա Հրեաներուն հաճելի է, Պետրոսն ալ ձերբակալել տուաւ Բաղարջակերաց տօնի օրերուն։

ԳՈՐԾՔ ԱՌԱՔԵԼՈՑ 2:23

Անիկա Աստուծոյ սահմանած ծրագրին եւ կանխագիտութեան համաձայն ձեր ձեռքը յանձնուեցաւ, եւ դուք անօրէններու ձեռքով զայն խաչի վրայ գամելով՝ սպաննեցիք։

ԳՈՐԾՔ ԱՌԱՔԵԼՈՑ 3:15

Սպաննեցիք ձեզ դէպի կեանք առաջնորդողը։ Բայց Աստուած զայն մեռելներէն յարուցանեց, եւ մենք ատոր վկայ ենք։

ԳՈՐԾՔ ԱՌԱՔԵԼՈՑ 4:10

Ահա կը յայտարարենք ձեր բոլորին եւ Իսրայէլի ամբողջ ժողովուրդին, թէ այս մարդը, որ ահաւասիկ ձեր բոլորին դիմաց կանգնած է, առողջացաւ Նազովրեցի Յիսուս Քրիստոսի անունով, որ դուք խաչեցիք. բայց Աստուած զայն մեռելներէն յարուցանեց։

ԳՈՐԾՔ ԱՌԱՔԵԼՈՑ 5:30

Մեր հայրերուն Աստուածը յարուցանեց Յիսուսը, որ դուք սպաննեցիք՝ խաչափայտէն կախելով։

ԳՈՐԾՔ ԱՌԱՔԵԼՈՑ 7:52

Եղա՞ւ մարգարէ մը որ ձեր հայրերը չհալածեցին։ Անոնք սպաննեցին բոլոր այն մարգարէները, որոնք կանուխէն պատմեցին Արդարին գալուն մասին. այն Արդարին, որ դուք ձեր ձեռքով մահուան դատապարտեցիք եւ սպաննեցիք։

ԱՌԱՋԻՆ ԿՈՐՆԹԱՑԻՍ 10:5

Բայց անոնց մեծագոյն մասը հաճելի չեղաւ Աստուծոյ, ուստի անոնց դիակները անապատին մէջ տարտղնուեցան։

ԵՐԿՐՈՐԴ ԿՈՐՆԹԱՑԻՍ 11:26

Ճամբորդութիւններուս ընթացքին ի՜նչ վտանգներէ անցայ.– յորդած գետեր, աւազակներ. վտանգ՝ թէ՛ ազգակիցներէս եւ թէ՛ հեթանոսներէն, քաղաքներու մէջ, անբնակ վայրերու մէջ թէ ծովերու վրայ, եւ վտանգ՝ սուտ քրիստոնեաներու կողմէ։