ԱՌԱՋԻՆ ՊԵՏՐՈՍԻ 2:12 - Western Armenian New Translation - Armenian Catholicosate of Cilicia - New Testament

¹² Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

Արեւմտահայերէն Նոր Կտակարան հարմարցուած․ 2017

¹² ձեր վարքը հեթանոսներուն մէջ բարի պահելով, որպէս զի եթէ ձեզ չարագործներու պէս բամբասեն, ձեր բարի գործերը տեսնելով՝ փառաւորեն Աստուած՝ այցելութեան օրը։

Western Armenian Bible 1853

¹² Ձեր վարքը հեթանոսներուն մէջ բարի պահելով, որպէս զի եթէ ձեզ չարագործներու պէս բամբասեն, ձեր բարի գործերը տեսնելով՝ փառաւորեն Աստուած՝ այցելութեան օրը։

ԱՌԱՋԻՆ ՊԵՏՐՈՍԻ 2:12 Iomraidhean Croise

ՄԱՏԹԷՈՍ 10:25

Հերիք է աշակերտին, որ իր ուսուցիչին պէս ըլլայ, եւ ծառային՝ իր տիրոջ պէս։ Եթէ տանտէրը Բէեղզեբուղ կոչեցին, հարկաւ նոյնը աւելիով պիտի ըսեն անոր ընտանիքի անդամներուն։

ՄԱՏԹԷՈՍ 5:11

Երանի՜ ձեզի, երբ մարդիկ նախատեն եւ հալածեն ձեզ, կամ ստելով՝ ձեր մասին ամէն տեսակի զրպարտութիւն ընեն իմ հետեւորդներս ըլլալնուդ համար։

ՄԱՏԹԷՈՍ 5:16

Նոյնպէս ալ, ձեր լոյսը թող այնպէս շողայ մարդոց առջեւ, որ անոնք ձեր բարի գործերը տեսնեն եւ փա ռաւորեն ձեր Հայրը, որ երկինքի մէջ է –

ՄԱՏԹԷՈՍ 9:8

Ժողովուրդը երբ ասիկա տեսաւ՝ զարմացաւ ու կը փառաւորէր զԱստուած, որ մարդոց այսպիսի կարողութիւն կու տայ։

ՂՈԻԿԱՍ 1:68

«Օրհնեա՜լ է Իսրայէլի Տէր Աստուածը, որ օգնութեան հասաւ եւ փրկութիւն բերաւ իր ժողովուրդին։

ՂՈԻԿԱՍ 19:44

Հիմնայատակ պիտի ընեն քեզ եւ սպաննեն բնակչութիւնդ։ Քար քարի վրայ պիտի չձգեն, որովհետեւ չգիտցար ժամանակը երբ Աստուած եկաւ քեզ փրկելու։

ՂՈԻԿԱՍ 6:22

Երանի՜ ձեզի, երբ մարդիկ ձեզ ատեն, մերժեն ձեզ ընդունիլ, նախատեն եւ վարկաբեկեն ձեզ՝ Մարդու Որդիին հետեւելնուդ համար։

ՅՈՎՀԱՆՆՈԻ 13:31

Յուդայի մեկնելէն ետք, Յիսուս ըսաւ. – Այժմ փառաւորուեցաւ Մարդու Որդին եւ Աստուած փառաւորուեցաւ անով։

ԳՈՐԾՔ ԱՌԱՔԵԼՈՑ 15:14

Շմաւոն բացատրեց, թէ ի՛նչպէս Աստուած սկիզբէն հաճեցաւ բոլոր ազգերէն իրեն ժողովուրդ մը պատրաստել՝ իր անունը փառաւորելու համար։

ԳՈՐԾՔ ԱՌԱՔԵԼՈՑ 24:13

ոչ ալ կրնան ոեւէ ապացոյց բերել այն ամբաստանութիւններուն համար՝ որ ինծի դէմ կ՚ընեն հիմա։

ԳՈՐԾՔ ԱՌԱՔԵԼՈՑ 25:7

Երբ Պօղոս հասաւ, Երուսաղէմէն եկած Հրեաները անոր շուրջը կեցան եւ զայն կ՚ամբաստանէին բազմաթիւ ծանր յանցանքներով, որոնք սակայն չէին յաջողեր ապացուցանել։

