ԱՌԱՋԻՆ ՊԵՏՐՈՍԻ 4:3 - Western Armenian New Translation - Armenian Catholicosate of Cilicia - New Testament

³ Կը բաւէ՛ որքան անցեալին հեթանոսներուն կամեցած ձեւով ապրեցաք՝ անբարոյութեամբ, հեշտասիրութեամբ, գինեմոլութեամբ, անառակութեամբ, արբեցութեամբ եւ կռապաշտական անօրէն սովորութիւններով։

Արեւմտահայերէն Նոր Կտակարան հարմարցուած․ 2017

³ Վասն զի հերի՛ք է մեզի կեանքի անցեալ ժամանակը, որուն մէջ հեթանոսներուն կամքը կատարեցինք ու գիջութիւններով, ցանկութիւններով, գինեմոլութիւններով, անառակութիւններով եւ արբեցութիւններով ու անօրէն կռապաշտութիւններով վարուեցանք։

Western Armenian Bible 1853

³ Վասն զի հերի՛ք է մեզի կեանքի անցեալ ժամանակը, որուն մէջ հեթանոսներուն կամքը կատարեցինք ու գիջութիւններով, ցանկութիւններով, գինեմոլութիւններով, անառակութիւններով եւ արբեցութիւններով ու անօրէն կռապաշտութիւններով վարուեցանք։

ԱՌԱՋԻՆ ՊԵՏՐՈՍԻ 4:3 Iomraidhean Croise

ՄԱՐԿՈՍ 7:22

գողութիւն, սպանութիւն, ագահութիւն, չարութիւն, նենգութիւն, գիջութիւն, չար նախանձ, հայհոյութիւն, ամբարտաւանութիւն, անզգամութիւն։

ԳՈՐԾՔ ԱՌԱՔԵԼՈՑ 17:30

Բայց արդ, Աստուած կամաւորաբար մոռնալով այդ ժամանակները, երբ մարդիկ չէին ճանչնար զինք, հիմա ամենուրեք բոլոր մարդոց կը պատուիրէ՝ ապաշխարել։

ՀՌՈՎՄԱՅԵՑԻՍ 13:13

ապրելու համար այնպէս՝ ինչպէս վայել է լոյսի մէջ քալողներուն, փոխանակ անառակութեամբ, արբեցութեամբ, խառնակեցութեամբ ու պղծութեամբ, կամնախանձով ու հակառակութեամբ ապրելու։

ԱՌԱՋԻՆ ԿՈՐՆԹԱՑԻՍ 12:2

Գիտէք հարկաւ, թէ մինչ հեթանոս էիք՝ ի՛նչպէս անշունչ կուռքերէն մէկէն միւսը կը քաշկռտուէիք։

ԱՌԱՋԻՆ ԿՈՐՆԹԱՑԻՍ 6:11

Եւ ձեզմէ ոմանք այդպիսին չէի՞ն։ Բայց ձեր մեղքերէն լուացուեցաք, սրբուեցաք, արդարացաք մեր Տիրոջ Յիսուս Քրիստոսի անունով եւ մեր Աստուծոյ Հոգիին միջոցաւ։

ԵՐԿՐՈՐԴ ԿՈՐՆԹԱՑԻՍ 12:21

Այո՛, կը վախնամ որ երբ վերստին ձեզի գամ՝ իմ Աստուածս զիս նուաստացնէ ձեր առջեւ եւ ես սուգ ընեմ այն բոլորին վրայ՝ որոնք մեղքի մէջ ինկած են եւ կը մերժեն հրաժարիլ իրենց գործած պղծութիւններէն՝ պոռնկութիւններէն եւ անբարոյութիւններէն։

ԳԱՂԱՏԱՑԻՍ 5:19

Մարդկային գործերը յայտնի են, ինչպէս՝ շնութիւն, պոռնկութիւն, անբարոյութիւն,

ԳԱՂԱՏԱՑԻՍ 5:21

չար կամեցողութիւն, սպանութիւն, արբեցութիւն, անառակութիւն, եւ ասոնց նման բաներ։ Եւ կը նախազգուշացնեմ ձեզ, ինչպէս նախապէս ալ ըրած եմ, թէ այսպիսի բաներ ընողները Աստուծոյ արքայութիւնը պիտի չժառանգեն։

ԵՓԵՍԱՑԻՍ 5:18

Գերին մի՛ դառնաք գինիին, որ անառակութեան կը տանի. այլ մասնաւորաբար Սուրբ Հոգիով լեցուեցէք,

ԱՌԱՋԻՆ ԹԵՍԱՂՈՆԻԿԵՑԻՍ 4:5

Կրքոտ ցանկութիւններու անձնատուր մի՛ ըլլաք հեթանոսներուն պէս, որոնք զԱստուած չեն ճանչնար.

ՏԻՏՈՍԻՆ 3:3

Որովհետեւ ժամանակին մենք ալ անմիտ էինք, Աստուծոյ անհնազանդ, եւ մոլորած։ Պէս–պէս ցանկութեանց եւ անառակ հաճոյքներու գերին դարձած՝ կ՚ապրէինք չարութեամբ ու նախանձով, ատելի էինք ուրիշներուն եւ կ՚ատէինք իրար։

ԱՌԱՋԻՆ ՊԵՏՐՈՍԻ 1:14

Աստուծոյ հնազանդ զաւակներ եղէք, եւ մի՛ առաջնորդուիք անցեալի ցանկութիւններով, որոնցմով կ՚ապրէիք՝ երբ տակաւին Քրիստոսը չէիք ճանչնար։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։