ԱՌԱՋԻՆ ՊԵՏՐՈՍԻ 1:20 - Western Armenian New Translation - Armenian Catholicosate of Cilicia - New Testament

²⁰ Անիկա աշխարհի ստեղծումէն իսկ առաջ ընտրուած էր, բայց ժամանակներուն վերջաւորութեան երեւցաւ մեզի համար։

Արեւմտահայերէն Նոր Կտակարան հարմարցուած․ 2017

²⁰ որ ճանչցուած էր աշխարհի սկիզբէն առաջ ու վերջին ատենը յայտնուեցաւ ձեզի համար,

Western Armenian Bible 1853

²⁰ Որ ճանչցուած էր աշխարհի սկիզբէն առաջ ու վերջին ատենը յայտնուեցաւ ձեզի համար,

ԱՌԱՋԻՆ ՊԵՏՐՈՍԻ 1:20 Iomraidhean Croise

ՄԱՏԹԷՈՍ 25:34

Յետոյ թագաւորը իր աջ կողմը կեցողներուն պիտի ըսէ. «Եկէ՛ք, Հօրս կողմէ օրհնեալներ, եւ ժառանգեցէք այն արքայութիւնը, որ ձեզի համար աշխարհի սկիզբէն պատրաստուած է։

ԳՈՐԾՔ ԱՌԱՔԵԼՈՑ 2:23

Անիկա Աստուծոյ սահմանած ծրագրին եւ կանխագիտութեան համաձայն ձեր ձեռքը յանձնուեցաւ, եւ դուք անօրէններու ձեռքով զայն խաչի վրայ գամելով՝ սպաննեցիք։

ՀՌՈՎՄԱՅԵՑԻՍ 3:25

Որովհետեւ Աստուած նախասահմանեց, որ Քրիստոս իր թափած արիւնով քաւութեան միջոց ըլլայ անոնց՝ որոնք իրեն կը հաւատան։ Անցեալին մէջ Աստուած իր արդարութիւնը ցոյց կու տար՝ անյիշաչար գտնուելով մարդոց գործած մեղքերուն հանդէպ.

ՀՌՈՎՄԱՅԵՑԻՍ 8:29

Որովհետեւ, Աստուած զանոնք սկիզբէն կը ճանչնար եւ սկիզբէն ալ սահմանեց որ իր Որդիին հարազատ պատկերը ըլլան, որպէսզի Յիսուս բազմաթիւ եղբայրներու մէջ անդրանիկը ըլլայ։

ԳԱՂԱՏԱՑԻՍ 4:4

Բայց հիմա յարմար ժամանակը հասած համարելով, Աստուած աշխարհ ղրկեց իր Որդին, որ կնոջմէ մը ծնաւ եւ Օրէնքին տակ ապրեցաւ,

ԵՓԵՍԱՑԻՍ 1:10

Եւ այդ ծրագիրը սա է, որ երբ ժամանակները իրենց լրումին հասնին՝ Քրիստոս իրմով պիտի բովանդակէ ամէն ինչ որ կայ երկինքի մէջ եւ երկրի վրայ։

ԵՓԵՍԱՑԻՍ 1:4

Անիկա աշխարհի գոյութենէն իսկ առաջ մեզ ընտրած էր՝ Քրիստոսի միջոցաւ իրեն պատկանելու համար, որպէս սուրբ եւ անարատ ժողովուրդ,

ԵՓԵՍԱՑԻՍ 3:11

այնպէս՝ ինչպէս Աստուած սկիզբէն նախասահմանած էր, եւ ինչպէս որ զայն իրագործեց մեր Տիրոջ՝ Յիսուս Քրիստոսի ձեռքով։

ԵՓԵՍԱՑԻՍ 3:9

եւ լուսաւորեմ բոլորը, որպէսզի տեսնեն թէ ի՛նչպէս Աստուած կ՚իրագործէ իր ծրագիրը։ Ան, ամբողջ տիեզերքի արարիչը, անցեալ բոլոր ժամանակներուն ծածուկ պահեց այս ծրագիրը,

ԿՈՂՈՍԱՑԻՍ 1:26

փրկութեան այն ծրագիրը՝ որ Աստուած անցեալ բոլոր դարերուն մարդկութեան բոլոր սերունդներէն ծածուկ պահած էր, եւ որ հիմա յայտնեց իր ընտրեալներուն։

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ԵԲՐԱՅԵՑԻՍ 1:2

իսկ այս վերջին օրերուն մեզի խօսեցաւ իր Որդիին միջոցաւ։ Աստուած զինք ամէն բանի ժառանգորդ կարգեց եւ անոր միջոցաւ էր որ տիեզերքը ստեղծեց։

ԵԲՐԱՅԵՑԻՍ 2:14

Արդ, քանի որ այս զաւակները մարդիկ են, մարմինով ու արիւնով, Քրիստոս ինքն ալ անոնց նման եղաւ, հաղորդակից՝ անոնց մարդկութեան, որպէսզի իր մահով ոչնչացնէ Սատանան, որ մահուան իշխանութիւնը ունէր,

ԵԲՐԱՅԵՑԻՍ 9:26

այլապէս՝ պէտք էր աշխարհին սկիզբէն ի վեր բազմաթիւ անգամներ չարչարուէր։ Մինչդեռ այժմ, ահաւասիկ, երբ ժամանակները իրենց կատարումին կը մօտենան, Քրիստոս յայտնուեցաւ՝ միանգամընդմիշտ ինքզինքը իբրեւ զոհ ընծայելով, մեղքը բնաջինջ ընելու համար։

ԱՌԱՋԻՆ ՊԵՏՐՈՍԻ 1:2

Հայրն Աստուած իր կանխագիտութեամբը ձեզ ընտրեց, որպէսզի Սուրբ Հոգիով սրբուած՝ հնազանդիք Յիսուս Քրիստոսի, եւ իր արիւնովը մաքրուիք։ Շնորհք եւ խաղաղութիւն ձեզի, առատօրէն։

ԱՌԱՋԻՆ ՅՈՎՀԱՆՆՈՒ 1:2

Անիկա նոյնինքն կեանքն էր, որ յայտնուեցաւ։ Մենք տեսանք եւ կը վկայենք, ձեզի պատմելով անոր մասին, այսինքն՝ յաւիտենական կեանքին մասին, որ Հօրը հետ էր եւ այժմ մեզի յայտնուեցաւ։

ԱՌԱՋԻՆ ՅՈՎՀԱՆՆՈՒ 3:5

Գիտէք թէ Քրիստոս աշխարհ եկաւ՝ մեր մեղքերը ջնջելու համար, եւ թէ իր մէջ մեղք չկայ։

ԱՌԱՋԻՆ ՅՈՎՀԱՆՆՈՒ 3:8

Իսկ ով որ մեղք կը գործէ՝ Սատանային հետեւող մըն է, որովհետեւ Սատանան սկիզբէն ի վեր մեղք կը գործէ։ Եւ Աստուծոյ Որդին աշխարհ եկաւ՝Սատանային գործունէութեան վերջ դնելու համար։

ՅԱՅՏՆՈՒԹԻՒՆ 13:8

Եւ անոր պիտի երկրպագեն երկրի բոլոր բնակիչները, անոնք՝ որոնց անունը աշխարհի ստեղծագործութենէն սկսեալ չէ գրուած մորթուած Գառնուկին պատկանող կեանքի գիրքին մէջ։