ԳՈՐԾՔ ԱՌԱՔԵԼՈՑ 28:22

Բայց կ՚ուզենք քու կարծիքդ իմանալ, որովհետեւ այս աղանդին մասին մեզի այսքանը ծանօթ է՝ որ անիկա ամէն տեղ հակառակութեան կը հանդիպի։

ՀՌՈՎՄԱՅԵՑԻՍ 12:17

Ոեւէ մէկուն չարիքին՝ չարիքով մի՛ հատուցանէք։ Ջանացէք ընել այն՝ ինչ որ բոլոր մարդոց աչքին բարի է։

ՀՌՈՎՄԱՅԵՑԻՍ 13:13

ապրելու համար այնպէս՝ ինչպէս վայել է լոյսի մէջ քալողներուն, փոխանակ անառակութեամբ, արբեցութեամբ, խառնակեցութեամբ ու պղծութեամբ, կամնախանձով ու հակառակութեամբ ապրելու։

ՀՌՈՎՄԱՅԵՑԻՍ 14:18

Եւ ով որ ասոնցմով կը ծառայէ Քրիստոսի, անիկա Աստուծոյ հաճելի եւ մարդոց գովելի կ՚ըլլայ։

ՀՌՈՎՄԱՅԵՑԻՍ 15:9

եւ որպէսզի բոլոր ազգերը զԱստուած փառաւորեն՝ իր ողորմութեանը համար. ինչպէս Սուրբ գիրքին մէջ գրուած է.– «Ատոր համար ալ բոլոր ազգերուն մէջ պիտի փառաւորեմ քեզ, եւ սաղմոսներով քու անունդ օրհներգեմ»։

ԱՌԱՋԻՆ ԿՈՐՆԹԱՑԻՍ 14:25

իր սրտի գաղտնիքներն են որ երեւան կու գան. եւ ուստի գետին կը խոնարհի ու երկրպագութիւն կ՚ընէ Աստուծոյ, խոստովանելով թէ՝ «Արդարեւ Աստուած ձեր մէջ ներկայ է»։

ԵՐԿՐՈՐԴ ԿՈՐՆԹԱՑԻՍ 1:12

Պարծանքով կրնամ ըսել, եւ խիղճս ալ կը վկայէ, որ բոլորին հանդէպ ու մանաւանդ ձեզի հանդէպ եղած եմ պարզ ու անկեղծ, ինչպէս Աստուած կը կամենայ. ո՛չ թէ մարդկային իմաստութենէ մղուած, այլ՝ Աստուծոյ շնորհքովը։

ԵՐԿՐՈՐԴ ԿՈՐՆԹԱՑԻՍ 13:7

Եւ կը խնդրենք Աստուծմէ, որ չարիք չգործէք։ Ասիկա ըսելով՝ չենք ուզեր մենք մեզ ընտիր ցոյց տալ. ընդհակառակը, կ՚ուզենք որ դուք բարին գործէք, նոյնիսկ մեզ ամօթով ձգելու չափ։

ԵՐԿՐՈՐԴ ԿՈՐՆԹԱՑԻՍ 8:21

Որովհետեւ մեր մտահոգութիւնն է ուղղամիտ ըլլալ՝ ո՛չ միայն Տիրոջ առջեւ, այլ նաեւ՝ մարդոց։

ԵՓԵՍԱՑԻՍ 2:3

Ժամանակ մը մենք բոլորսալ նոյնպէս անհնազանդ էինք եւ մարդկային բնութեան յատուկ ցանկութիւններով կ՚ապրէինք՝ մեր մարմինին ու մտքին բոլոր փափաքները կատարելով, եւ իրապէս Աստուծոյ պատիժին արժանի էինք, միւսներուն պէս։

ԵՓԵՍԱՑԻՍ 4:22

Ուստի մոռցէ՛ք ձեր հին ինքնութիւնը, այսինքն՝ ձեր նախկին ապրելակերպը, որ խաբուսիկ ցանկութիւններով ապականած էր,

