ԱՌԱՋԻՆ ԹԵՍԱՂՈՆԻԿԵՑԻՍ 1:7 - Western Armenian New Translation - Armenian Catholicosate of Cilicia - New Testament

⁷ եւ ձեր այս ընթացքով օրինակ եղաք Մակեդոնիայի եւ Աքայիայի բոլոր հաւատացեալներուն։

Արեւմտահայերէն Նոր Կտակարան հարմարցուած․ 2017

⁷ Այնպէս որ դուք օրինակ եղաք բոլոր հաւատացեալներուն, որոնք Մակեդոնիայի ու Աքայիայի մէջ են։

Western Armenian Bible 1853

⁷ Այնպէս որ դուք օրինակ եղաք բոլոր հաւատացեալներուն, որոնք Մակեդոնիայի ու Աքայիայի մէջ են։

ԱՌԱՋԻՆ ԹԵՍԱՂՈՆԻԿԵՑԻՍ 1:7 Iomraidhean Croise

ԳՈՐԾՔ ԱՌԱՔԵԼՈՑ 1:13

Եկան քաղաք եւ գացին այն վերնատունը ուր կը մնային։ Ասոնք էին՝ Պետրոս եւ Յակոբոս, Յովհաննէս եւ Անդրէաս, Փիլիպպոս եւ Թովմաս, Բարթողոմէոս եւ Մատթէոս, Ալփէոսի որդին՝ Յակոբոս եւ Շմաւոն Նախանձայոյզ, եւ Յակոբոսի որդին՝ Յուդա։

ԳՈՐԾՔ ԱՌԱՔԵԼՈՑ 16:12

իսկ հոնկէ՝ դէպի Փիլիպպէ, որ Մակեդոնիա նահանգին առաջին գաւառին մէկ քաղաքն է եւ հռոմէական գաղթավայր։ Ժամանակ մը մնացինք այդ քաղաքը։

ԳՈՐԾՔ ԱՌԱՔԵԼՈՑ 18:1

Անկէ ետք Պօղոս Աթէնքէն մեկնելով՝ եկաւ Կորնթոս։

ԳՈՐԾՔ ԱՌԱՔԵԼՈՑ 18:12

Աքայիայի փոխ–բդեշխին՝ Գալիոնի օրերուն, Հրեաները միաբանելով՝ Պօղոսի դէմ ելան եւ զայն ատեան տարին,

ԳՈՐԾՔ ԱՌԱՔԵԼՈՑ 19:21

Իր աշխատանքները աւարտելէ ետք, Պօղոս մտադրեց Մակեդոնիա եւ Աքայիա շրջիլ եւ ապա Երուսաղէմ երթալ։ Կ՚ըսէր. –Հոն երթալէս ետք՝ պէտք է Հռոմ ալ երթամ։

ՀՌՈՎՄԱՅԵՑԻՍ 15:26

Որովհետեւ Մակեդոնիայի եւ Աքայիայի եղբայրները յօժարակամ ուզեցին իրենց նուէրներով մասնակից դառնալ Երուսաղէմի աղքատ հաւատացեալներու կարիքներուն։

ԵՐԿՐՈՐԴ ԿՈՐՆԹԱՑԻՍ 1:1

Ես, Պօղոս, Աստուծոյ կամքով Յիսուս Քրիստոսի առաքեալը, եւ Տիմոթէոս՝ մեր եղբայրը, կը գրենք ձեզի՝ Կորնթոսի մէջ հաստատուած Աստուծոյ եկեղեցիին եւ ամբողջ Աքայիայի մէջ գտնուող քրիստոնեաներուդ։

ԵՐԿՐՈՐԴ ԿՈՐՆԹԱՑԻՍ 9:2

որովհետեւ գիտեմ ձեր յօժարութիւնը, եւ ձեր մասին միշտ պարծանքով խօսած եմ Մակեդոնացիներուն, ըսելով. «Աքայիացիները դեռ անցեալ տարուընէ պատրաստուեր են իրենց օգնութիւնը ընելու»։ Ձեր նախանձախնդրութիւնը շատ շատերուն համար գրգիռ եղաւ։

ԱՌԱՋԻՆ ԹԵՍԱՂՈՆԻԿԵՑԻՍ 1:8

Արդարեւ, դուք ձեր օրինակով Տիրոջ խօսքը հռչակեցիք ո՛չ միայն Մակեդոնիայի եւ Աքայիայի մէջ, այլեւ ամէն տեղ ուր Աստուծոյ վրայ ունեցած ձեր հաւատքին համբաւը տարածուեցաւ։ Այնպէս որ, այլեւս ո՛չ պէտքը կը զգանք բան մը աւելցնելու, ո՛չ ալ մենք մեզ ներկայացնելու,

ԱՌԱՋԻՆ ԹԵՍԱՂՈՆԻԿԵՑԻՍ 4:10

ինչպէս արդէն գործնապէսայդ սէրը ցոյց կու տաք ամբողջ Մակեդոնիայի բոլոր եղբայրներուն նկատմամբ։ Բայց դարձեալ, եղբայրնե՛ր, կը խնդրենք որ աւելի առատանաք ձեր սիրոյն մէջ,

ԱՌԱՋԻՆ ՏԻՄՈԹԷՈՍ 4:12

Եւ որպէսզի ոեւէ մէկը քեզ չարհամարհէ՝ երիտասարդ ըլլալուդ համար, հաւատացեալներուդ օրինակ եղիր՝ խօսքովդ, վարմունքովդ, սիրովդ, հաւատքովդ եւ մաքուր կենցաղովդ։

ՏԻՏՈՍԻՆ 2:7

Քու անձովդ բարի գործերու օրինակ եղիր բոլորին, իսկ ուսուցումներովդ օրինակը տուր անկեղծութեան, մաքրութեան եւ պարկեշտութեան։

ԱՌԱՋԻՆ ՊԵՏՐՈՍԻ 5:3

Ո՛չ թէ ձեզի վստահուած մարդոց պարտադրելով ձեր անձերը, այլ՝ օրինակ ըլլալով ձեր հօտին,