ԱՌԱՋԻՆ ԹԵՍԱՂՈՆԻԿԵՑԻՍ 1:10 - Western Armenian New Translation - Armenian Catholicosate of Cilicia - New Testament

¹⁰ եւ թէ ի՛նչպէս կը սպասէք որ երկինքէն վերստին գայ Աստուծոյ Որդին, Յիսուսը, որ Աստուած մեռելներէն յարուցանեց, եւ որ մեզ պիտի փրկէ գալիք բարկութենէն։

Արեւմտահայերէն Նոր Կտակարան հարմարցուած․ 2017

¹⁰ եւ սպասելու անոր Որդիին՝ երկնքէն գալուն, որ ինք մեռելներէն յարուցանեց, այսինքն Յիսուսը, որ կ’ազատէ մեզ գալու բարկութենէն։

Western Armenian Bible 1853

¹⁰ Եւ սպասելու անոր Որդիին՝ երկնքէն գալուն, որ ինք մեռելներէն յարուցանեց, այսինքն Յիսուսը, որ կ’ազատէ մեզ գալու բարկութենէն։

ԱՌԱՋԻՆ ԹԵՍԱՂՈՆԻԿԵՑԻՍ 1:10 Iomraidhean Croise

ՄԱՏԹԷՈՍ 1:21

Որդի մը պիտի ծնի եւ զայն պիտի կոչես Յիսուս, որովհետեւ անիկա իր ժողովուրդը իրենց մեղքերէն պիտի փրկէ։

ՄԱՏԹԷՈՍ 16:27

Արդարեւ, Մարդու Որդին պիտի գայ իր Հօր փառքով՝ իր հրեշտակներուն հետ, եւ այն ատեն իւրաքանչիւրին իր գործերուն համաձայն հատուցում պիտի կատարէ։

ՄԱՏԹԷՈՍ 16:28

Վստահ եղէք, որ հոս գտնուողներէն ոմանք պիտի չմեռնին՝ մինչեւ տեսնեն Մարդու Որդին որ կու գայ իր թագաւորութեամբ։

ՄԱՏԹԷՈՍ 3:7

Երբ Յովհաննէս տեսաւ շատ մը Սադուկեցիներ եւ Փարիսեցիներ, որոնք իրմէ մկրտուելու եկած էին, ըսաւ անոնց. – Իժերո՛ւ ծնունդներ, ո՞վ ըսաւ ձեզի թէ կրնաք Աստուծոյ տալիք պատիժէն փախչիլ։

ՂՈԻԿԱՍ 2:25

Այդ ժամանակ Երուսաղէմի մէջ Սիմոն անունով մարդ մը կ՚ապրէր։ Սիմոն արդար եւ աստուածավախ էր եւ Իսրայէլի փրկութեան կը սպասէր։ Սուրբ Հոգին իրեն հետ էր

ՂՈԻԿԱՍ 3:7

Բազմաթիւ մարդիկ Յովհաննէսի կ՚երթային անկէ մկրտուելու համար։ Յովհաննէս անոնց կ՚ըսէր. – Իժերո՛ւ ծնունդներ, ո՞վ ըսաւ ձեզի թէ կրնաք Աստուծոյ տալիք պատիժէն փախչիլ։

ԳՈՐԾՔ ԱՌԱՔԵԼՈՑ 1:11

եւ ըսին. –Ո՛վ Գալիլեացիներ, ինչո՞ւ կեցեր երկինքը կը դիտէք։ Այս Յիսուսը որ երկինք համբարձաւ, օր մը դարձեալ պիտի գայ այնպէս՝ ինչպէս անոր երկինք երթալը տեսաք։

ԳՈՐԾՔ ԱՌԱՔԵԼՈՑ 17:31

Որովհետեւ օր մը սահմանեց, երբ արդարութեամբ պիտի դատէ ամբողջ աշխարհը մարդու մը ձեռքով, որուն միջոցաւ ուզեց հաւատք ներշնչել բոլորին՝ զայն մեռելներէն յարուցանելով։

ԳՈՐԾՔ ԱՌԱՔԵԼՈՑ 2:24

Սակայն Աստուած զայն յարուցանեց, մահուան կապանքները փշրելով, որով ցոյց տուաւ՝ թէ մահը չէր կրնար իշխել անոր վրայ։

ԳՈՐԾՔ ԱՌԱՔԵԼՈՑ 2:32

Նոյն այս Յիսուսն էր որ Աստուած յարուցանեց, եւ մենք բոլորս ատոր վկայ ենք։

ԳՈՐԾՔ ԱՌԱՔԵԼՈՑ 3:15

Սպաննեցիք ձեզ դէպի կեանք առաջնորդողը։ Բայց Աստուած զայն մեռելներէն յարուցանեց, եւ մենք ատոր վկայ ենք։

