ԱՌԱՋԻՆ ՊԵՏՐՈՍԻ 4:13 - Western Armenian New Translation - Armenian Catholicosate of Cilicia - New Testament

¹³ այլ՝ Քրիստոսի չարչարանքներուն մասնակցութիւն նկատեցէք եւ ուրախացէ՛ք, որպէսզի երբ Քրիստոս իր փառքով յայտնուի՝ նոյնպէս ցնծութեամբ ուրախանաք։

Արեւմտահայերէն Նոր Կտակարան հարմարցուած․ 2017

¹³ հապա ուրախ եղէ՛ք՝ քանի որ Քրիստոսին չարչարանքներուն հաղորդակից եղած էք, որպէս զի անոր փառքին յայտնուելու ատենն ալ ցնծութեամբ ուրախանաք։

Western Armenian Bible 1853

¹³ Հապա ուրախ եղէ՛ք՝ քանի որ Քրիստոսին չարչարանքներուն հաղորդակից եղած էք, որպէս զի անոր փառքին յայտնուելու ատենն ալ ցնծութեամբ ուրախանաք։

ԱՌԱՋԻՆ ՊԵՏՐՈՍԻ 4:13 Iomraidhean Croise

ՄԱՏԹԷՈՍ 16:27

Արդարեւ, Մարդու Որդին պիտի գայ իր Հօր փառքով՝ իր հրեշտակներուն հետ, եւ այն ատեն իւրաքանչիւրին իր գործերուն համաձայն հատուցում պիտի կատարէ։

ՄԱՏԹԷՈՍ 25:21

Տէրը ըսաւ. «Ապրի՛ս, բարի եւ հաւատարի՛մ ծառայ, քանի այդ փոքրիկ գումարը շահարկելու մէջ հաւատարիմ գտնուեցար, քեզ աւելի մեծ գործերու պատասխանատու պիտի կարգեմ, եկուր եւ մասնակից եղիր տիրոջդ ուրախութեան»։

ՄԱՏԹԷՈՍ 25:23

Տէրը ըսաւ. «Ապրի՛ս, բարի եւ հաւատարի՛մ ծառայ, քանի այդ փոքրիկ գումարը շահարկելու մէջ հաւատարիմ գտնուեցար, քեզ աւելի մեծ գործերու պատասխանատու պիտի կարգեմ։ Դո՛ւն ալ եկուր եւ մասնակից եղիր տիրոջդ ուրախութեան»։

ՄԱՏԹԷՈՍ 25:31

Եւ երբ Մարդու Որդին իր փառքով գայ՝ բոլոր հրեշտակներուն հետ, պիտի նստի իր թագաւորական գահին վրայ։

ՄԱՏԹԷՈՍ 25:34

Յետոյ թագաւորը իր աջ կողմը կեցողներուն պիտի ըսէ. «Եկէ՛ք, Հօրս կողմէ օրհնեալներ, եւ ժառանգեցէք այն արքայութիւնը, որ ձեզի համար աշխարհի սկիզբէն պատրաստուած է։

ՄԱՏԹԷՈՍ 5:12

Ցնծացէք եւ ուրախացէ՛ք, որովհետեւ ձեր վարձատրութիւնը մեծ է երկինքի մէջ։ Յիշեցէք որ նոյն ձեւով հալածանքի ենթարկուեցան ձեզմէ առաջ ապրող մարգարէներն ալ։

ՄԱՐԿՈՍ 8:38

Ով որ զիս կամ խօսքերս ընդունիլը ամօթ նկատէ, Աստուծոյ անհաւատարիմ եւ մեղաւոր այս սերունդին մէջ, Մարդու Որդին ալ զայն ընդունիլը ամօթ պիտի նկատէ՝ երբ գայ իր Հօրը փառքով, սուրբ հրեշտակներուն հետ։

ՂՈԻԿԱՍ 17:30

Նոյնը պիտի պատահի այն օրը, երբ Մարդու Որդին յայտնուի։

ԳՈՐԾՔ ԱՌԱՔԵԼՈՑ 16:25

Կէս գիշերուան մօտ, մինչ Պօղոս եւ Շիղա կ՚աղօթէին եւ զԱստուած կ՚օրհներգէին, իսկ միւս բանտարկեալները իրենց մտիկ կ՚ընէին,

ԳՈՐԾՔ ԱՌԱՔԵԼՈՑ 5:41

Իսկ առաքեալները Ատեանէն հեռացան, ուրախանալով որ Տիրոջ անունին համար անարգանքի արժանացան։

ՀՌՈՎՄԱՅԵՑԻՍ 5:3

Եւ ոչ միայն այսքան. այլ տակաւին կը պարծենանք նաեւ մեր նեղութեանց մէջ, գիտնալով որ նեղութիւնները մեզի համբերութիւն կու տան,

ՀՌՈՎՄԱՅԵՑԻՍ 8:17

Իսկ եթէ որդի ենք, կը նշանակէ թէ նաեւ ժառանգորդներ ենք։ Այո՛, ժառանգորդներն ենք Աստուծոյ եւ ժառանգակից՝ Քրիստոսի. եւ իր չարչարանքներուն մասնակից կ՚ըլլանք՝ որպէսզի իր փառքին եւս մասնակից ըլլանք։

