ԱՌԱՋԻՆ ՊԵՏՐՈՍԻ 1:21 - Western Armenian New Translation - Armenian Catholicosate of Cilicia - New Testament

²¹ Իրմով է որ դուք կը հաւատաք Աստուծոյ. անոր՝ որ մեռելներէն յարուցանեց եւ փառաւորեց զայն, որպէսզի դուք ձեր հաւատքն ու յոյսը Աստուծոյ կապէք։

Արեւմտահայերէն Նոր Կտակարան հարմարցուած․ 2017

²¹ որուն միջոցով Աստուծոյ հաւատացիք, որ զանիկա մեռելներէն յարուցանեց եւ անոր փառաւորութիւն տուաւ, որպէս զի ձեր հաւատքը ու յոյսը Աստուծոյ վրայ ըլլայ։

Western Armenian Bible 1853

²¹ Որուն միջոցով Աստուծոյ հաւատացիք, որ զանիկա մեռելներէն յարուցանեց եւ անոր փառաւորութիւն տուաւ, որպէս զի ձեր հաւատքը ու յոյսը Աստուծոյ վրայ ըլլայ։

ԱՌԱՋԻՆ ՊԵՏՐՈՍԻ 1:21 Iomraidhean Croise

ՄԱՏԹԷՈՍ 28:18

Յիսուս մօտենալով խօսեցաւ անոնց հետ։ Ապա ըսաւ. – Ամէն իշխանութիւն տրուեցաւ ինծի երկինքի մէջ եւ երկրի վրայ։ Ինչպէս որ Հայրը զիս ղրկեց, այնպէս ալ ես ձեզ կը ղրկեմ։

ՅՈՎՀԱՆՆՈԻ 12:44

Եւ Յիսուս բարձրաձայն ըսաւ. – Ով որ ինծի կը հաւատայ, ո՛չ թէ ինծի հաւատացած կ՚ըլլայ, այլ անոր՝ որ զիս ղրկած է։

ՅՈՎՀԱՆՆՈԻ 14:1

Ապա Յիսուս ըսաւ իր աշակերտներուն. – Թող չխռովին ձեր սիրտերը։ Հաւատացէ՛ք Աստուծոյ, հաւատացէ՛ք նաեւ ինծի։

ՅՈՎՀԱՆՆՈԻ 14:6

Յիսուս պատասխանեց անոր. – Ե՛ս եմ ճամբան, ճշմարտութիւնը եւ կեանքը։ Միայն ինձմով կարելի է Հօրս երթալ։

ՅՈՎՀԱՆՆՈԻ 17:1

Յիսուս այս խօսքերը վերջացնելէ ետք աչքերը երկինք բարձրացուց եւ ըսաւ. – Հա՜յր, ժամանակը հասած է, փառաւորէ՛ Որդիդ, որպէսզի Որդիդ ալ քեզ փառաւորէ։

ՅՈՎՀԱՆՆՈԻ 17:24

Հա՛յր, անոնք որոնք ինծի տուիր՝ կ՚ուզեմ որ ինծի հետ ըլլան՝ ո՛ւր որ ըլլամ, որպէսզի տեսնեն իմ փառքս, այն փառքը՝ որ ինծի տուիր, որովհետեւ զիս սիրեցիր աշխարհի ստեղծագործութենէն առաջ։

ՅՈՎՀԱՆՆՈԻ 17:5

Եւ այժմ, ո՜վ Հայր, փառաւորէ՛ զիս այն փառքով որ ունէի քուհետդ՝ աշխարհի գոյութենէն առաջ։

ՅՈՎՀԱՆՆՈԻ 3:34

Ան որ Աստուծոյ կողմէ ղրկուած է՝ Աստուծոյ խօսքերը կը քարոզէ, որովհետեւ Աստուած իր Հոգին ամբողջապէս անոր տուած է։

ԳՈՐԾՔ ԱՌԱՔԵԼՈՑ 2:24

Սակայն Աստուած զայն յարուցանեց, մահուան կապանքները փշրելով, որով ցոյց տուաւ՝ թէ մահը չէր կրնար իշխել անոր վրայ։

ԳՈՐԾՔ ԱՌԱՔԵԼՈՑ 3:13

Աբրահամի, Իսահակի եւ Յակոբի Աստուածն էր, մեր հայրերուն Աստուածը, որ այս հրաշքը կատարելով՝ իր Որդին Յիսուսը փառաւորեց. այն Յիսուսը, որ դուք Պիղատոսի ձեռքը յանձնեցիք, եւ նոյնիսկ երբ Պիղատոս կը խորհէր զայն անպարտ արձակել՝ մերժեցիք։

ԳՈՐԾՔ ԱՌԱՔԵԼՈՑ 3:15

Սպաննեցիք ձեզ դէպի կեանք առաջնորդողը։ Բայց Աստուած զայն մեռելներէն յարուցանեց, եւ մենք ատոր վկայ ենք։