ԳՈՐԾՔ ԱՌԱՔԵԼՈՑ 3:21

որ երկինքի մէջ պիտի մնայ, մինչեւ գայ ժամանակը՝ երբ ամէն ինչ պիտի վերանորոգուի, այնպէս՝ ինչպէս Աստուած սկիզբէն ի վեր յայտնեց իր սուրբ մարգարէներուն բերնով։

ԳՈՐԾՔ ԱՌԱՔԵԼՈՑ 4:10

Ահա կը յայտարարենք ձեր բոլորին եւ Իսրայէլի ամբողջ ժողովուրդին, թէ այս մարդը, որ ահաւասիկ ձեր բոլորին դիմաց կանգնած է, առողջացաւ Նազովրեցի Յիսուս Քրիստոսի անունով, որ դուք խաչեցիք. բայց Աստուած զայն մեռելներէն յարուցանեց։

ՀՌՈՎՄԱՅԵՑԻՍ 1:4

բայց որ իբրեւ Աստուծոյ Որդի յայտնուեցաւ, երբ իր Սուրբ Հոգիին զօրութեամբ մեռելներէն յարութիւն առաւ։

ՀՌՈՎՄԱՅԵՑԻՍ 2:7

Յաւիտենական կեանք պիտի տայ անոնց՝ որոնք բարի գործերու մէջ յարատեւելով փառք ու պատիւ եւ անմահութիւն կը փնտռեն.

ՀՌՈՎՄԱՅԵՑԻՍ 4:25

որ իր կեանքը տուաւ մեր յանցանքները ջնջելու համար, եւ յարութիւն առաւ՝ մեզ արդարացնելու համար։

ՀՌՈՎՄԱՅԵՑԻՍ 8:34

Կամ ո՞վ պիտի դատապարտէ։ Յիսուս Քրիստո՞սը, որ մեզի համար մեռաւ՝ բայց մանաւանդ յարութիւն առաւ, եւ հիմա Աստուծոյ աջ կողմն է ու կը բարեխօսէ մեզի համար։ Անշուշտ ո՛չ։

ԱՌԱՋԻՆ ԿՈՐՆԹԱՑԻՍ 1:7

եւ ոեւէ շնորհք չի պակսիր ձեզի, մինչ կը սպասէք մեր Տիրոջ Յիսուս Քրիստոսի յայտնուելուն։

ԳԱՂԱՏԱՑԻՍ 3:13

Քրիստոս Օրէնքի այդ անէծքէն մեզ ազատեց, ինք մեր տեղը անէծքի առարկայ դառնալով. որովհետեւ Օրէնքի գիրքին մէջ գրուած է. «Անիծեալ է ան՝ որ փայտէ կը կախուի»։

ՓԻԼԻՊՊԵՑԻՍ 3:20

Մենք, սակայն, երկինքի քաղաքացիներ ենք եւ հոնկէ՛ կը սպասենք որ գայ մեր Փրկիչը՝ Տէր Յիսուս Քրիստոս,

ԿՈՂՈՍԱՑԻՍ 1:18

Ան է Գլուխը մարմնին, այսինքն՝ եկեղեցիին։ Ան է սկիզբը, որ անդրանիկ ծնունդն եղաւ՝ մեռելներէն, որպէսզի ինք առաջնութիւնն ունենայ ամէն, ամէ՛ն բանի մէջ։

ԱՌԱՋԻՆ ԹԵՍԱՂՈՆԻԿԵՑԻՍ 1:7

եւ ձեր այս ընթացքով օրինակ եղաք Մակեդոնիայի եւ Աքայիայի բոլոր հաւատացեալներուն։

ԱՌԱՋԻՆ ԹԵՍԱՂՈՆԻԿԵՑԻՍ 2:16

Եւ ամբողջացնելու համար այն մեղքերը, որ միշտ ալ գործած են, ուզեցին արգիլել՝ որ մենք հեթանոսներուն չխօսինք փրկութեան մասին։ Բայց Աստուծոյ ամբողջական բարկութիւնը հասած է արդէն իրենց վրայ։

ԱՌԱՋԻՆ ԹԵՍԱՂՈՆԻԿԵՑԻՍ 2:7

Իբրեւ Քրիստոսի առաքեալներ՝ կրնայինք ծանրանալ ձեր վրայ, բայց հեզութեամբ վարուեցանք։ Ճիշդ ինչպէս մայր մը իր զաւակները կը սնուցանէ,

