ԱՌԱՋԻՆ ՊԵՏՐՈՍԻ 2:5 - Western Armenian New Translation - Armenian Catholicosate of Cilicia - New Testament

⁵ Այսպիսով դո՛ւք ալ, որպէս կենդանի քարեր, Քրիստոսի վէմին վրայ կը կառուցուիք՝ իբրեւ հոգեւոր տաճար. իւրաքանչիւրդ կը դառնաք անարատ քահանաներ եւ Յիսուս Քրիստոսի միջոցաւ հոգեւոր ընդունելի պատարագկը մատուցանէք Աստուծոյ։

Արեւմտահայերէն Նոր Կտակարան հարմարցուած․ 2017

⁵ դուք ալ կենդանի քարերու պէս շինուիք հոգեւոր տաճար մը, սուրբ քահանայութիւն մը, Յիսուս Քրիստոսին ձեռքով Աստուծոյ հաճելի հոգեւոր պատարագներ մատուցանելու։

Western Armenian Bible 1853

⁵ Դուք ալ կենդանի քարերու պէս շինուիք հոգեւոր տաճար մը, սուրբ քահանայութիւն մը, Յիսուս Քրիստոսին ձեռքով Աստուծոյ հաճելի հոգեւոր պատարագներ մատուցանելու։

ԱՌԱՋԻՆ ՊԵՏՐՈՍԻ 2:5 Iomraidhean Croise

ՀՌՈՎՄԱՅԵՑԻՍ 12:1

Ուստի, եղբայրնե՛ր, քպնի Աստուպծ ա՜յնքան ողորմպծ եղաւ մեզի հանդէպ, կ՚աղաչեմ որ դուք ձեզ Աստուծոյ ընծայէք որպէս կենդանի զոհ մը՝ իրեն վերապահուած, որովհետեւ ատիկա՛ է Աստուծոյ ուզած հոգեւոր պաշտամունքը։

ՀՌՈՎՄԱՅԵՑԻՍ 15:16

որպէսզի Քրիստոս Յիսուսի սպասաւորը ըլլամ հեթանոսներուն համար եւ Աստուծոյ Աւետարանին մատակարարման նուիրուիմ, որպէսզի հեթանոսները Աստուծոյ ընծայուին իբրեւ Սուրբ Հոգիով սրբուած ընդունելի պատարագ։

ԱՌԱՋԻՆ ԿՈՐՆԹԱՑԻՍ 3:16

Չէ՞ք գիտեր թէ Աստուծոյ տաճար էք դուք, եւ Աստուծոյ Հոգին կը բնակի ձեր մէջ։

ԱՌԱՋԻՆ ԿՈՐՆԹԱՑԻՍ 3:9

Որովհետեւ մենք պարզապէս Աստուծոյ գործակիցներ ենք. դուք Աստուծո՛յ անդաստանն էք եւ Աստուծո՛յ շինութիւնը, եւ ո՛չ թէ մերը։

ԱՌԱՋԻՆ ԿՈՐՆԹԱՑԻՍ 6:19

Չէ՞ք գիտեր որ ձեր մարմինները տաճարն են Սուրբ Հոգիին որ Աստուծմէ առիք եւ ձեր մէջ կը բնակի։ Գիտցէք որ դուք չէ՛ք ձեր անձերուն տէրը,

ԵՐԿՐՈՐԴ ԿՈՐՆԹԱՑԻՍ 6:16

Ի՞նչ նմանութիւն կայ Աստուծոյ տաճարին եւ մեհեաններուն միջեւ։ Արդարեւ, մե՛նք ենք կենդանի Աստուծոյ տաճարը, ինչպէս Աստուած ինք ըսաւ.– «Անոնց մէջ պիտի բնակիմ եւ անոնց հետ պիտի ապրիմ։ Ես իրենց Աստուածը պիտի ըլլամ եւ անոնք՝ իմ ժողովուրդս»։

ԳԱՂԱՏԱՑԻՍ 6:10

Հետեւաբար, որքան ատեն որ ժամանակը մեր ձեռքն է՝ բարիք ընենք բոլորին, մանաւանդ հաւատքի ճամբով մեր հարազատներուն։

ՓԻԼԻՊՊԵՑԻՍ 1:11

եւ Յիսուս Քրիստոսի միջոցաւ արդար գործերով հարստացած՝ պատճառ ըլլաք որ Աստուած փառաւորուի եւ գովուի։

ՓԻԼԻՊՊԵՑԻՍ 2:17

Հիմա նոյնիսկ եթէ կեանքս տամ ձեր հաւատքին համար, որ դուք իբրեւ զոհ Աստուծոյ կ՚ընծայէք, գոհ եմ եւ բոլորիդ ուրախութեան մասնակից։

