ԱՌԱՋԻՆ ՊԵՏՐՈՍԻ 2:24 - Western Armenian New Translation - Armenian Catholicosate of Cilicia - New Testament

²⁴ «Մեր մեղքերը ի՛նք կրեց» իր մարմինով՝ խաչին վրայ, որպէսզի մեղքի տիրապետութենէն ազատած՝ արդարութեան համար ապրինք։ «Անոր վէրքերովն էր որ բժշկուեցաք»։

Արեւմտահայերէն Նոր Կտակարան հարմարցուած․ 2017

²⁴ որ մեր մեղքերը իր մարմնովը խաչափայտին վրայ վերցուց, որպէս զի մենք մեղքերէն ազատինք ու արդարութեան համար ապրինք. որուն վէրքերովը դուք բժշկուեցաք։

Western Armenian Bible 1853

²⁴ Որ մեր մեղքերը իր մարմնովը խաչափայտին վրայ վերցուց, որպէս զի մենք մեղքերէն ազատինք ու արդարութեան համար ապրինք. որուն վէրքերովը դուք բժշկուեցաք։

ԱՌԱՋԻՆ ՊԵՏՐՈՍԻ 2:24 Iomraidhean Croise

ՄԱՏԹԷՈՍ 27:26

Այն ատեն Պիղատոս ազատ արձակեց Բարաբբան, իսկ Յիսուսը խարազանել տալէ ետք՝ զինուորներուն յանձնեց, որպէսզի խաչեն։

ՄԱՏԹԷՈՍ 5:20

Կ՚ըսեմ ձեզի, եթէ Աստուծոյ պատուիրաններուն նկատմամբ ձեր հաւատարմութիւնը Փարիսեցիներուն եւ Օրէնքի ուսուցիչներուն ունեցած հաւատարմութենէն աւելի չըլլայ՝ պիտի չմտնէք երկինքի արքայութիւնը։

ՄԱՏԹԷՈՍ 8:17

որպէսզի իրականանայ Եսայի մարգարէի բերնով ըսուածը. «Անիկա մեր հիւանդութիւնները վերցուց եւ մեր ցաւերը փարատեց»։

ՄԱՐԿՈՍ 15:15

Պիղատոս ամբոխը գոհացնել ուզելով՝ ազատ արձակեց Բարաբբան, իսկ Յիսուսը մտրակով ծեծել տալէ ետք զինուորներուն յանձնեց, որպէսզի խաչեն։

ՂՈԻԿԱՍ 4:18

«Տիրոջ Հոգին վրաս է. որովհետեւ զիս օծեց եւ ղրկեց՝ աղքատներուն փրկութեան աւետիս տալու, սրտաբեկները մխիթարելու,

ՅՈՎՀԱՆՆՈԻ 1:29

Յաջորդ օր Յովհաննէս տեսաւ Յիսուսը, որ իրեն կու գար, եւ ըսաւ. – Ահաւասիկ Աստուծոյ գառնուկը, որ աշխարհի մեղքը կը վերցնէ։

ՅՈՎՀԱՆՆՈԻ 19:1

Պիղատոս առաւ Յիսուսը եւ զայն մտրակով ծեծել տուաւ։

ԳՈՐԾՔ ԱՌԱՔԵԼՈՑ 10:35

այլ բոլոր ազգերէն ալ կ՚ընդունի ոեւէ մէկը որ իրմէ կը վախնայ եւ արդար գործեր կը կատարէ։

ԳՈՐԾՔ ԱՌԱՔԵԼՈՑ 10:39

Մենք վկայ ենք այն բոլորին, որ անիկա կատարեց Հրէաստան երկրին եւ Երուսաղէմի մէջ։ Զայն խաչափայտէն կախելով սպաննեցին.