ԱՌԱՋԻՆ ԹԵՍԱՂՈՆԻԿԵՑԻՍ 5:9

Որովհետեւ Աստուած մեզ չէ՛ ընտրած որպէսզի իր բարկութեան առարկան դառնանք, այլ՝ որպէսզի իր փրկութիւնը ժառանգենք մեր Տիրոջ Յիսուս Քրիստոսի ձեռքով։

ԵՐԿՐՈՐԴ ՏԻՄՈԹԷՈՍ 4:1

Ուստի, հետեւեալ պատուէրըկու տամ քեզի՝Աստուծոյ եւ Յիսուս Քրիստոսի ներկայութեան, որ ողջերն ու մեռածները պիտի դատէ իր յայտնութեան օրը, երբ իր թագաւորութեամբը գայ.–

ՏԻՏՈՍԻՆ 2:13

եւ յոյսով սպասենք այն երջանիկ օրուան, երբ մեր մեծ Աստուածն ու փրկիչը՝ Յիսուս Քրիստոս իր փառքով պիտի յայտնուի։

ԵԲՐԱՅԵՑԻՍ 10:27

այլ՝ մեզի կը մնայ միայն ահարկու սպասում մը՝ Աստուծոյ դատաստանին եւ այն բոցավառ կրակին, որ պիտի լափէ Աստուծոյ հակառակորդները։

ԵԲՐԱՅԵՑԻՍ 9:28

այնպէս ալ Քրիստոս միայն մէկ անգամ զոհ մատուցուեցաւ՝ մարդոց մեղքերը վերցնելու համար։ Իսկ երկրորդ անգամ պիտի յայտնուի՝ ո՛չ թէ մեղքերը վերցնելու, այլ փրկելու համար անոնք՝ որոնք հաւատքով կը սպասեն իրեն։

ԱՌԱՋԻՆ ՊԵՏՐՈՍԻ 1:21

Իրմով է որ դուք կը հաւատաք Աստուծոյ. անոր՝ որ մեռելներէն յարուցանեց եւ փառաւորեց զայն, որպէսզի դուք ձեր հաւատքն ու յոյսը Աստուծոյ կապէք։

ԱՌԱՋԻՆ ՊԵՏՐՈՍԻ 1:3

Օրհնեալ է Աստուած, մեր Տիրոջ Յիսուս Քրիստոսի Հայրը, որ իր առատ ողորմութեամբ մեզ վերստին ծնաւ, որպէսզի Յիսուս Քրիստոսի մեռելներէն յարութիւն առնելովը ունենանք այն կենդանի յոյսը՝

ԱՌԱՋԻՆ ՊԵՏՐՈՍԻ 2:21

Այդ համբերութիւնը ցուցաբերելու կոչուած էք դուք, որովհետեւ Քրիստոս ալ ձեզի համար չարչարուեցաւ՝ օրինակ տալով ձեզի, որպէսզի իր հետքերով քալէք։

ԱՌԱՋԻՆ ՊԵՏՐՈՍԻ 3:18

Քրիստոս ալ, մէկանգամուանհամարչարչարուեցաւ մեր մեղքերուն համար, արդարը՝ մեղաւորներուս համար, որպէսզի մեզ Աստուծոյ մօտեցնէ։ Եւ թէպէտ մեռաւ մարմինով, բայց կենդանի մնաց հոգիով։

ԵՐԿՐՈՐԴ ՊԵՏՐՈՍԻ 3:12

սպասելով եւ ջանալով փութացնել Տիրոջ օրուան գալուստը, երբ երկինք կրակով պիտի այրի ու չքանայ, եւ երկնային մարմինները պիտի վառին ու հալին։

ԵՐԿՐՈՐԴ ՊԵՏՐՈՍԻ 3:14

Հետեւաբար, սիրելիներ, դուք՝ որ այս բաներուն կը սպասէք, ջանացէք անբիծ եւ անարատ ըլլալ Աստուծոյ աչքին, եւ խաղաղութեամբ ապրիլ։

ՅԱՅՏՆՈՒԹԻՒՆ 1:18

Ես եմ կենդանի եղողը եւ ես եմ որ մեռայ եւ ահաւասիկ կենդանի եմ յաւիտեանս յաւիտենից։ Մահուան ու դժոխքի բանալիները իմ ձեռքս են։

ՅԱՅՏՆՈՒԹԻՒՆ 1:7

Ահա անիկա կու գայ ամպերու վրայ։ Ամէն մարդ պիտի տեսնէ զայն, նաեւ անոնք՝ որոնք խոցեցին զինք։ Երկրի բոլոր ժողովուրդները պիտի ողբան անոր վրայ։ Այո՛, թող այդպէս ըլլայ.