ԱՌԱՋԻՆ ՊԵՏՐՈՍԻ 4:7 - Western Armenian New Translation - Armenian Catholicosate of Cilicia - New Testament

⁷ Ամէն բանի վախճանը մօտեցեր է. հետեւաբար զգաստ եւ արթուն եղէք, աղօթքի նուիրուելու համար։

Արեւմտահայերէն Նոր Կտակարան հարմարցուած․ 2017

⁷ Սակայն ամէն բանի վախճանը մօտեցեր է. ուստի զգաստ եղէ՛ք ու աղօթքի մէջ արթուն կեցէ՛ք։

Western Armenian Bible 1853

⁷ Սակայն ամէն բանի վախճանը մօտեցեր է. ուստի զգաստ եղէ՛ք ու աղօթքի մէջ արթուն կեցէ՛ք։

ԱՌԱՋԻՆ ՊԵՏՐՈՍԻ 4:7 Iomraidhean Croise

ՄԱՏԹԷՈՍ 24:42

Արթո՛ւն մնացէք, որովհետեւ չէք գիտեր թէ ձեր Տէրը ե՛րբ կու գայ։

ՄԱՏԹԷՈՍ 25:13

Ապա Յիսուս եզրակացուց. – Ուրեմն՝ արթո՛ւն մնացէք, որովհետեւ չէք գիտեր Մարդու Որդիին գալուն ո՛չ օրը եւ ո՛չ ալ ժամը։ –

ՂՈԻԿԱՍ 21:34

Գալով ձեզի, ուշադի՛ր եղէք ձեր անձերուն։ Չըլլայ որ ձեր սիրտերը գրաւուին կերուխումով, արբեցութեամբ եւ աշխարհիկ հոգերով, եւ յանկարծ այդ օրը ձեր վրայ գայ։

ՂՈԻԿԱՍ 21:36

Ուստի արթուն եղէք եւ միշտ աղօթեցէք, որ արժանի ըլլաք այս պատահելիքներէնազատելու եւ Մարդու Որդիին ներկայութեան կանգնելու։

ՂՈԻԿԱՍ 22:46

եւ ըսաւ. – Ինչո՞ւ կը քնանաք. ելէք եւ աղօթեցէ՛ք, որ փորձութեան մէջ չիյնաք։

ՀՌՈՎՄԱՅԵՑԻՍ 12:12

Յոյսով ուրախացէք, նեղութեանց մէջ համբերող եղէք, յարատեւ աղօթեցէ՛ք։

ԱՌԱՋԻՆ ԿՈՐՆԹԱՑԻՍ 15:24

որմէ ետք պիտի գայ վախճանը, երբ Քրիստոս թագաւորութիւնը պիտի յանձնէ Հօր Աստուծոյ, ոչնչացնելէ ետք ոգեղէն աշխարհի չար իշխանութիւնները, պետութիւնները եւ զօրութիւնները։

ԱՌԱՋԻՆ ԿՈՐՆԹԱՑԻՍ 7:29

Բայց հետեւեալը կ՚ըսեմ, եղբայրնե՛ր, թէ՝ ա՛լ ժամանակը կարճցած է. հետեւաբար՝ կին ունեցողներն ալ չամուսնացածներու պէս թող ապրին.

ԵՓԵՍԱՑԻՍ 6:18

Այս բոլորին հետ՝ աղօթեցէ՛ք, աղօթեցէ՛ք եւ խնդրեցէ՛ք տեւաբար, Սուրբ Հոգիին օգնութեամբ։ Ատոր համար ալ՝ արթուն հսկեցէք, կատարեալ յարատեւութեամբ աղօթելով բոլոր հաւատացեալ եղբայրներուն համար։

ՓԻԼԻՊՊԵՑԻՍ 4:5

Բոլորին հանդէպ ազնիւ եղէք։ Շուտով Տէրը կու գայ։

ԿՈՂՈՍԱՑԻՍ 4:2

Շարունակ աղօթեցէք՝ արթուն հսկելով, միշտ գոհութիւն յայտնելով Աստուծոյ։

ԵՐԿՐՈՐԴ ՏԻՄՈԹԷՈՍ 4:5

Բայց դուն միշտ արթուն եղիր, նեղութիւններու համբերէ, աւետարանիչի քու գործդ ըրէ եւ ծառայութիւնդ իր աւարտին հասցուր։

ՏԻՏՈՍԻՆ 2:12

Այդ շնորհքը մեզ կը մղէ որ անհաւատ կենցաղէ եւ աշխարհիկ ցանկութիւններէ հեռանանք, զգաստութեամբ, արդարութեամբ ու բարեպաշտութեամբ ապրինք այս աշխարհի մէջ,

ԵԲՐԱՅԵՑԻՍ 10:25

Բնաւ չդադրինք պաշտամունքի հաւաքոյթներուն մասնակցելէ, ինչպէս ոմանք սովորութիւն ըրեր են. ընդհակառակը, այդ ուղղութեամբ աւելի եւս յորդորենք իրար, քանի կը տեսնենք թէ Տիրոջ Օրը կը մօտենայ։

ԵԲՐԱՅԵՑԻՍ 9:26

այլապէս՝ պէտք էր աշխարհին սկիզբէն ի վեր բազմաթիւ անգամներ չարչարուէր։ Մինչդեռ այժմ, ահաւասիկ, երբ ժամանակները իրենց կատարումին կը մօտենան, Քրիստոս յայտնուեցաւ՝ միանգամընդմիշտ ինքզինքը իբրեւ զոհ ընծայելով, մեղքը բնաջինջ ընելու համար։

ԱՌԱՋԻՆ ՊԵՏՐՈՍԻ 1:13

Հետեւաբար միտքով պատրաստ եւ արթուն եղէք, ձեր ամբողջ յոյսը կապած փրկութեան պարգեւին, որ ձեզի պիտի տրուի՝ երբ Յիսուս Քրիստոս յայտնուի։

ԱՌԱՋԻՆ ՊԵՏՐՈՍԻ 3:7

Իսկ դուք, այրե՛ր, իմաստութեամբ ապրեցէք ձեր կիներուն հետ, պատուելով զանոնք՝ իրենց տկար բնութեան համար, քանի անոնք եւս մեզի հետ պիտի ժառանգեն կեանքիպարգեւը, որ Աստուած պիտի տայ։ Այդպիսով ոեւէ բան պիտի չխանգարէ ձեր աղօթքները։

ԱՌԱՋԻՆ ՊԵՏՐՈՍԻ 5:8

Արթուն եւ պատրաստ եղէք, որովհետեւ ձեր թշնամին՝ Սատանան առիւծի պէս մռնչելով կը շրջի եւ կլլելու համար մէկը կը փնտռէ։

ՅԱՅՏՆՈՒԹԻՒՆ 16:15

«Ահա ես գողի պէս կու գամ։ Երանի՜ անոնց՝ որոնք արթուն կը մնան եւ իրենց հագուստները կը պահեն, որպէսզի մերկ չշրջին եւ իրենց ամօթոյքը չերեւի»։