ԳՈՐԾՔ ԱՌԱՔԵԼՈՑ 13:29

Երբ անոր մասին բոլոր գրուածները կատարած եղան, զայն խաչէն իջեցուցին եւ գերեզման դրին։

ԳՈՐԾՔ ԱՌԱՔԵԼՈՑ 5:30

Մեր հայրերուն Աստուածը յարուցանեց Յիսուսը, որ դուք սպաննեցիք՝ խաչափայտէն կախելով։

ՀՌՈՎՄԱՅԵՑԻՍ 6:11

Նոյնպէս ալ դուք, դուք ձեզ մեռած համարեցէք մեղքին համար եւ կենդանի՝ Աստուծոյ համար, մեր Տիրոջ Յիսուս Քրիստոսի միջոցաւ։

ՀՌՈՎՄԱՅԵՑԻՍ 6:13

Մեղքին անձնատուր մի՛ ըլլաք, ձեր անդամները անիրաւութեան գործիք դարձնելով, այլ՝ որպէս մահուընէ կեանքի եկած մարդիկ՝ դուք ձեզ Աստուծոյ յանձնեցէք եւ ձեր մարմինները Աստուծոյ ձեռքին մէջ արդարութեան գործիք դարձուցէք։

ՀՌՈՎՄԱՅԵՑԻՍ 6:16

Լաւ գիտցէք, թէ որո՛ւ ծառայութեան որ նուիրուիք եւ հնազանդիք՝ անոր ծառան եղած կ՚ըլլաք։ Մեղքին ծառայելով՝ մահուան կ՚ենթարկուիք, մինչ Աստուծոյ հնազանդելով՝ կ՚արդարանաք։

ՀՌՈՎՄԱՅԵՑԻՍ 6:2

Քա՛ւ լիցի։ Մենք որ մեղքին համար մեռանք՝ ի՞նչպէս կրնանք տակաւին մեղքի մէջ ապրիլ։

ՀՌՈՎՄԱՅԵՑԻՍ 6:22

Բայց հիմա մեղքին տիրապետութենէն ազատ էք եւ Աստուծոյ ծառաները։ Ձեր շահը սրբութեան նուիրուած կեանք մըն է, որուն արդիւնքը պիտի ըլլայ յաւիտենական կեանքը։

ՀՌՈՎՄԱՅԵՑԻՍ 6:7

Որովհետեւ երբ մէկը կը մեռնի՝ ա՛լ ազատած է մեղքէն։

ՀՌՈՎՄԱՅԵՑԻՍ 7:6

Բայց հիմա, Քրիստոսի հետ մեռած ըլլալով՝ ա՛լ զերծ ենք Օրէնքի կապէն, որուն գերի էինք ժամանակ մը. այնպէս որ, մենք այլեւս Աստուծոյ կը ծառայենք Սուրբ Հոգիին բերած նորոգութեամբ եւ ո՛չ թէ գրաւոր Օրէնքին թելադրած հին ձեւով։

ԱՌԱՋԻՆ ԿՈՐՆԹԱՑԻՍ 15:3

Ես ձեզի փոխանցեցի այն հաւատքը որ նախ ե՛ս ընդունեցի. այն՝ որ Քրիստոս մեր մեղքերուն համար մեռաւ, ինչպէս Սուրբ գիրքերը կ՚ըսէին,

ԵՐԿՐՈՐԴ ԿՈՐՆԹԱՑԻՍ 6:17

Ահա թէ ինչո՛ւ Աստուած կը հրահանգէ մեզի.– «Անջատ եւ հեռո՛ւ կեցէք հեթանոսներէն. պիղծ բաներու մի՛ դպչիք, եւ ես ձեզ պիտի ընդունիմ։

ԳԱՂԱՏԱՑԻՍ 3:13

Քրիստոս Օրէնքի այդ անէծքէն մեզ ազատեց, ինք մեր տեղը անէծքի առարկայ դառնալով. որովհետեւ Օրէնքի գիրքին մէջ գրուած է. «Անիծեալ է ան՝ որ փայտէ կը կախուի»։

