ԱՌԱՋԻՆ ՊԵՏՐՈՍԻ 4:11 - Western Armenian New Translation - Armenian Catholicosate of Cilicia - New Testament

¹¹ Խօսելո՞ւ պարգեւը ունի. թող Աստուծոյ պատգամները մատակարարէ։ Ծառայելո՞ւ պարգեւը ունի. թող ծառայէ՝ որքան որ Աստուած կարողութիւն կու տայ. որպէսզի ամէն ինչով Աստուած փառաւորուի, Յիսուս Քրիստոսի միջոցաւ։ Անո՛րն են փառքը եւ զօրութիւնը յաւիտեանս յաւիտենից. ամէն։

Արեւմտահայերէն Նոր Կտակարան հարմարցուած․ 2017

¹¹ Եթէ մէկը խօսի, Աստուծոյ պատգամներու պէս թող խօսի. եթէ մէկը մատակարարութիւն ընէ, որպէս թէ Աստուծոյ շնորհներու զօրութենէն թող ընէ, որպէս զի ամէն բանի մէջ Աստուած փառաւորուի Յիսուս Քրիստոսին ձեռքով. որուն փառք եւ զօրութիւն յաւիտեանս յաւիտենից։ Ամէն։

Western Armenian Bible 1853

¹¹ Եթէ մէկը խօսի, Աստուծոյ պատգամներու պէս թող խօսի. եթէ մէկը մատակարարութիւն ընէ, որպէս թէ Աստուծոյ շնորհներու զօրութենէն թող ընէ, որպէս զի ամէն բանի մէջ Աստուած փառաւորուի Յիսուս Քրիստոսին ձեռքով. որուն փառք եւ զօրութիւն յաւիտեանս յաւիտենից։ Ամէն։

ԱՌԱՋԻՆ ՊԵՏՐՈՍԻ 4:11 Iomraidhean Croise

ՄԱՏԹԷՈՍ 6:13

Եւ թոյլ մի՛ տար Խոր փորձութեան մէջ իյնանք. այլ մեզ չարէն ազատէ՛։ Որովհետեւ քուկդ են միշտ արքայութիւնը, զօրութիւնը եւ փառքը. ամէն։

ՅՈՎՀԱՆՆՈԻ 13:31

Յուդայի մեկնելէն ետք, Յիսուս ըսաւ. – Այժմ փառաւորուեցաւ Մարդու Որդին եւ Աստուած փառաւորուեցաւ անով։

ԳՈՐԾՔ ԱՌԱՔԵԼՈՑ 7:38

Մովսէսն էր որ անապատին մէջ հաւաքուած մեր ժողովուրդին համար միջնորդութիւն կ՚ընէր մեր հայրերուն եւ հրեշտակին միջեւ, որ Սինա լերան վրայ անոր հետ խօսեցաւ։ Ան էր որ Աստուծոյ կենսատու պատգամները տուաւ մեզի։

ՀՌՈՎՄԱՅԵՑԻՍ 11:36

Որովհետեւ ամէն ինչ իրմէ է, իրմով եւ իրեն համար գոյութիւն ունի։ Յաւէտ փա՜ռք իրեն։ Ամէն։

ՀՌՈՎՄԱՅԵՑԻՍ 12:3

Ինծի տրուած Աստուծոյ շնորհքով հետեւեալ պատուէրը կու տամ իւրաքանչիւրիդ.– Մեծամիտ մի՛ ըլլաք. ընդհակառակը, միշտ համեստ եղէք եւ միայն Աստուծմէ ձեզի տրուած հաւատքին չափով գնահատեցէք դուք ձեզ։

ՀՌՈՎՄԱՅԵՑԻՍ 16:27

Ուստի Յիսուս Քրիստոսի միջոցաւ յաւիտենական փա՜ռք Աստուծոյ, որ ի՛նք միայն իմաստուն է։ Ամէն։

ՀՌՈՎՄԱՅԵՑԻՍ 3:2

Առաւելութիւնները շատ են եւ ամէն տեսակի։ Եւ առաջին հերթին այն՝ որ Աստուծոյ պատգամները իրենց վստահուեցան։

ԱՌԱՋԻՆ ԿՈՐՆԹԱՑԻՍ 10:31

Հետեւաբար, թէ՛ կերած–խմած ատեն եւ թէ՛ ոեւէ ուրիշ պարագայի՝ կը բաւէ որ ամէն ինչ Աստուծոյ փառքին համար ընէք։

