ԱՌԱՋԻՆ ՊԵՏՐՈՍԻ 1:12 - Western Armenian New Translation - Armenian Catholicosate of Cilicia - New Testament

¹² Աստուած անոնց յայտնեց, թէ իրենց փոխանցած այդ պատգամները իրենց ժամանակներուն համար չէին, այլ՝ մեզի համար էր որ խօսեցան այն՝ ինչ որ ներկայիս Աւետարանը քարոզող մարդիկ ձեզի փոխանցեցին, երկինքէն ղրկուած Սուրբ Հոգիին մղումով։ Պատգամներ՝ որոնց կատարումը հրեշտակներն իսկ պիտի ուզէին գէթ մասամբ տեսնել։

Արեւմտահայերէն Նոր Կտակարան հարմարցուած․ 2017

¹² Անոնց յայտնուեցաւ, որոնք ո՛չ թէ իրենց՝ հապա մեզի մատակարարեցին այն բաները, որոնք հիմա ձեզի պատմուեցան անոնց ձեռքով՝ որ աւետարանը քարոզեցին ձեզի Սուրբ Հոգիով, որ երկնքէն ղրկուեցաւ. որոնց հրեշտակները կը ցանկան տեսնել ակնկառոյց։

Western Armenian Bible 1853

¹² Անոնց յայտնուեցաւ, որոնք ո՛չ թէ իրենց՝ հապա մեզի մատակարարեցին այն բաները, որոնք հիմա ձեզի պատմուեցան անոնց ձեռքով՝ որ աւետարանը քարոզեցին ձեզի Սուրբ Հոգիով, որ երկնքէն ղրկուեցաւ. որոնց հրեշտակները կը ցանկան տեսնել ակնկառոյց։

ԱՌԱՋԻՆ ՊԵՏՐՈՍԻ 1:12 Iomraidhean Croise

ՄԱՏԹԷՈՍ 11:25

Այն ատեն Յիսուս այսպէս աղօթեց. – Հա՜ յր, երկինքի եւ երկրի Տէր, շնորհակալ եմ քեզի, որ իմաստուններէն եւ գիտուններէն ծածկեցիր այն՝ ինչ որ յայտնեցիր պարզ ու համեստ մարդոց։

ՄԱՏԹԷՈՍ 11:27

Հայրս ամէն ինչ տուած է ինծի, եւ ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՄԱՏԹԷՈՍ 16:17

Յիսուս ըսաւ անոր. – Երանի՜ քեզի, Սիմոն, Յովնանի որդի, որովհետեւ ատիկա քեզի յայտնողը մարդ մը չէր, այլ իմ Հայրս, որ երկինքի մէջ է։

ՄԱՐԿՈՍ 16:15

Եւ ըսաւ անոնց. – Գացէք ամբողջ աշխարհը եւ բոլոր մարդոց քարոզեցէք Աւետարանը։

ՂՈԻԿԱՍ 15:10

Կ՚ըսեմ ձեզի, Աստուծոյ հրեշտակները նոյն ձեւով պիտի ուրախանան մեղաւորի մը համար, որ կ՚ապաշխարէ։

ՂՈԻԿԱՍ 2:26

եւ վստահեցուցած էր զինք՝ թէ Տիրոջ Օծեալը չտեսած պիտի չմեռնէր։

ՂՈԻԿԱՍ 9:6

Աշակերտները մեկնելով՝ սկսան շրջիլ քաղաքներն ու գիւղերը՝ Աւետարանը քարոզելով եւ հիւանդները բժշկելով ամէն տեղ։

ՅՈՎՀԱՆՆՈԻ 15:26

Բայց երբ գայ Մխիթարիչը, այսինքն Սուրբ Հոգին, որ ես ձեզի պիտի ղրկեմ Հօրմէն, որովհետեւ Հօրմէն կ՚ելլէ, անիկա ճշմարտութիւնը պիտի պատմէ եւ վկայէ իմ մասիս։

ԳՈՐԾՔ ԱՌԱՔԵԼՈՑ 10:44

Մինչ Պետրոս կը խօսէր, Սուրբ Հոգին իջաւ բոլորին վրայ, որոնք Աստուծոյ խօսքը կը լսէին։

ԳՈՐԾՔ ԱՌԱՔԵԼՈՑ 16:10

Այս տեսիլքին վրայ ուզեցինք շուտով Մակեդոնիա անցնիլ, հետեւցնելով՝ թէ Տէրը մեզ հրաւիրեց որ Աւետարանը քարոզենք Մակեդոնացիներուն։

ԳՈՐԾՔ ԱՌԱՔԵԼՈՑ 2:33

Աստուած իր աջով զայն իր մօտ բարձրացուց, եւ Յիսուս իր Հօրմէն առնելով Սուրբ Հոգին, որ ան տալ խոստացեր էր, զայն մեր վրայ սփռեց, ինչ որ ահա դուք անձամբ կը տեսնէք ու կը լսէք։

ԳՈՐԾՔ ԱՌԱՔԵԼՈՑ 4:31

Երբ անոնք աղօթեցին, հաւաքատեղին շարժեցաւ. բոլորը Սուրբ Հոգիով լեցուեցան եւ սկսան համարձակ կերպով Աստուծոյ խօսքը քարոզել։

ԳՈՐԾՔ ԱՌԱՔԵԼՈՑ 4:8

Այն ատեն Պետրոս Սուրբ Հոգիով լեցուեցաւ եւ պատասխանեց. –Դուք որ այս ժողովուրդին իշխաններն էք եւ Իսրայէլի երէցները, ըսէք՝ թէ ինչո՛ւ կը դատէք մեզ այսօր.

