ԱՌԱՋԻՆ ՊԵՏՐՈՍԻ 1:2 - Western Armenian New Translation - Armenian Catholicosate of Cilicia - New Testament

² Հայրն Աստուած իր կանխագիտութեամբը ձեզ ընտրեց, որպէսզի Սուրբ Հոգիով սրբուած՝ հնազանդիք Յիսուս Քրիստոսի, եւ իր արիւնովը մաքրուիք։ Շնորհք եւ խաղաղութիւն ձեզի, առատօրէն։

Արեւմտահայերէն Նոր Կտակարան հարմարցուած․ 2017

² Հօր Աստուծոյ կանխագիտութեանը համեմատ՝ Հոգիին սրբացնելովը, հնազանդութեան եւ Յիսուս Քրիստոսին արիւնին սրսկուելուն համար. շնորհք եւ խաղաղութիւն ձեր վրայ թող շատնան։

Western Armenian Bible 1853

² Հօր Աստուծոյ կանխագիտութեանը համեմատ՝ Հոգիին սրբացնելովը, հնազանդութեան եւ Յիսուս Քրիստոսին արիւնին սրսկուելուն համար. շնորհք եւ խաղաղութիւն ձեր վրայ թող շատնան։

ԱՌԱՋԻՆ ՊԵՏՐՈՍԻ 1:2 Iomraidhean Croise

ՄԱՏԹԷՈՍ 24:22

Եւ եթէ Աստուած այդ օրերուն թիւը նուազեցուցած չըլլար՝ ո՛չ մէկը պիտի փրկուէր։ Բայց իր ընտրեալներուն համար Աստուած այդ օրերը պիտի նուազեցնէ։

ՄԱՏԹԷՈՍ 24:24

որովհետեւ սուտ քրիստոսներ եւ սուտ մարգարէներ պիտի ելլեն եւ մեծ հրաշքներ ու նշաններ կատարեն՝ որպէսզի մոլորեցնեն, եթէ կարենան, նոյնիսկ Աստուծոյ ընտրեալները։

ՄԱՏԹԷՈՍ 24:31

Երբ մեծաձայն փողը հնչէ, ան իր հրեշտակները պիտի ղրկէ, որպէսզի հաւաքեն իր ընտրեալները աշխարհի չորս կողմերէն, երկինքի մէկ ծայրէն մինչեւ միւսը։

ՄԱՐԿՈՍ 13:20

Եւ եթէ Աստուած իր ընտրեալներուն համար այդ օրերուն թիւը նուազեցուցած չըլլար՝ ո՛չ մէկը պիտի փրկուէր։ Բայց իր ընտրեալներուն համար Աստուած այդ օրերը նուազեցուց։

ՄԱՐԿՈՍ 13:22

որովհետեւ սուտ քրիստոսներ եւ սուտ մարգարէներ պիտի յայտնուին եւ նշաններ ու հրաշքներ կատարելով՝ պիտի մոլորեցնեն, եթէ կարենան, նոյնիսկ Աստուծոյ ընտրեալները։

ՄԱՐԿՈՍ 13:27

Այն ատեն իր հրեշտակները պիտի ղրկէ, որպէսզի աշխարհի չորս կողմերէն իր ընտրեալները հաւաքեն, աշխարհի մէկ ծայրէն մինչեւ միւս ծայրը։

ՂՈԻԿԱՍ 18:7

Իսկ Աստուած որքա՞ն պիտի համբերէ իր ընտրեալներուն կրած անիրաւութեան. պիտի չպաշտպանէ՞ զանոնք, որոնք գիշեր ու ցերեկ իրեն կը դիմեն։

ԳՈՐԾՔ ԱՌԱՔԵԼՈՑ 15:18

Արդարեւ յայտնի են Աստուծոյ բոլոր գործերը, աշխարհի սկիզբէն ի վեր»։

ԳՈՐԾՔ ԱՌԱՔԵԼՈՑ 2:23

Անիկա Աստուծոյ սահմանած ծրագրին եւ կանխագիտութեան համաձայն ձեր ձեռքը յանձնուեցաւ, եւ դուք անօրէններու ձեռքով զայն խաչի վրայ գամելով՝ սպաննեցիք։

ԳՈՐԾՔ ԱՌԱՔԵԼՈՑ 20:32

Եւ հիմա ձեզկը յանձնեմ Աստուծոյ եւ իր շնորհքի Աւետարանին, որ կրնայ ձեզ հոգեւորապէս աճեցնել եւ իր բոլոր սուրբերուն ժառանգակից դարձնել։

ՀՌՈՎՄԱՅԵՑԻՍ 1:5

Ա՛ն էր որ ինծի առաքեալ ըլլալու շնորհքը տուաւ, որպէսզի իր անունին հաւատալու եւ հնազանդելու հրաւիրեմ բոլոր ազգերը,