ԵՓԵՍԱՑԻՍ 5:9

որովհետեւ լոյսին պտուղներն են՝ բարութիւնը, արդարութիւնը եւ ճշմարտութիւնը։

ՓԻԼԻՊՊԵՑԻՍ 1:11

եւ Յիսուս Քրիստոսի միջոցաւ արդար գործերով հարստացած՝ պատճառ ըլլաք որ Աստուած փառաւորուի եւ գովուի։

ԿՈՂՈՍԱՑԻՍ 2:14

եւ իր իշխանութեամբ ջնջեց մեր օրինազանցութեան համար մեզի դէմ արձակուած դատապարտութեան վճիռը, զայն խաչափայտին գամելով։

ԿՈՂՈՍԱՑԻՍ 2:20

Քանի Քրիստոսի հետ մեռաք եւ բնութեան ոյժերու տիրապետութենէն դուրս եկաք, ինչո՞ւ կը շարունակէք ապրիլ այնպէս՝ որպէս թէ ձեր կեանքը աշխարհէն կախում ունենար, եւ կը հնազանդիք

ԿՈՂՈՍԱՑԻՍ 3:3

որովհետեւ դուք այս աշխարհին համար մեռաք, որպէսզի Քրիստոսի հետ միասին ապրիք այն կեանքով՝ որ Աստուած վերապահած է ձեզի։

ԵԲՐԱՅԵՑԻՍ 10:10

Եւ որովհետեւ Յիսուս Քրիստոս Աստուծոյ կամքը կատարեց, իր մարմինին անկրկնելի զոհագործումովը մենք սրբուեցանք մեր մեղքերէն։

ԵԲՐԱՅԵՑԻՍ 10:5

Ահա թէ ինչու, Քրիստոս իր աշխարհ գալուն կապակցաբար՝ կ՚ըսէ Աստուծոյ.– «Զոհ եւ ընծայ չկամեցար, այլ մարմին մը պատրաստեցիր դուն ինծի.

ԵԲՐԱՅԵՑԻՍ 12:13

եւ ձեր կեանքին ընթացքը ուղղեցէք, որպէսզի հաւատքով տկար եղողը չգլորի, այլ՝ ընդհակառակը՝ բժշկուի։

ԵԲՐԱՅԵՑԻՍ 7:26

Արդարեւ այսպիսի Քահանայապետ մը պէտք է մեզի.– սուրբ, անմեղ, անարատ, մեղաւորներէն զատուած եւ երկինքներէն աւելի վեր բարձրացած։

ԵԲՐԱՅԵՑԻՍ 9:28

այնպէս ալ Քրիստոս միայն մէկ անգամ զոհ մատուցուեցաւ՝ մարդոց մեղքերը վերցնելու համար։ Իսկ երկրորդ անգամ պիտի յայտնուի՝ ո՛չ թէ մեղքերը վերցնելու, այլ փրկելու համար անոնք՝ որոնք հաւատքով կը սպասեն իրեն։

ՅԱԿՈԲՈՒ 5:16

Հետեւաբար ձեր մեղքերը իրարու խոստովանեցէք եւ իրարու համար աղօթեցէք, որպէսզի բժշկուիք. որովհետեւ արդարի մը աղօթքը ազդեցիկ է եւ մեծապէս կ՚օգնէ։

ԱՌԱՋԻՆ ՅՈՎՀԱՆՆՈՒ 2:29

Գիտէք թէ արդար է անիկա. ուստի ով որ արդարութիւն կը գործէ՝ անոր հարազատ զաւակն է։

ԱՌԱՋԻՆ ՅՈՎՀԱՆՆՈՒ 3:7

Որդեակնե՛րս, թող ոեւէ մէկը ձեզ չխաբէ։ Ով որ արդարութիւն կը գործէ՝ արդար է, ինչպէս Քրիստոս ինք արդար է։

ՅԱՅՏՆՈՒԹԻՒՆ 22:2

Քաղաքին հրապարակին մէջտեղը եւ գետին այս ու այն կողմը կար կեանքի ծառը որ տարին տասներկու անգամ պտուղ կու տար, ամէն ամիս՝ իր պտուղը, իսկ տերեւները կը ծառայէին ազգերուն բժշկութիւն տալու։