ԱՌԱՋԻՆ ԹԵՍԱՂՈՆԻԿԵՑԻՍ 1:6 - Western Armenian New Translation - Armenian Catholicosate of Cilicia - New Testament

⁶ Մեզի նմանելով՝ դուք Տիրոջ նմանած եղաք, քանի որ՝ հակառակ ձեր կրած բոլոր նեղութիւններուն՝ Սուրբ Հոգիին պարգեւած ուրախութեամբ ընդունեցիք մեր քարոզութիւնը,

Արեւմտահայերէն Նոր Կտակարան հարմարցուած․ 2017

⁶ Դուք ալ՝ մեզի ու Տէրոջը նմանելով ընդունեցիք խօսքը շատ նեղութեան մէջ Սուրբ Հոգիին ուրախութիւնովը։

Western Armenian Bible 1853

⁶ Դուք ալ՝ մեզի ու Տէրոջը նմանելով ընդունեցիք խօսքը շատ նեղութեան մէջ Սուրբ Հոգիին ուրախութիւնովը։

ԱՌԱՋԻՆ ԹԵՍԱՂՈՆԻԿԵՑԻՍ 1:6 Iomraidhean Croise

ՄԱՏԹԷՈՍ 16:24

Ապա Յիսուս իր աշակերտներուն ըսաւ. – Եթէ մէկը ուզէ ինծի հետեւիլ՝ թող ուրանայ իր անձը, առնէ իր խաչը եւ ետեւէս գայ։

ՅՈՎՀԱՆՆՈԻ 8:12

Յիսուս դարձեալ խօսեցաւ ժողովուրդին, ըսելով. – Ե՛ս եմ աշխարհի լոյսը։ Ով որ ինծի կը հետեւի՝ խաւարի մէջ պիտի չքալէ, այլ պիտի ունենայ այն լոյսը որ կեանքին կ՚առաջնորդէ։

ԳՈՐԾՔ ԱՌԱՔԵԼՈՑ 13:52

Իսկ Տիրոջ աշակերտները ուրախութեամբ եւ Սուրբ Հոգիով կը լեցուէին։

ԳՈՐԾՔ ԱՌԱՔԵԼՈՑ 5:41

Իսկ առաքեալները Ատեանէն հեռացան, ուրախանալով որ Տիրոջ անունին համար անարգանքի արժանացան։

ԳՈՐԾՔ ԱՌԱՔԵԼՈՑ 9:31

Եկեղեցին ամբողջ Հրէաստանի, Գալիլեայի եւ Սամարիայի մէջ խաղաղութիւն կը վայելէր եւ կը զօրանար։ Սուրբ Հոգիին օգնութեամբ հաւատացեալները կը բազմանային եւ Տիրոջ երկիւղովը կ՚ապրէին։

ՀՌՈՎՄԱՅԵՑԻՍ 15:13

Արդ, յոյսի պարգեւիչ Աստուածը թող ձեզ ամբողջական ուրախութեամբ եւ խաղաղութեամբ լեցնէ՝ իրեն հանդէպ ունեցած ձեր հաւատքովը, որպէսզի Սուրբ Հոգիին զօրութեամբ յոյսով առատանաք։

ԱՌԱՋԻՆ ԿՈՐՆԹԱՑԻՍ 11:1

Հետեւաբար ինծի նմանեցէք, ինչպէս ես՝ Քրիստոսի։

ԱՌԱՋԻՆ ԿՈՐՆԹԱՑԻՍ 11:2

Կը գովեմ ձեզ, որ կը յիշէք ամէն ինչ որ սորվեցուցի ձեզի, եւ ինչպէս որ ձեզի աւանդեցի՝ այնպէս կը պահէք։

ԱՌԱՋԻՆ ԿՈՐՆԹԱՑԻՍ 4:16

Հետեւաբար, կը խնդրեմ ձեզմէ, ինծի նմանեցէք։

ԵՐԿՐՈՐԴ ԿՈՐՆԹԱՑԻՍ 6:10

Թող մեր կեանքը տխուր կարծեն. մենք միշտ ուրախ ենք։ Աղքատ թող սեպեն. մենք շատերու կեանքերը կը ճոխացնենք։ Այո՛, կը թուի թէ ոչինչ ունինք, մինչդեռ ամէն ինչ ունինք։

