ԱՌԱՋԻՆ ՊԵՏՐՈՍԻ 1:18 - Western Armenian New Translation - Armenian Catholicosate of Cilicia - New Testament

¹⁸ գիտնալով որ կորստական արծաթով կամ ոսկիով չէր որ փրկուեցաք ձեր հայրերէն ժառանգած ձեր ունայն կենցաղէն,

Արեւմտահայերէն Նոր Կտակարան հարմարցուած․ 2017

¹⁸ գիտնալով որ դուք ո՛չ թէ ապականացու արծաթով կամ ոսկիով փրկուեցաք, որ ձեր հայրերէն ստացաք անուղիղ ճամբաներով,

Western Armenian Bible 1853

¹⁸ Գիտնալով որ դուք ո՛չ թէ ապականացու արծաթով կամ ոսկիով փրկուեցաք, որ ձեր հայրերէն ստացաք անուղիղ ճամբաներով,

ԱՌԱՋԻՆ ՊԵՏՐՈՍԻ 1:18 Iomraidhean Croise

ՄԱՐԿՈՍ 8:37

Որովհետեւ իր կեանքին փոխարէն ի՞նչ փրկագին կրնայ տալ։

ՀՌՈՎՄԱՅԵՑԻՍ 1:21

Որովհետեւ զԱստուած ճանչնալով հանդերձ՝ իբրեւ Աստուած չփառաւորեցին եւ շնորհակալ չեղան, այլ՝ անհեթեթ խորհուրդներ ունեցան, որով իրենց միտքը անմտութեամբ խաւարեցաւ։

ԱՌԱՋԻՆ ԿՈՐՆԹԱՑԻՍ 3:20

Իսկ ուրիշ տեղ մը գրուած է. «Տէրը գիտէ իմաստուններու խորհուրդները, որոնք անարժէք են»։

ԱՌԱՋԻՆ ԿՈՐՆԹԱՑԻՍ 6:20

այլ Աստուած՝ որ փրկագինով ձեզ գնեց։ Հետեւաբար այնպէս ապրեցէք՝ որ Աստուած փառաւորուի ձեր մարմիններով։

ԱՌԱՋԻՆ ԿՈՐՆԹԱՑԻՍ 7:23

Աստուած փրկագինով ձեզ գնեց. մարդոց ծառայ մի՛ ըլլաք։

ԳԱՂԱՏԱՑԻՍ 1:4

որ իր անձը տուաւ մեր մեղքերուն համար, որպէսզի Աստուծոյ՝ մեր Հօրը կամքով մեզ ազատէ ներկայ չար աշխարհէն։

ԵՓԵՍԱՑԻՍ 4:17

Արդ, Տիրոջ կողմէ կ՚ազդարարեմ ձեզի.– Չըլլայ որ կրկին դառնաք այն կենցաղին, որով հեթանոսները կ՚ապրին անմտօրէն։

ՏԻՏՈՍԻՆ 2:14

Որովհետեւ Քրիստոս իր անձը տուաւ մեզի համար, որպէսզի մեզ ազատէ մեր բոլոր անօրէնութիւններէն, եւ մեզ մաքրելով՝ իր սեփական ժողովուրդը դարձնէ, բարի գործերու նախանձախնդիր։

ԵԲՐԱՅԵՑԻՍ 9:12

Անիկա միանգամընդմիշտ մտաւ Սրբարանը, ո՛չ թէ նոխազներու եւ ցուլերու արիւնով, այլ՝ ի՛ր իսկ սեփական արիւնով, անով մեզի համար յաւիտենական փրկութիւն ապահովելով։

ԱՌԱՋԻՆ ՊԵՏՐՈՍԻ 1:7

Այդպիսով փորձուած ձեր հաւատքը շա՛տ աւելի թանկագին է, քան կորստական ոսկին՝ որ կրակին մէջ կը փորձուի, որուն համար ալ երբ Յիսուս Քրիստոս յայտնուի՝ պիտի գովէ ձեզ եւ փառքի ու պատիւի արժանացնէ։

ԱՌԱՋԻՆ ՊԵՏՐՈՍԻ 4:3

Կը բաւէ՛ որքան անցեալին հեթանոսներուն կամեցած ձեւով ապրեցաք՝ անբարոյութեամբ, հեշտասիրութեամբ, գինեմոլութեամբ, անառակութեամբ, արբեցութեամբ եւ կռապաշտական անօրէն սովորութիւններով։

ԱՌԱՋԻՆ ՅՈՎՀԱՆՆՈՒ 3:5

Գիտէք թէ Քրիստոս աշխարհ եկաւ՝ մեր մեղքերը ջնջելու համար, եւ թէ իր մէջ մեղք չկայ։