ԱՌԱՋԻՆ ՊԵՏՐՈՍԻ 2:16 - Western Armenian New Translation - Armenian Catholicosate of Cilicia - New Testament

¹⁶ Ազատ մարդոց պէս եղէք, բայց՝ իբրեւ Աստուծոյ ծառաներ։ Ձեր ազատութիւնը չարիք գործելու պատրուակ թող չդառնայ։

Արեւմտահայերէն Նոր Կտակարան հարմարցուած․ 2017

¹⁶ ազատներու պէս ըլլալով եւ ո՛չ թէ ձեր ազատութիւնը չարութեան ծածկոցի մը պէս գործածելով, հապա Աստուծոյ ծառաներու պէս։

Western Armenian Bible 1853

¹⁶ Ազատներու պէս ըլլալով եւ ո՛չ թէ ձեր ազատութիւնը չարութեան ծածկոցի մը պէս գործածելով, հապա Աստուծոյ ծառաներու պէս։

ԱՌԱՋԻՆ ՊԵՏՐՈՍԻ 2:16 Iomraidhean Croise

ՄԱՏԹԷՈՍ 23:13

Վա՜յ ձեզի, կեղծաւորնե՛ր, Օրէնքի ուսուցիչներ եւ Փարիսեցիներ, որ երկինքի արքայութիւնը կը փակէք մարդոց առջեւ. դուք չէք մտներ եւ թոյլ չէք տար նաեւ անոնց՝ որ կ՚ուզեն մտնել։

ՅՈՎՀԱՆՆՈԻ 15:22

Եթէ աշխարհ եկած չըլլայի եւ խօսած չըլլայի իրենց, մեղք պիտի չունենային. բայց հիմա իրենց մեղքին համար ոեւէ արդարացում չունին։

ՀՌՈՎՄԱՅԵՑԻՍ 6:18

մեղքի տիրապետութենէն ազատեցաք եւ արդարութեան ծառայ դարձաք։

ՀՌՈՎՄԱՅԵՑԻՍ 6:22

Բայց հիմա մեղքին տիրապետութենէն ազատ էք եւ Աստուծոյ ծառաները։ Ձեր շահը սրբութեան նուիրուած կեանք մըն է, որուն արդիւնքը պիտի ըլլայ յաւիտենական կեանքը։

ԱՌԱՋԻՆ ԿՈՐՆԹԱՑԻՍ 7:22

Որովհետեւ այն մարդը որ ստրուկ վիճակի մէջ Տիրոջ պատկանելու կոչուեցաւ՝ Տիրոջմով ազատագրուածմըն է։ Նոյնպէս ալ այն մարդը որ ազատ վիճակի մէջ կոչուեցաւ՝ Քրիստոսի ծառան է։

ԳԱՂԱՏԱՑԻՍ 5:1

Ուստիամուր պահեցէքայդ ազատութիւնը, եւ վերստին ստրկութեան լուծին տակ մի՛ մտնէք։

ԳԱՂԱՏԱՑԻՍ 5:13

Եղբայրնե՛ր, Աստուած ձեզ կանչեց որ ազատ ըլլաք. միայն նայեցէք՝ որ այդ ազատութիւնը մարդկային ցանկութիւններ կատարելու պատրուակ չդառնայ, այլ՝ սիրով ծառայեցէք իրարու։

ԵՓԵՍԱՑԻՍ 6:6

Ձեր ծառայութիւնը ըրէք՝ ո՛չ միայն երբ հսկող աչք կայ ձեր վրայ, ինչպէս կ՚ընեն անոնք՝ որոնք մարդոց հաճութիւնը կ՚ուզեն շահիլ, այլ՝ իբրեւ Քրիստոսի ծառաներ, որոնք Աստուծոյ կամքը կը կատարեն սրտանց։

ԿՈՂՈՍԱՑԻՍ 3:24

Գիտցէք, որ Տիրոջմէ է որ պիտի առնէք ձեր հատուցումը, որ խոստացաւ ձեզի տալ, քանի որ Տիրոջ՝ այսինքն Քրիստոսին է որ կը ծառայէք։

ԱՌԱՋԻՆ ԹԵՍԱՂՈՆԻԿԵՑԻՍ 2:5

Ինչպէս լաւ գիտէք, ո՛չ շողոքորթութիւն ըրինք եւ ո՛չ ալ մեր շահը փնտռեցինք։ Աստուած վկայ է։

ՅԱԿՈԲՈՒ 1:25

Մինչդեռ ան որ իր աչքերը կը յառէ Աստուծոյ ազատարար ու կատարեալ Օրէնքին եւ անոր մէջ կը յարատեւէ, այնպիսին լսելէ ետք չի մոռնար, այլ՝ կը գործադրէ զայն. անիկա երանելի պիտի ըլլայ կատարելուն համար։

ՅԱԿՈԲՈՒ 2:12

Արդ, խօսեցէք ու գործեցէք որպէս մարդիկ՝ որոնք ազատութեան օրէնքով պիտի դատուին։

ԵՐԿՐՈՐԴ ՊԵՏՐՈՍԻ 2:19

Ազատութիւն կը խոստանան անոնց, մինչդեռ իրենք գերի են կորուստի տանող մոլութեանց։ Արդարեւ, մարդ ինքզինք ինչ բանի որ կ՚ենթարկէ՝ անոր գերին է։

ՅՈՒԴԱՅԻ 1:4

Որովհետեւ կարգ մը անձեր սպրդեցան եւ հաւատացեալներու շարքերուն մէջ մտան։ Անհաւատ այդ մարդիկը մեր Աստուծոյ շնորհքը պատմող Աւետարանը չարափոխելով՝ իրենց անբարոյ ընթացքին պատշաճեցուցին, մերժելով իբրեւ միակ եւ ամենիշխան Տէր ճանչնալ Յիսուս Քրիստոսը։ Այդպիսիներուն ստանալիք դատապարտութիւնը կանուխէն գրուած է Սուրբ գիրքերուն մէջ։