ԱՌԱՋԻՆ ԿՈՐՆԹԱՑԻՍ 12:4

Թէպէտ շնորհքները զանազան են, բայց նոյն Հոգին է տուողը։

ԱՌԱՋԻՆ ԿՈՐՆԹԱՑԻՍ 3:10

Աստուծոյ ինծի տուած շնորհքին համաձայն, ես՝ որպէս փորձառու ճարտարապետ՝ հաւատքին հիմը դրի. բայց ուրի՛շն է որ անոր վրայ պիտի շինէ։ Ամէն ոք զգոյշ պէտք է ըլլայ, սակայն, թէ ի՛նչպէս կը շինէ։

ԱՌԱՋԻՆ ԿՈՐՆԹԱՑԻՍ 6:20

այլ Աստուած՝ որ փրկագինով ձեզ գնեց։ Հետեւաբար այնպէս ապրեցէք՝ որ Աստուած փառաւորուի ձեր մարմիններով։

ԵՐԿՐՈՐԴ ԿՈՐՆԹԱՑԻՍ 2:17

Անշուշտ ո՛չ անոնք՝ որոնք Աստուծոյ խօսքը վաճառքի կը հանեն, այլ՝ մենք, որ անկեղծօրէն կը խօսինք Աստուծոյ առջեւ՝ որպէս Քրիստոսի միացած Աստուծոյ պատգամաւորները։

ԵՐԿՐՈՐԴ ԿՈՐՆԹԱՑԻՍ 9:13

Այո՛, ձեր այս օժանդակութեամբ ապացոյցը տուած պիտի ըլլաք ձեր քրիստոնէական հաւատքին, եւ Երուսաղէմի ձեր եղբայրները զԱստուած պիտի փառաւորեն՝ տեսնելով թէ ի՛նչպէս Քրիստոսի Աւետարանին կը հնազանդիք եւ ի՛նչպէս առատօրէն ձեր ունեցածը կը բաժնէք իրենց եւ բոլորին հետ,

ԵՓԵՍԱՑԻՍ 1:19

եւ ի՜նչ գերազանց ու մեծ է այն ոյժը, կարողութիւնն ու զօրութիւնը, որ կը ներգործէ հաւատացեալներուս մէջ։

ԵՓԵՍԱՑԻՍ 4:29

Ոեւէ տգեղ խօսք չելլէ՛ ձեր բերանէն։ Խօսեցէք միայն ինչ որ պէտք է, ինչ որ բարի է՝ ուրիշներուն հաւատքը ամրապնդելու համար, որպէսզի լսողները Աստուծոյ շնորհքովը լեցուին։

ԵՓԵՍԱՑԻՍ 5:20

ամէն բանի համար միշտ շնորհակալութիւն յայտնելով Հօր Աստուծոյ, մեր Տիրոջ Յիսուս Քրիստոսի անունով։

ԵՓԵՍԱՑԻՍ 6:10

Ի վերջոյ, զօրացէք Տիրոջմով եւ իր ամենակարող զօրութեամբ։

ՓԻԼԻՊՊԵՑԻՍ 1:11

եւ Յիսուս Քրիստոսի միջոցաւ արդար գործերով հարստացած՝ պատճառ ըլլաք որ Աստուած փառաւորուի եւ գովուի։

ՓԻԼԻՊՊԵՑԻՍ 2:11

եւ ամէն լեզու դաւանի թէ Յիսուս Քրիստոս «Տէր» է, Հայրն Աստուածը փառաւորելու համար։

ԿՈՂՈՍԱՑԻՍ 4:6

Ձեր խօսքերը միշտ շնորհալի թող ըլլան, աղով համեմուած, եւ գիտցէք՝ ի՛նչպէս պէտք է պատասխանէք իւրաքանչիւր մարդու։

ԱՌԱՋԻՆ ԹԵՍԱՂՈՆԻԿԵՑԻՍ 2:4

Այլ խօսեցանք այնպէս՝ ինչպէս Աստուած կ՚ուզէ, որովհետեւ Աստուած փորձեց մեզ եւ իր Աւետարանը մեզի վստահեցաւ։ Կը խօսինք՝ ո՛չ թէ մարդոց հաճելի ըլլալու համար, այլ՝ Աստուծոյ, որ մեր սրտին խորհուրդները կը քննէ։