ՓԻԼԻՊՊԵՑԻՍ 4:18

Որովհետեւ ես ամէն ինչ ունիմ եւ աւելիով ունիմ, եւ Եպաֆրոդիտոսի ձեռքով ստացայ ձեր առատ նուէրները, որոնք ոեւէ խունկէ աւելի անուշահոտ եւ ոեւէ զոհէ աւելի ընդունելի են Աստուծոյ, իր կամքին համաձայն ըլլալով։

ԿՈՂՈՍԱՑԻՍ 3:17

Եւ ինչ որ ալ ընէք, խօսքով թէ գործով, միշտ Տէր Յիսուսի անունով ըրէք, անոր միջոցաւ գոհութիւն յայտնելով Հօր Աստուծոյ։

ԱՌԱՋԻՆ ՏԻՄՈԹԷՈՍ 3:15

որպէսզի, եթէ ուշանամ, գիտնաս թէ ի՛նչպէս պէտք է շարժիս Աստուծոյ ընտանիքին մէջ, այսինքն՝ կենդանի Աստուծոյ եկեղեցիին մէջ, որ ճշմարտութեան սիւնը եւ խարիսխն է։

ԵԲՐԱՅԵՑԻՍ 3:6

մինչդեռ Քրիստոս հաւատարիմ է իբրեւ Որդի՝ իր սեփական տան վրայ։ Իսկ իր տունը մե՛նք ենք, եթէ մինչեւ վերջ անխախտ պահենք մեր վստահութիւնը եւ մեր յոյսը, որով կը պարծենանք։

ԱՌԱՋԻՆ ՊԵՏՐՈՍԻ 2:9

Գալով ձեզի, դուք ընտրուած ցեղ մըն էք, թագաւորելու կոչուած քահանաներ, սուրբ ազգ մը, Աստուծոյ սեփական ժողովուրդը. եւ ձեր պարտականութիւնն է քարոզել զօրութիւնը անոր՝ որ ձեզ խաւարէն իր սքանչելի լոյսին կանչեց։

ԱՌԱՋԻՆ ՊԵՏՐՈՍԻ 4:11

Խօսելո՞ւ պարգեւը ունի. թող Աստուծոյ պատգամները մատակարարէ։ Ծառայելո՞ւ պարգեւը ունի. թող ծառայէ՝ որքան որ Աստուած կարողութիւն կու տայ. որպէսզի ամէն ինչով Աստուած փառաւորուի, Յիսուս Քրիստոսի միջոցաւ։ Անո՛րն են փառքը եւ զօրութիւնը յաւիտեանս յաւիտենից. ամէն։

ԱՌԱՋԻՆ ՊԵՏՐՈՍԻ 4:17

Որովհետեւ արդէն ժամանակն է որ դատաստանը սկսի, եւ սկսի Աստուծոյ տունէն։ Իսկ եթէ առաջին դատուողները մե՛նք պիտի ըլլանք, ի՞նչ պիտի ըլլայ վախճանը անոնց՝ որոնք Աստուծոյ Աւետարանին չեն հնազանդիր։

ՅԱՅՏՆՈՒԹԻՒՆ 1:6

ու մեզ ըրաւ քահանաներու թագաւորութիւն մը, ծառայելու Աստուծոյ՝ իր Հօր։ Փառք ու զօրութի՜ւն իրեն յաւիտեանս յաւիտենից. ամէն։

ՅԱՅՏՆՈՒԹԻՒՆ 20:6

Երանելի եւ սուրբ են անոնք, որոնք բաժնեկից են մեռելներու առաջին յարութեան։ Երկրորդ մահը ասոնց վրայ իշխանութիւն չունի. ասոնք Աստուծոյ եւ Քրիստոսի քահանաները պիտի ըլլան եւ Քրիստոսի հետ հազար տարի թագաւորեն։

ՅԱՅՏՆՈՒԹԻՒՆ 3:12

Ով որ յաղթանակէ՝ զայն սիւներէն մէկը պիտի ընեմ իմ Աստուծոյս տաճարին, ուրկէ այլեւս դուրս պիտի չելլէ։ Անոր վրայ պիտի գրեմ իմ Աստուծոյս անունը, ինչպէս նաեւ իմ Աստուծոյս քաղաքին անունը, այսինքն՝ Նոր Երուսաղէմ, որ երկինքէն՝ իմ Աստուծոյս մօտէն պիտի իջնէ։ Եւ անոր վրայ պիտի գրեմ նաեւ իմ նոր անունս»։

ՅԱՅՏՆՈՒԹԻՒՆ 5:10

Զանոնք դարձուցիր քահանաներու թագաւորութիւն մը՝ ծառայելու մեր Աստուծոյ։ Անոնք պիտի թագաւորեն երկրի վրայ»։