ՀՌՈՎՄԱՅԵՑԻՍ 1:7

Ողջո՜յն բոլորիդ որ Հռոմ կը բնակիք. ձեզի՝ որ Աստուած սիրեց եւ իր սուրբ ժողովուրդը ըլլալու կանչեց։ Թող Աստուած մեր Հայրը եւ Տէր Յիսուս Քրիստոս շնորհք եւ խաղաղութիւն պարգեւեն ձեզի։

ՀՌՈՎՄԱՅԵՑԻՍ 11:2

«Աստուած չմերժեց իր ժողովուրդը», զոր սկիզբէն ընտրեց։ Կամ չէ՞ք գիտեր ի՛նչ կ՚ըսէ Սուրբ գիրքը Եղիայի մասին, թէ ի՛նչպէս Եղիա Իսրայէլը կ՚ամբաստանէր Աստուծոյ առջեւ, ըսելով.

ՀՌՈՎՄԱՅԵՑԻՍ 11:28

Թէպէտ Աւետարանին հանդէպ իրենց կեցուածքով անոնք Աստուծոյ թշնամի եղան, ինչ որ ձեզի նպաստաւոր եղաւ, բայց Աստուծոյ ընտրութիւնը նկատի ունենալով՝ անոնք սիրելի են Աստուծոյ, իրենց հայրերուն սիրոյն։

ՀՌՈՎՄԱՅԵՑԻՍ 15:16

որպէսզի Քրիստոս Յիսուսի սպասաւորը ըլլամ հեթանոսներուն համար եւ Աստուծոյ Աւետարանին մատակարարման նուիրուիմ, որպէսզի հեթանոսները Աստուծոյ ընծայուին իբրեւ Սուրբ Հոգիով սրբուած ընդունելի պատարագ։

ՀՌՈՎՄԱՅԵՑԻՍ 16:19

Ձեր հնազանդութեան համբաւը ամէն տեղ հասած է, եւ ես ձեզմով ուրախ եմ։ Բայց կ՚ուզեմ որ իմաստուն ըլլաք՝ բարի գործեր կատարելով, եւ անմեղադրելի ըլլաք՝ չար գործերէն հեռու մնալով։

ՀՌՈՎՄԱՅԵՑԻՍ 16:26

Այժմ այդ խորհուրդը, մարգարէական գրութիւններով յայտնուած, մշտնջենաւոր Աստուծոյ հրամանով բոլոր ազգերուն ծանուցուեցաւ, որպէսզի ամէն ոք հաւատայ եւ հնազանդի Քրիստոսի։

ՀՌՈՎՄԱՅԵՑԻՍ 8:13

Որովհետեւ եթէ մարմնաւորապէս ապրիք՝ պիտի մեռնիք. իսկ եթէ Հոգիին օգնութեամբ ձեր մեղքերը սպաննէք՝ պիտի ապրիք։

ՀՌՈՎՄԱՅԵՑԻՍ 8:33

Ո՞վ է որ պիտի մեղադրէ Աստուծոյ ընտրեալները։ Ո՛չ ոք, քանի Աստուած է արդարացնողը։

ԱՌԱՋԻՆ ԿՈՐՆԹԱՑԻՍ 1:30

որովհետեւ Աստուած ի՛նքն էր որ ձեզ բերաւ Քրիստոսի միացուց, եւ մենք Քրիստոսով ճանչցանք Աստուծոյ իմաստութիւնը եւ գտանք մեր արդարութիւնը, սրբութիւնը եւ փրկութիւնը,

ԱՌԱՋԻՆ ԿՈՐՆԹԱՑԻՍ 6:11

Եւ ձեզմէ ոմանք այդպիսին չէի՞ն։ Բայց ձեր մեղքերէն լուացուեցաք, սրբուեցաք, արդարացաք մեր Տիրոջ Յիսուս Քրիստոսի անունով եւ մեր Աստուծոյ Հոգիին միջոցաւ։

ԵՐԿՐՈՐԴ ԿՈՐՆԹԱՑԻՍ 10:5

Եւ մենք կը խորտակենք Աստուծոյ գիտութեան դէմ բարձրացած առարկութեանց բոլոր հպարտ պատնէշները եւ բոլոր միտքերը գերելով՝ Քրիստոսի հնազանդութեան կը բերենք։

ԿՈՂՈՍԱՑԻՍ 3:12

Հետեւաբար, իբրեւ Աստուծոյ կողմէ ընտրուած ու սրբուած եւ իր սէրը վայելող մարդիկ՝ գթասիրտ եղէք. եղէք ողորմած, քաղցր, խոնարհ, հեզ եւ համբերատար։

ԵՐԿՐՈՐԴ ԹԵՍԱՂՈՆԻԿԵՑԻՍ 2:13

Բայց մենք միշտ Աստուծոյ գոհութիւն պէտք է յայտնենք ձեզի համար, եղբայրներ, որովհետեւ Տէրըսիրեց ձեզ։ Աստուած ձեզ ընտրեց՝ որպէս փրկութեան առաջին պտուղները, որպէսզի իր սուրբ ժողովուրդը ըլլաք Սուրբ Հոգիին միջոցաւ եւ ճշմարտութեան հաւատալով։

