ԱՌԱՋԻՆ ՊԵՏՐՈՍԻ 5:3 - Western Armenian New Translation - Armenian Catholicosate of Cilicia - New Testament

³ Ո՛չ թէ ձեզի վստահուած մարդոց պարտադրելով ձեր անձերը, այլ՝ օրինակ ըլլալով ձեր հօտին,

Արեւմտահայերէն Նոր Կտակարան հարմարցուած․ 2017

³ ո՛չ թէ վիճակներուն վրայ տիրելով՝ հապա հօտին օրինակ ըլլալով.

Western Armenian Bible 1853

³ Ո՛չ թէ վիճակներուն վրայ տիրելով՝ հապա հօտին օրինակ ըլլալով.

ԱՌԱՋԻՆ ՊԵՏՐՈՍԻ 5:3 Iomraidhean Croise

ՅՈՎՀԱՆՆՈԻ 13:15

Ես ձեզի օրինակ մը տուի, որպէսզի դուք ալ իրարու ընէք այն՝ ինչ որ ես ձեզի ըրի։

ԳՈՐԾՔ ԱՌԱՔԵԼՈՑ 20:28

Հսկեցէ՛ք ձեր անձերուն եւ ձեր ամբողջ հօտին, որուն տեսուչ կարգեց ձեզ Սուրբ Հոգին։ Հովուեցէ՛ք Տիրոջ եկեղեցին, որ ան իր արիւնով գնեց։

ԱՌԱՋԻՆ ԿՈՐՆԹԱՑԻՍ 11:11

Բայց եւ այնպէս, քրիստոնէական հասկացողութեամբ՝ չկայ կին առանց մարդու, ոչ ալ մարդ՝ առանց կնոջ։

ԱՌԱՋԻՆ ԿՈՐՆԹԱՑԻՍ 3:5

Վերջին հաշուով՝ Պօղո՛սը ով է, Ապողոսը ով է. պաշտօնեաներ են՝ որոնց միջոցաւ հաւատացիք, եւ որոնցմէ իւրաքանչիւրը պարզապէս կատարեց այն պաշտօնը որ Տէրը տուաւ։

ԱՌԱՋԻՆ ԿՈՐՆԹԱՑԻՍ 3:9

Որովհետեւ մենք պարզապէս Աստուծոյ գործակիցներ ենք. դուք Աստուծո՛յ անդաստանն էք եւ Աստուծո՛յ շինութիւնը, եւ ո՛չ թէ մերը։

ԵՐԿՐՈՐԴ ԿՈՐՆԹԱՑԻՍ 1:24

Եւ ձեր համոզումները փոխելու համար չէ՛ որ ասիկա կ՚ըսեմ, որովհետեւ գիտեմ թէ ձեր համոզումներուն մէջ հաստատ կը մնաք. այլ կ՚ուզեմ օգնել, որ ձեր ուրախութիւնը գտնէք։

ԵՐԿՐՈՐԴ ԿՈՐՆԹԱՑԻՍ 4:5

Սակայն մենք մեր անձերը չէ որ կը քարոզենք, այլ Տէրը՝ Յիսուս Քրիստոսը կը քարոզենք եւ Յիսուսի սիրոյն մենք մեզ ձեր ծառաները դարձուցած ենք։

ՓԻԼԻՊՊԵՑԻՍ 3:17

Եղբայրներ, ինծի՛ նմանեցէք, եւ հետեւեցէք անոնց՝ որոնք ձեզի տուած մեր օրինակով կ՚ընթանան։

ՓԻԼԻՊՊԵՑԻՍ 4:9

Եւ գործքո՛վ կատարեցէք այն՝ ինչ որ ինձմէ սորվեցաք եւ ընդունեցիք, ինձմէ լսեցիք եւ իմ վրաս տեսաք. եւ Աստուած, որ խաղաղութիւն կու տայ, ձեզի հետ պիտի ըլլայ։

ԱՌԱՋԻՆ ԹԵՍԱՂՈՆԻԿԵՑԻՍ 1:7

եւ ձեր այս ընթացքով օրինակ եղաք Մակեդոնիայի եւ Աքայիայի բոլոր հաւատացեալներուն։

ԵՐԿՐՈՐԴ ԹԵՍԱՂՈՆԻԿԵՑԻՍ 3:9

Ո՛չ թէ որովհետեւ իրաւունք չունէինք մեր սնունդն ու բնակարանը ձեզմէ ստանալու, այլ՝ կ՚ուզէինք որ մեր անձերը ձեզի օրինակ դառնան եւ մեր օրինակին հետեւիք։

ԱՌԱՋԻՆ ՏԻՄՈԹԷՈՍ 4:12

Եւ որպէսզի ոեւէ մէկը քեզ չարհամարհէ՝ երիտասարդ ըլլալուդ համար, հաւատացեալներուդ օրինակ եղիր՝ խօսքովդ, վարմունքովդ, սիրովդ, հաւատքովդ եւ մաքուր կենցաղովդ։

ՏԻՏՈՍԻՆ 2:7

Քու անձովդ բարի գործերու օրինակ եղիր բոլորին, իսկ ուսուցումներովդ օրինակը տուր անկեղծութեան, մաքրութեան եւ պարկեշտութեան։

ԱՌԱՋԻՆ ՊԵՏՐՈՍԻ 2:9

Գալով ձեզի, դուք ընտրուած ցեղ մըն էք, թագաւորելու կոչուած քահանաներ, սուրբ ազգ մը, Աստուծոյ սեփական ժողովուրդը. եւ ձեր պարտականութիւնն է քարոզել զօրութիւնը անոր՝ որ ձեզ խաւարէն իր սքանչելի լոյսին կանչեց։