ՀՌՈՎՄԱՅԵՑԻՍ 8:18

Ես այնպէս կը խորհիմ, թէ ներկայ ժամանակի չարչարանքները ոչի՛նչ են գալիք փառքին քով՝ որ մեզի պիտի յայտնուի։

ԵՐԿՐՈՐԴ ԿՈՐՆԹԱՑԻՍ 1:5

Որովհետեւ, որքան շատ բաժնեկից կ՚ըլլանք Քրիստոսի չարչարանքներուն, այնքան աւելի մեծ կ՚ըլլայ իր օգնութիւնն ու մխիթարութիւնը մեզի։

ԵՐԿՐՈՐԴ ԿՈՐՆԹԱՑԻՍ 1:7

Ուստի ձեր վրայ հաստատուն յոյս ունինք, գիտնալով որ՝ քանի մեր չարչարանքներուն մասնակից էք՝ մեր ունեցած մխիթարութեան ալ մասնակից պիտի ըլլաք։

ԵՐԿՐՈՐԴ ԿՈՐՆԹԱՑԻՍ 4:10

Շարունակ Յիսուսի մահը մեր մարմիններուն մէջ կը կրենք, որպէսզի Յիսուսի կեանքն ալ մեր մարմիններուն մէջ յայտնուի։

ԵՐԿՐՈՐԴ ԿՈՐՆԹԱՑԻՍ 4:17

Ներկայի մեր կրած այս թեթեւ նեղութիւնը արտակարգօրէն գերազանց եւ յաւիտենական փառք մը կ՚ապահովէ մեզի։

ՓԻԼԻՊՊԵՑԻՍ 3:10

Հիմա միակ փափաքս է՝ ճանչնալ Քրիստոսը, անոր յարութեան զօրութիւնը, եւ անոր չարչարանքներուն մասնակից դառնալ՝ անոր մահուան օրինակը իմ վրաս առնելով,

ԿՈՂՈՍԱՑԻՍ 1:24

Եւ հիմա, ուրախ եմ չարչարանքներուս մէջ, որ ձեր սիրոյն կը կրեմ, որովհետեւ Քրիստոսի կրած նեղութիւններուն պակասը իմ մարմինիս մէջ կ՚ամբողջացնեմ՝ անոր մարմինին համար, որ եկեղեցին է։

ԵՐԿՐՈՐԴ ՏԻՄՈԹԷՈՍ 2:12

Եթէ համբերենք՝ իրեն հետ ալ պիտի թագաւորենք։ Եթէ զինք ուրանանք՝ ինքն ալ մեզ պիտի ուրանայ։

ԱՌԱՋԻՆ ՊԵՏՐՈՍԻ 1:13

Հետեւաբար միտքով պատրաստ եւ արթուն եղէք, ձեր ամբողջ յոյսը կապած փրկութեան պարգեւին, որ ձեզի պիտի տրուի՝ երբ Յիսուս Քրիստոս յայտնուի։

ԱՌԱՋԻՆ ՊԵՏՐՈՍԻ 2:21

Այդ համբերութիւնը ցուցաբերելու կոչուած էք դուք, որովհետեւ Քրիստոս ալ ձեզի համար չարչարուեցաւ՝ օրինակ տալով ձեզի, որպէսզի իր հետքերով քալէք։

ԱՌԱՋԻՆ ՊԵՏՐՈՍԻ 5:1

Երէցնե՛ր, որպէս երիցակից մը՝ որ ձեզի պէս վկայեմ Քրիստոսի չարչարանքներուն եւ ձեզի հետ ալ մասնակից պիտի ըլլամ գալիք փառքին որ պիտի յայտնուի, կ՚աղաչե՜մ,

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։

ՅՈՒԴԱՅԻ 1:24

Արդ, անոր՝ որ կրնայ ձեզ անկումներէ փրկել, պահել անարատ եւ անբիծ, եւ անխառն ուրախութեամբ լեցուն՝ իր փառաւոր ներկայութեան կանգնեցնել,

ՅԱՅՏՆՈՒԹԻՒՆ 1:7

Ահա անիկա կու գայ ամպերու վրայ։ Ամէն մարդ պիտի տեսնէ զայն, նաեւ անոնք՝ որոնք խոցեցին զինք։ Երկրի բոլոր ժողովուրդները պիտի ողբան անոր վրայ։ Այո՛, թող այդպէս ըլլայ.

ՅԱՅՏՆՈՒԹԻՒՆ 1:9

Ես, Յովհաննէս, ձեր եղբայրն եմ եւ Յիսուս Քրիստոսի միացած ըլլալով՝ մասնակից եմ ձեր նեղութեան, արքայութեան, յոյսին եւ համբերութեան։ Աստուծոյ խօսքին եւ Յիսուս Քրիստոսի վկայելուս համար՝ Պատմոս կոչուած կղզին աքսորուած էի։