ԱՌԱՋԻՆ ՏԻՄՈԹԷՈՍ 1:17

Իրեն՝ յաւիտենական Թագաւորին, անմահ եւ անտեսանելի միակ Աստուծոյն, պատիւ եւ փառք յաւիտեանս յաւիտենից. ամէն։

ԱՌԱՋԻՆ ՏԻՄՈԹԷՈՍ 6:16

միակը՝ որ անմահ է. ան՝ որ անմատչելի լոյսին մէջ կը բնակի. զոր մարդոցմէ ո՛չ ոք տեսած է եւ ոչ ոք ալ կրնայ տեսնել։ Յաւիտեան անո՛րն են պատիւն ու զօրութիւնը։ Ամէն։

ՏԻՏՈՍԻՆ 2:1

Սակայն դուն պատուիրէ այն՝ ինչ որ հաւատքի առողջ ուսումը կը պահանջէ։

ՏԻՏՈՍԻՆ 2:15

Այս բաները սորվեցուր հաւատացեալներուդ։ Քաջալերէ՛ զանոնք եւ ի հարկին յանդիմանէ՝ հեղինակութիւնդ գործածելով, այնպէս՝ որ ոեւէ մէկը քեզ չարհամարհէ։

ԵԲՐԱՅԵՑԻՍ 13:7

Յիշեցէ՛ք ձեր առաջնորդները, որոնք Աստուծոյ խօսքը բերին ձեզի։ Նայեցէք թէ ի՛նչպէս ապրեցան եւ ի՛նչպէս մեռան անոնք, եւ օրինակ առէք անոնց հաւատքէն։

ԵԲՐԱՅԵՑԻՍ 5:12

Արդարեւ՝ դուք պէտք էր ուրիշներո՛ւն ուսուցանէիք մինչեւ հիմա, մինչդեռ դո՛ւք կրկին պէտք ունիք Աստուծոյ պատգամներուն ամենատարրական դասերը սորվելու։ Այլ խօսքով, կարծր կերակուրի տեղ՝ տակաւին կաթի կը կարօտիք։

ՅԱԿՈԲՈՒ 1:19

Յիշեցէ՛ք, սիրելի՛ եղբայրներս, որ աւելի պատրաստակամ պէտք է ըլլաք լսելու, քան՝ խօսելու։ Դիւրաւ մի՛ բորբոքիք։

ՅԱԿՈԲՈՒ 1:26

Ով որ ինքզինք բարեպաշտ կը սեպէ եւ սակայն իր լեզուին սանձ չի դներ, անիկա ինքզինք կը խաբէ, որովհետեւ անօգուտ է իր բարեպաշտութիւնը։

ԱՌԱՋԻՆ ՊԵՏՐՈՍԻ 2:12

Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

ԱՌԱՋԻՆ ՊԵՏՐՈՍԻ 2:5

Այսպիսով դո՛ւք ալ, որպէս կենդանի քարեր, Քրիստոսի վէմին վրայ կը կառուցուիք՝ իբրեւ հոգեւոր տաճար. իւրաքանչիւրդ կը դառնաք անարատ քահանաներ եւ Յիսուս Քրիստոսի միջոցաւ հոգեւոր ընդունելի պատարագկը մատուցանէք Աստուծոյ։

ԱՌԱՋԻՆ ՊԵՏՐՈՍԻ 4:10

Ձեզմէ իւրաքանչիւրը իբրեւ Աստուծոյ բազմատեսակ պարգեւներուն իրաւ տնտես՝ իր ստացած շնորհքը ուրիշներուն թող մատակարարէ։

ԱՌԱՋԻՆ ՊԵՏՐՈՍԻ 4:16

Բայց ով որ քրիստոնեայ ըլլալուն համար կը չարչարուի՝ թող չամչնայ, այլ՝ իր այդ անունով զԱստուած փառաւորէ։

ԱՌԱՋԻՆ ՊԵՏՐՈՍԻ 5:11

Յաւիտեան ի՛րն են իշխանութիւնն ու փառքը։ Ամէն։

ՅՈՒԴԱՅԻ 1:25

միակ Աստուծոյն՝ որ մեր փրկիչն է՝ փա՜ռք տուէք, մեր Տիրոջ Յիսուս Քրիստոսի միջոցաւ։ Անո՛ր են փառքը, մեծութիւնը, զօրութիւնն ու իշխանութիւնը, թէ՛ բոլոր ժամանակներէն առաջ, թէ՛ այժմ եւ թէ՛ գալիք բոլոր ժամանակներուն։ Ամէն։