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ՓԻԼԻՊՊԵՑԻՍ 4:8

Ի վերջոյ, եղբայրներ, խորհեցէք այն բաները՝ որոնք ճշմարիտ են, պարկեշտ, արդար, մաքուր, սիրելի, բարեհամբաւ, առաքինի եւ գովելի։

ԱՌԱՋԻՆ ԹԵՍԱՂՈՆԻԿԵՑԻՍ 4:12

որպէսզի ձեր պարկեշտ ընթացքով յարգուիք չհաւատացողներէն եւ ոեւէ մէկուն կարօտ չմնաք։

ԱՌԱՋԻՆ ՏԻՄՈԹԷՈՍ 2:2

մանաւանդ թագաւորներուն եւ իշխանութեան գլուխ գտնուող բոլոր մարդոց համար, որպէսզի խաղաղ ու հանդարտ կեանք մը վարենք՝ կատարեալ աստուածպաշտութեամբ եւ պարկեշտութեամբ.

ԱՌԱՋԻՆ ՏԻՄՈԹԷՈՍ 4:12

Եւ որպէսզի ոեւէ մէկը քեզ չարհամարհէ՝ երիտասարդ ըլլալուդ համար, հաւատացեալներուդ օրինակ եղիր՝ խօսքովդ, վարմունքովդ, սիրովդ, հաւատքովդ եւ մաքուր կենցաղովդ։

ԱՌԱՋԻՆ ՏԻՄՈԹԷՈՍ 5:10

եւ բարի գործերով վկայուած են, այսինքն՝ զաւակներ մեծցուցած, հիւրասէր եղած, ճամբորդ հաւատացեալներուն խոնարհաբար ծառայած, նեղութեան մէջ եղողներուն օգնած, եւ իրենք զիրենք ամբողջութեամբ բարեգործութեան տուած են։

ԵԲՐԱՅԵՑԻՍ 13:18

Աղօթեցէ՛ք մեզի համար, որովհետեւ համոզուած ենք թէ մեր խիղճը մաքուր է, եւ կ՚ուզենք ամէն բանի մէջ ուղիղը գործել։

ԵԲՐԱՅԵՑԻՍ 13:5

Դրամասիրութիւնը թող տեղ չունենայ ձեր կեանքին մէջ. գոհացէ՛ք ձեր ունեցածով, որովհետեւ Աստուած ինք կ՚ըսէ. «Բնաւ երեսի վրայ պիտի չձգեմ եւ պիտի չլքեմ քեզ»։

ՅԱԿՈԲՈՒ 3:13

Ձեր մէջ իմաստուն եւ խելացի մարդ կա՞յ. թող ցոյց տայ՝ իր օրինակելի կեանքով եւ հեզութեան ու իմաստութեան արտայայտութիւնը եղող գործերով։

ԱՌԱՋԻՆ ՊԵՏՐՈՍԻ 2:15

Որովհետեւ Աստուծոյ կամքն է՝ որ բարի գործերով պապանձեցնէք անխելք մարդոց տգէտ լեզուները։

ԱՌԱՋԻՆ ՊԵՏՐՈՍԻ 3:16

Թող ձեր խղճմտանքը մաքուր ըլլայ, որպէսզի ամօթով մնան անոնք՝ որ ձեր մասին կը չարախօսեն, ձեր քրիստոնէական բարի կենցաղը բամբասելով։

ԱՌԱՋԻՆ ՊԵՏՐՈՍԻ 4:11

Խօսելո՞ւ պարգեւը ունի. թող Աստուծոյ պատգամները մատակարարէ։ Ծառայելո՞ւ պարգեւը ունի. թող ծառայէ՝ որքան որ Աստուած կարողութիւն կու տայ. որպէսզի ամէն ինչով Աստուած փառաւորուի, Յիսուս Քրիստոսի միջոցաւ։ Անո՛րն են փառքը եւ զօրութիւնը յաւիտեանս յաւիտենից. ամէն։

ԵՐԿՐՈՐԴ ՊԵՏՐՈՍԻ 3:11

Արդ, քանի այս բոլորը այսպէս պիտի չքանան, ի՜նչպիսի անձեր պէտք է ըլլաք դուք։ Մաքուր եւ աստուածապաշտ կեանք մը պէտք է ապրիք,