ԱՌԱՋԻՆ ՊԵՏՐՈՍԻ 2:4 - Western Armenian New Translation - Armenian Catholicosate of Cilicia - New Testament

⁴ Մօտեցէ՛ք անոր, Քրիստոսի, որովհետեւ ի՛նքն է այն կենդանի վէմը, որ թէպէտ մարդոցմէ մերժուած, բայց Աստուծմէ ընտրուած պատուական վէմն է։

Արեւմտահայերէն Նոր Կտակարան հարմարցուած․ 2017

⁴ Մօտեցէ՛ք անոր, այն կենդանի Վէմին որ թէպէտ մարդոցմէ անարգուած է, բայց Աստուծմէն ընտրուած ու պատուական է,

Western Armenian Bible 1853

⁴ Մօտեցէ՛ք անոր, այն կենդանի Վէմին որ թէպէտ մարդոցմէ անարգուած է, բայց Աստուծմէն ընտրուած ու պատուական է,

ԱՌԱՋԻՆ ՊԵՏՐՈՍԻ 2:4 Iomraidhean Croise

ՄԱՏԹԷՈՍ 11:28

Ինծի՛ եկէք դուք բոլորդ, յոգնածներ եւ բեռնաւորուածներ, եւ ես հանգիստ պիտի տամ ձեզի։

ՄԱՏԹԷՈՍ 12:18

«Ահաւասիկ ծառաս, որ ընտրեցի, սիրելիս, որուն հաճեցայ։ Իմ Հոգիս անոր վրայ պիտի դնեմ, եւ անիկա բոլոր ազգերուն արդարութիւն պիտի հռչակէ։

ՄԱՏԹԷՈՍ 21:42

Ապա Յիսուս ըսաւ. – Սուրբ գիրքերուն մէջ չէ՞ք կարդացած.– «Այն քարը որ շինողները մերժեցին գործածել, ինք անկիւնաքարը եղաւ։ Ասիկա Տէրը կատարեց, ու մեր աչքերուն սքանչելի է»։

ՅՈՎՀԱՆՆՈԻ 14:19

Մօտ ատենէն այլեւս աշխարհը զիս պիտի չտեսնէ, բայց դուք պիտի տեսնէք զիս, որովհետեւ ես կ՚ապրիմ եւ դուք ալ պիտի ապրիք։

ՅՈՎՀԱՆՆՈԻ 14:6

Յիսուս պատասխանեց անոր. – Ե՛ս եմ ճամբան, ճշմարտութիւնը եւ կեանքը։ Միայն ինձմով կարելի է Հօրս երթալ։

ՅՈՎՀԱՆՆՈԻ 5:26

Որովհետեւ, ինչպէս որ Հայրը կեանք պարգեւելու զօրութիւնը ունի իր մէջ, այդ զօրութիւնը տուած է նաեւ Որդիին։

ՅՈՎՀԱՆՆՈԻ 5:40

Դուք, սակայն, չէք ուզեր ինծի գալ՝ կեանքը ունենալու համար։

ՅՈՎՀԱՆՆՈԻ 6:37

Բոլոր անոնք որ Հայրը ինծի կու տայ՝ ինծի պիտի գան, եւ ես ինծի եկողը պիտի չմերժեմ.

ՅՈՎՀԱՆՆՈԻ 6:57

Ինչպէս Հայրը, որ զիս ղրկեց, կ՚ապրի, ես ալ իրմով կ՚ապրիմ։ Նմանապէս, ով որ իմ մարմինէս կ՚ուտէ՝ պիտի ապրի ինձմով։

ՀՌՈՎՄԱՅԵՑԻՍ 5:10

Որովհետեւ, եթէ Աստուած իր Որդիին մահովը մեզ իր հետ հաշտեցուց դեռ այն ատեն՝ երբ տակաւին թշնամի էինք իրեն, հիմա որ ա՛լ հաշտուած ենք՝ որքա՜ն աւելի վստահութեամբ կրնանք ըսել՝ թէ պիտի փրկուինք Քրիստոսի կեանքով։

ԱՌԱՋԻՆ ԿՈՐՆԹԱՑԻՍ 3:11

Որովհետեւ ոեւէ մէկը չի կրնար ուրիշ հիմ դնել, քան Աստուծոյ դրած միակ հիմը, որ Յիսուս Քրիստոս է։

ԿՈՂՈՍԱՑԻՍ 3:4

Իսկ երբ Քրիստոս՝ ձեր կեանքը՝ յայտնուի, այն ատեն դուք ալ փառքով պիտի յայտնուիք անոր հետ։

ԱՌԱՋԻՆ ՊԵՏՐՈՍԻ 1:19

այլ՝ անբիծ եւ անարատ Գառնուկին՝ Քրիստոսի թանկագին արիւնովը։

ԱՌԱՋԻՆ ՊԵՏՐՈՍԻ 1:7

Այդպիսով փորձուած ձեր հաւատքը շա՛տ աւելի թանկագին է, քան կորստական ոսկին՝ որ կրակին մէջ կը փորձուի, որուն համար ալ երբ Յիսուս Քրիստոս յայտնուի՝ պիտի գովէ ձեզ եւ փառքի ու պատիւի արժանացնէ։

ԱՌԱՋԻՆ ՊԵՏՐՈՍԻ 2:7

Քանի դուք հաւատացիք Քրիստոսի, անիկա ձեզի համար պատուական վէմը եղաւ. մինչդեռ չհաւատացողներուն համար՝ անիկա «Այն քարն է, որ թէպէտ շինողները մերժեցին գործածել, բայց ինք անկիւնաքարը եղաւ»,

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ԵՐԿՐՈՐԴ ՊԵՏՐՈՍԻ 1:4

Անիկա թանկագին ու մեծամեծ խոստումներ տուաւ մեզի, որպէսզի անոնցմով հաղորդակից ըլլանք աստուածային բնութեան, ձերբազատուելով աշխարհի մէջ տիրող կորստաբեր ցանկութիւններէն։