ԱՌԱՋԻՆ ՊԵՏՐՈՍԻ 4:4 - Western Armenian New Translation - Armenian Catholicosate of Cilicia - New Testament

⁴ Հեթանոսներ տարօրինակ կը գտնեն, որ դուք իրենց պէս նոյն սանձարձակ զեղխութիւններուն չէք հետեւիր, եւ կը հայհոյեն ձեզի։

Արեւմտահայերէն Նոր Կտակարան հարմարցուած․ 2017

⁴ Ու կը զարմանան՝ որ դուք նոյն անառակութեան մէջ անոնց հետ չէք վազեր ու հայհոյութիւն կ’ընեն,

Western Armenian Bible 1853

⁴ Ու կը զարմանան՝ որ դուք նոյն անառակութեան մէջ անոնց հետ չէք վազեր ու հայհոյութիւն կ’ընեն,

ԱՌԱՋԻՆ ՊԵՏՐՈՍԻ 4:4 Iomraidhean Croise

ՄԱՏԹԷՈՍ 23:25

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ պնակին եւ գաւաթին արտաքինը կը մաքրէք, մինչ գիտէք թէ ներսիդին եղող ուտելիքն ու խմելիքը ի՜նչ յափշտակութեամբ եւ աղտեղութեամբ ձեռք բերած էք։

ՂՈԻԿԱՍ 15:13

Քանի մը օր ետք, կրտսեր զաւակը առաւ իր ամբողջ հարստութիւնը եւ հեռու երկիր մը գնաց։ Հոն անառակ կեանք մը ապրելով՝ մսխեց հարստութիւնը

ԳՈՐԾՔ ԱՌԱՔԵԼՈՑ 13:45

Երբ Հրեաներ ամբոխը տեսան՝ նախանձով լեցուեցան, եւ հայհոյալից արտայայտութիւններով կ՚ընդդիմախօսէին Պօղոսի խօսքերուն։

ԳՈՐԾՔ ԱՌԱՔԵԼՈՑ 18:6

Եւ երբ անոնք հակառակեցան եւ հայհոյեցին իրեն, Պօղոս իր հագուստները թօթուելով ըսաւ. –Ձեր արիւնը՝ ձեր գլուխը, ա՛լ ես յանցաւոր չեմ։ Ասկէ ետք հեթանոսներուն պիտի երթամ։

ՀՌՈՎՄԱՅԵՑԻՍ 13:13

ապրելու համար այնպէս՝ ինչպէս վայել է լոյսի մէջ քալողներուն, փոխանակ անառակութեամբ, արբեցութեամբ, խառնակեցութեամբ ու պղծութեամբ, կամնախանձով ու հակառակութեամբ ապրելու։

ԵՓԵՍԱՑԻՍ 5:18

Գերին մի՛ դառնաք գինիին, որ անառակութեան կը տանի. այլ մասնաւորաբար Սուրբ Հոգիով լեցուեցէք,

ԱՌԱՋԻՆ ՊԵՏՐՈՍԻ 2:12

Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

ԱՌԱՋԻՆ ՊԵՏՐՈՍԻ 3:16

Թող ձեր խղճմտանքը մաքուր ըլլայ, որպէսզի ամօթով մնան անոնք՝ որ ձեր մասին կը չարախօսեն, ձեր քրիստոնէական բարի կենցաղը բամբասելով։

ԵՐԿՐՈՐԴ ՊԵՏՐՈՍԻ 2:12

Բայց ասոնք իրենց չհասկցած բաները կ՚անարգեն. եւ ինչպէս իրենց բնազդներուն հետեւող անբան անասունները որսացուելով սպաննուելու սահմանուած են, այդպէս պիտի կորսուին իրենք ալ, անասուններու պէս.

ԵՐԿՐՈՐԴ ՊԵՏՐՈՍԻ 2:22

Ինչքան անոնց կը պատշաճին Առակաց գիրքին սա ճշմարիտ առածները. «Շունը իր փսխածին կը դառնայ». իսկ միւսը՝ «Խոզը որքան ալ լուաս՝ տիղմին մէջ կը թաւալի»։

ՅՈՒԴԱՅԻ 1:10

Մինչդեռ այս մարդիկը իրենց չգիտցած բաները կ՚անարգեն։ Իրենց ամբողջ գիտցածը՝ իրենց բնազդական ցանկութիւններն են, որոնց կը հետեւին անբան անասուններու պէս, եւ որոնք իրենց կործանումին պատճառ պիտի ըլլան։