ԵՐԿՐՈՐԴ ՏԻՄՈԹԷՈՍ 2:10

Ատոր համար ալ ամէն բանի կը համբերեմ՝ Աստուծոյ ընտրեալներուն սիրոյն, որպէսզի անոնք եւս Քրիստոս Յիսուսի միանալով՝ հասնին փրկութեան եւ յաւիտենական փառքին։

ՏԻՏՈՍԻՆ 1:1

Ես, Պօղոս, Աստուծոյ ծառան եւ Յիսուս Քրիստոսի առաքեալը, կոչուած եմ Աստուծոյ ընտրեալները բերելու հաւատքի եւ ճշմարտութեան ճանաչումին, այն ճշմարտութեան՝ որ աստուածպաշտութեամբ կը գտնուի,

ԵԲՐԱՅԵՑԻՍ 10:22

Ուստի անկեղծ սրտով եւ վստահութեամբ լեցուն հաւատքով մօտենանք Աստուծոյ, մեր սիրտերը մաքրած՝ խղճմտանքը ծանրացնող յանցանքներէն եւ մեր մարմինները մաքուր ջուրով լուացած։

ԵԲՐԱՅԵՑԻՍ 11:28

Հաւատքով էր որ Զատիկը հաստատեց եւ հրահանգեց արիւն սրսկել դռներուն վրայ, որպէսզի մահուան հրեշտակը չմօտենայ Իսրայէլի անդրանիկ զաւակներուն։

ԵԲՐԱՅԵՑԻՍ 12:24

Նոր Ուխտի միջնորդին՝ Յիսուսի եւ անոր թափուած արիւնին, որ լաւագոյն արդարութիւն մը կը պահանջէ, քան Աբէլի արիւնը։

ԵԲՐԱՅԵՑԻՍ 5:9

Եւ այսպէս, կատարեալ ըլլալէ ետք, յաւիտենական փրկութեան պատճառ եղաւ բոլոր անոնց համար՝ որոնք իրեն կը հնազանդին,

ԱՌԱՋԻՆ ՊԵՏՐՈՍԻ 1:14

Աստուծոյ հնազանդ զաւակներ եղէք, եւ մի՛ առաջնորդուիք անցեալի ցանկութիւններով, որոնցմով կ՚ապրէիք՝ երբ տակաւին Քրիստոսը չէիք ճանչնար։

ԱՌԱՋԻՆ ՊԵՏՐՈՍԻ 1:19

այլ՝ անբիծ եւ անարատ Գառնուկին՝ Քրիստոսի թանկագին արիւնովը։

ԱՌԱՋԻՆ ՊԵՏՐՈՍԻ 1:20

Անիկա աշխարհի ստեղծումէն իսկ առաջ ընտրուած էր, բայց ժամանակներուն վերջաւորութեան երեւցաւ մեզի համար։

ԱՌԱՋԻՆ ՊԵՏՐՈՍԻ 1:22

Արդ, դուք որ ճշմարտութեան հնազանդելով սրբեցիք ձեր անձերը, որպէսզի անկեղծ եղբայրսիրութեամբ ապրիք, սրտանց սիրեցէ՛ք իրար, մաքուր սրտով։

ԱՌԱՋԻՆ ՊԵՏՐՈՍԻ 2:9

Գալով ձեզի, դուք ընտրուած ցեղ մըն էք, թագաւորելու կոչուած քահանաներ, սուրբ ազգ մը, Աստուծոյ սեփական ժողովուրդը. եւ ձեր պարտականութիւնն է քարոզել զօրութիւնը անոր՝ որ ձեզ խաւարէն իր սքանչելի լոյսին կանչեց։

ԵՐԿՐՈՐԴ ՊԵՏՐՈՍԻ 1:2

Թող ձեր վայելած շնորհքն ու խաղաղութիւնը առատանան՝ Աստուծոյ եւ մեր Տիրոջ Յիսուսի մասին ձեր ունեցած գիտութեամբը։

ԵՐԿՐՈՐԴ ՅՈՎՀԱՆՆՈՒ 1:1

Ես՝ Երէցս, քեզի՛ կը գրեմ, ո՜վ Աստուծմէ ընտրեալ Տիրուհի, եւ կը գրեմ որդեակներուդ, որոնք ճշմարտապէս կը սիրեմ։ Ո՛չ միայն ես, այլ՝ ճշմարտութիւնը ճանչցողները բոլորը կը սիրեն ձեզ,

ԵՐԿՐՈՐԴ ՅՈՎՀԱՆՆՈՒ 1:13

Քու ընտրելակից քոյր Եկեղեցիիդ անդամները քեզի բարեւ ունին։ Աստուծոյ շնորհքը ձեզի հետ ըլլայ։

ՅՈՒԴԱՅԻ 1:2

Թող Աստուած իր ողորմութիւնը, խաղաղութիւնն ու սէրը առատացնէ ձեր վրայ։