ԱՌԱՋԻՆ ՊԵՏՐՈՍԻ 2:8 - Western Armenian New Translation - Armenian Catholicosate of Cilicia - New Testament

⁸ կամ՝ «Այն քարն է, որ գլորումի եւ գայթակղութեան առիթ» պիտի ըլլայ անոնց համար՝ որոնք Աստուծոյ խօսքը անհամոզիչ գտնելով կը գայթակղին, ինչպէս որ Աստուած նախատեսած էր։

Արեւմտահայերէն Նոր Կտակարան հարմարցուած․ 2017

⁸ եւ գլորման վէմ ու գայթակղութեան քար անոնց՝ որ խօսքին չհաւատալով կը գայթակղին», որուն սահմանուած ալ էին։

Western Armenian Bible 1853

⁸ Եւ գլորման վէմ ու գայթակղութեան քար անոնց՝ որ խօսքին չհաւատալով կը գայթակղին», որուն սահմանուած ալ էին։

ԱՌԱՋԻՆ ՊԵՏՐՈՍԻ 2:8 Iomraidhean Croise

ՂՈԻԿԱՍ 2:34

Սիմոն օրհնեց զիրենք ալ, ապա մանուկին մօրը՝ Մարիամին ըսաւ. – Այս մանուկը Իսրայէլի ժողովուրդէն շատերու անկումին

ՀՌՈՎՄԱՅԵՑԻՍ 9:22

Արդ, Աստուած իր բարկութիւնը ցոյց տալ եւ իր զօրութիւնը ճանչցնել ուզելով՝ մեծ համբերատարութեամբ համբերեց բարկութեան արժանի մարդոց, որոնք կորուստի դատապարտուած են,

ԱՌԱՋԻՆ ԿՈՐՆԹԱՑԻՍ 1:23

մենք խաչուած Քրիստոսը կը քարոզենք, որ գայթակղութիւն է Հրեաներուն համար եւ յիմարութիւն՝ հեթանոսներուն համար,

ԵՐԿՐՈՐԴ ԿՈՐՆԹԱՑԻՍ 2:16

Կորուստի ճամբուն մէջ գտնուողներուն համար՝ մահաբոյր եւ մահաբեր կը թուի մեր կեանքը, բայց փրկութեան ճամբուն մէջ գտնուողներուն համար՝ կեանքի բուրմունք է, կեանքի տանող։ Սակայն ո՞վ կրնայ այսպիսի կեանք մը ապրիլ։

ԳԱՂԱՏԱՑԻՍ 5:11

Գալով ինծի, եղբայրնե՛ր, եթէ ես ալ տակաւին թլփատուիլ կը քարոզեմ, ինչպէս ոմանք կ՚ըսեն, ալ ինչո՞ւ կը հալածուիմ. չէ՞ որ այդ պարագային խաչի վրայ Քրիստոսի մահը կը դադրի գայթակղութիւն ըլլալէ։

ԱՌԱՋԻՆ ԹԵՍԱՂՈՆԻԿԵՑԻՍ 5:9

Որովհետեւ Աստուած մեզ չէ՛ ընտրած որպէսզի իր բարկութեան առարկան դառնանք, այլ՝ որպէսզի իր փրկութիւնը ժառանգենք մեր Տիրոջ Յիսուս Քրիստոսի ձեռքով։

ԱՌԱՋԻՆ ՊԵՏՐՈՍԻ 2:6

Որովհետեւ մարգարէութեան մէջ գրուած է.– «Ահա ես Սիոնի մէջ կը դնեմ ընտրուած վէմ մը, պատուական անկիւնաքար մը. անոր հաւատացողը յուսախաբ պիտի չըլլայ»։

ԱՌԱՋԻՆ ՊԵՏՐՈՍԻ 2:7

Քանի դուք հաւատացիք Քրիստոսի, անիկա ձեզի համար պատուական վէմը եղաւ. մինչդեռ չհաւատացողներուն համար՝ անիկա «Այն քարն է, որ թէպէտ շինողները մերժեցին գործածել, բայց ինք անկիւնաքարը եղաւ»,

ԵՐԿՐՈՐԴ ՊԵՏՐՈՍԻ 2:3

Ընչաքաղցութենէ մղուած՝ պիտի շահագործեն ձեզ իրենց շինծու խօսքերով. բայց անոնց դատապարտութիւնը սկիզբէն իսկ յայտնի է, անոնց կորուստը պիտի չուշանայ։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։