ԳՈՐԾՔ ԱՌԱՔԵԼՈՑ 4:10

Ահա կը յայտարարենք ձեր բոլորին եւ Իսրայէլի ամբողջ ժողովուրդին, թէ այս մարդը, որ ահաւասիկ ձեր բոլորին դիմաց կանգնած է, առողջացաւ Նազովրեցի Յիսուս Քրիստոսի անունով, որ դուք խաչեցիք. բայց Աստուած զայն մեռելներէն յարուցանեց։

ՀՌՈՎՄԱՅԵՑԻՍ 10:9

Որովհետեւ եթէ բերանովդ խոստովանիս թէ Յիսուս Տէր է, եւ սրտիդ մէջ հաւատաս թէ Աստուած զինք մեռելներէն յարուցանեց՝ կը փրկուիս։

ՀՌՈՎՄԱՅԵՑԻՍ 4:24

այլ նաեւ մեզի համար։ Աստուած մե՛զ եւս արդար պիտի համարէ մեր հաւատքին համար, որովհետեւ կը հաւատանք իրեն՝ որ մեռելներէն յարուցանեց Յիսուսը, մեր Տէրը,

ԵՐԿՐՈՐԴ ԿՈՐՆԹԱՑԻՍ 6:15

Ի՞նչ համաձայնութիւն կրնայ ըլլալ Քրիստոսի եւ Սատանային միջեւ, կամ ի՞նչ գործ ունի հաւատացեալը անհաւատին հետ։

ԵՓԵՍԱՑԻՍ 1:15

Ահա թէ ինչո՛ւ, Տէր Յիսուսի վրայ ձեր հաւատքին եւ Աստուծոյ բոլոր ընտրեալներուն հանդէպ ձեր սիրոյն մասին լսելէս ի վեր՝

ԿՈՂՈՍԱՑԻՍ 1:27

Աստուած ուզեց անոնց ցոյց տալ՝ թէ ի՜նչ հարուստ ու փառաւոր է իր ծրագիրը, որ կը վերաբերի բոլոր ազգերուն. եւ այդ ծրագիրն է՝ Քրիստոսը ճանչցնել ձեզի, գալիք փառքին յոյսով։

ԱՌԱՋԻՆ ՏԻՄՈԹԷՈՍ 1:1

Ես՝ Պօղոս, որ Քրիստոս Յիսուսի առաքեալն եմ՝ մեր փրկիչ Աստուծոյ եւ մեր յոյսը եղող Քրիստոս Յիսուսի հրամանով,

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ԵԲՐԱՅԵՑԻՍ 2:9

Մինչդեռ «փառքով ու պատուով» պսակուած կը տեսնենք Յիսուսը, որ «հրեշտակներէն քիչ մը վար» դասուեցաւ՝ մահուան չարչարանքը յանձն առնելու համար, որպէսզի Աստուծոյ շնորհքով բոլոր մարդոց փոխարէն մահը ճաշակէ։

ԵԲՐԱՅԵՑԻՍ 6:1

Ուստի, քրիստոնէականհաւատքինախագիտելիքները ձգելով՝ գանք չափահասներու յատուկ գիտելիքներուն։ Չենք ուզեր վերստին խօսիլ այն հիմնական գիտելիքներուն մասին, որոնք կը վերաբերին՝ մեռելական գործերէ ապաշխարելուն եւ Աստուծոյ հաւատալուն,

ԵԲՐԱՅԵՑԻՍ 7:25

Ուստի նաեւ կրնայ վերջնականապէս փրկել անոնք՝ որոնք իր միջոցաւ Աստուծոյ կու գան, որովհետեւ միշտ կենդանի ըլլալով՝ տեւաբար բարեխօս կ՚ըլլայ անոնց համար։

ԱՌԱՋԻՆ ՊԵՏՐՈՍԻ 1:11

կը փորձէին հասկնալ՝ թէ ի՛նչ ժամանակ եւ ի՛նչ պարագաներ կը ծանուցանէր իրենց մէջ գործող Քրիստոսի Հոգին, որ կանուխէն կը վկայէր Քրիստոսի չարչարանքներուն եւ անոնց յաջորդելիք փառքին մասին։

ԱՌԱՋԻՆ ՊԵՏՐՈՍԻ 1:3

Օրհնեալ է Աստուած, մեր Տիրոջ Յիսուս Քրիստոսի Հայրը, որ իր առատ ողորմութեամբ մեզ վերստին ծնաւ, որպէսզի Յիսուս Քրիստոսի մեռելներէն յարութիւն առնելովը ունենանք այն կենդանի յոյսը՝

ԱՌԱՋԻՆ ՊԵՏՐՈՍԻ 3:22

որ երկինք երթալով Աստուծոյ աջակողմը նստաւ, իր իշխանութեան հնազանդեցնելով հրեշտակները եւ ոգեղէն աշխարհի իշխանութիւններն ու զօրութիւնները։