ԵՐԿՐՈՐԴ ԿՈՐՆԹԱՑԻՍ 8:5

Մեր ակնկալածէն շատ աւելին ըրին. նախ՝ իրենք զիրենք յանձնեցին Տիրոջ, եւ ապա՝ Աստուծոյ կամքով՝ նաեւ մեզի։

ԳԱՂԱՏԱՑԻՍ 5:22

Իսկ Սուրբ Հոգիին արդիւնքներն են՝ սէր, ուրախութիւն, խաղաղութիւն, համբերատարութիւն, ազնուութիւն, բարութիւն, հաւատարմութիւն,

ԵՓԵՍԱՑԻՍ 5:1

Աստուծոյ նմանեցէք, որպէս իր սիրելի որդիները,

ՓԻԼԻՊՊԵՑԻՍ 3:17

Եղբայրներ, ինծի՛ նմանեցէք, եւ հետեւեցէք անոնց՝ որոնք ձեզի տուած մեր օրինակով կ՚ընթանան։

ԵՐԿՐՈՐԴ ԹԵՍԱՂՈՆԻԿԵՑԻՍ 1:4

Աստուծոյ եկեղեցիներուն մէջ մենք կը պարծենանք ձեզմով, այն համբերութեան եւ հաւատքին համար, որ դուք ցուցաբերեցիք ձեր կրած բոլոր հալածանքներուն եւ նեղութիւններուն մէջ։

ԵՐԿՐՈՐԴ ԹԵՍԱՂՈՆԻԿԵՑԻՍ 3:7

Որովհետեւ դուք լաւ գիտէք՝ ինչպիսի՛ օրինակ մը տուինք ձեզի, որպէսզի անոր հետեւիք։ Երբեք ծուլութեամբ չապրեցանք ձեր մօտ,

ԵՐԿՐՈՐԴ ԹԵՍԱՂՈՆԻԿԵՑԻՍ 3:9

Ո՛չ թէ որովհետեւ իրաւունք չունէինք մեր սնունդն ու բնակարանը ձեզմէ ստանալու, այլ՝ կ՚ուզէինք որ մեր անձերը ձեզի օրինակ դառնան եւ մեր օրինակին հետեւիք։

ԵՐԿՐՈՐԴ ՏԻՄՈԹԷՈՍ 4:2

Աստուծոյ խօսքը քարոզէ եւ զայն յայտարարէ ամէն առիթով, առանց պատեհութիւնը կամ անպատեհութիւնը խորհելու, սխալները ուղղէ, եւ սաստէ կամ յորդորէ՝ մեծ համբերատարութեամբ ուսուցանելով։

ԵԲՐԱՅԵՑԻՍ 10:34

Բանտարկեալներուն չարչարակից եղաք, եւ ձեր ստացուածքներուն յափշտակուիլը ուրախութեամբ ընդունեցիք, գիտնալով որ երկինքի մէջ աւելի լաւ ստացուածքներ ունիք, որոնք մնայուն են։

ԱՌԱՋԻՆ ՊԵՏՐՈՍԻ 1:6

Ուրախացէ՛ք այդ փրկութեամբ, նոյնիսկ եթէ հարկադրաբար քիչ մը տրտմած էք հիմա, ձեր կրածպէս–պէս փորձութիւններուն համար։

ԱՌԱՋԻՆ ՊԵՏՐՈՍԻ 1:8

Որովհետեւ զինք չտեսաք՝ բայց սիրեցիք, եւ առանց զինք տեսնելու կը հաւատաք, ուրախանալով այն անպատմելի եւ փառաւոր խնդութեամբ՝ որ ձերը պիտի ըլլայ,

ԱՌԱՋԻՆ ՊԵՏՐՈՍԻ 3:13

Ո՞վ ձեզի չարիք կը հասցնէ, եթէ դուք բարին գործելու նախանձախնդիր ըլլաք։

ԵՐՐՈՐԴ ՅՈՎՀԱՆՆՈՒ 1:11

Սիրելի՛ս, չարը թող օրինակ չըլլա՛յ քեզի, այլ՝ բարիէն օրինակ առ. որովհետեւ բարին գործողը Աստուծմէ ծնած է, մինչդեռ չար գործողը երբեք զԱստուած տեսած չէ։