ԳՈՐԾՔ ԱՌԱՔԵԼՈՑ 8:25

Իսկ առաքեալները իրենց վկայութիւնը տալէ եւ Տիրոջ խօսքը քարոզելէ ետք՝ վերադարձան Երուսաղէմ, ճամբու վրայ Սամարիայի բազմաթիւ գիւղերու մէջ Աւետարանը քարոզելով։

ՀՌՈՎՄԱՅԵՑԻՍ 1:15

այնպէս ալ պարտական կը զգամ յօժարութեամբ աւետարանել ձեզի, որ Հռոմի մէջ էք։

ՀՌՈՎՄԱՅԵՑԻՍ 1:17

Որովհետեւ Աւետարանը կը յայտնէ թէ Աստուած ի՛նչպէս մարդիկը արդար կը սեպէ իրենց հաւատքով՝ որպէսզի հաւատան. ինչպէս որ գրուած է, «Արդարը իր հաւատքով պիտի փրկուի»։

ՀՌՈՎՄԱՅԵՑԻՍ 10:15

եւ կամ՝ ի՞նչպէս պիտի քարոզէին զայն, առանց Աստուծմէ ղրկուած ըլլալու։ Այդ քարոզութեան կ՚ակնարկէ մարգարէն, երբ կը գրէ. «Ի՜նչ գեղեցիկ է տեսնել աւետիս բերողները, որոնք կու գան խաղաղութեան լուրը տալու եւ գալիք բարօրութիւնը աւետելու»։

ՀՌՈՎՄԱՅԵՑԻՍ 15:19

զօրաւոր նշաններով ու հրաշքներով, Սուրբ Հոգիին զօրութեամբ։ Այնպէս որ Երուսաղէմէն սկսեալ մինչեւ Իլլիրիկում՝ ամէն կողմ Քրիստոսի Աւետարանը տարածեցի։

ԱՌԱՋԻՆ ԿՈՐՆԹԱՑԻՍ 2:10

Բայց Աստուած մեզի յայտնեց այդ խորհուրդը իր Հոգիին միջոցաւ, որովհետեւ Հոգին, որ ամէն ինչ կը քննէ, գիտէ Աստուծոյ նոյնիսկ ամենածածուկ ծրագիրները։

ԵՐԿՐՈՐԴ ԿՈՐՆԹԱՑԻՍ 1:22

եւ իր կնիքը դրաւ մեր վրայ, մեզի տալով Սուրբ Հոգին՝ իբրեւ գրաւական մեր ստանալիք ժառանգութեան։

ԵՐԿՐՈՐԴ ԿՈՐՆԹԱՑԻՍ 6:6

Այս բոլորը տարէք՝ մաքուր սրտով, գիտակցօրէն, համբերատարութեամբ, քաղցրութեամբ, Սուրբ Հոգիով, անկեղծ սիրով,

ԳԱՂԱՏԱՑԻՍ 1:12

եւ ես ալ զայն ոեւէ մարդէ չառի կամ ոեւէ մէկէն չսորվեցայ։ Յիսուս Քրիստոս ի՛նք յայտնեց ինծի։

ԳԱՂԱՏԱՑԻՍ 1:16

երբ կամեցաւ իր Որդին յայտնել ինծի՝ որպէսզի բոլոր ազգերուն քարոզեմ, չաճապարեցի ոեւէ մէկուն խորհուրդը ուզելու,

ԵՓԵՍԱՑԻՍ 3:10

որպէսզի ներկայ ժամանակին եկեղեցիին միջոցաւ Աստուծոյ բազմապատիկ իմաստութիւնը յայտնուի երկինքի մէջ գտնուող իշխանութիւններուն ու պետութիւններուն,

ԱՌԱՋԻՆ ԹԵՍԱՂՈՆԻԿԵՑԻՍ 2:9

Վստահաբար կը յիշէք, եղբայրներ, մեր ծանր աշխատանքն ու յոգնութիւնը. թէ ի՛նչպէս մէկ կողմէ գիշերցերեկ կ՚աշխատէինք՝ ձեզմէ ոեւէ մէկուն բեռ չըլլալու համար, եւ միւս կողմէ Աստուծոյ Աւետարանը կը քարոզէինք ձեզի։

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ԵԲՐԱՅԵՑԻՍ 11:13

Յիշուած բոլոր անձերն ալ հաւատքով մեռան, առանց խոստացուած բաները ստացած ըլլալու. այլ միայն հեռուէն տեսան զանոնք եւ ուրախացան, խոստովանելով՝ թէ իրենք օտար եւ պանդուխտ են այս աշխարհի մէջ։

ԵԲՐԱՅԵՑԻՍ 2:4

Աստուած ինք ալ այդ փրկութեան իր վկայութիւնը տուաւ՝ նշաններով ու հրաշքներով, բազմատեսակ սքանչելիքներով եւ Սուրբ Հոգիին պարգեւներովը, ինչպէս որ ինք կամեցաւ։

ԵԲՐԱՅԵՑԻՍ 4:2

Որովհետեւ մեզի՛ եւս այդ աւետիսը տրուած է, ճիշդ ինչպէս անապատին մէջ եղողներուն տրուեցաւ։ Բայց աւետիսը լսելը օգուտ չըրաւ անոնց, որովհետեւ հաւատքով չկապուեցան իրենց լսածին։

ԱՌԱՋԻՆ ՊԵՏՐՈՍԻ 1:25

բայց Տիրոջ խօսքը յաւիտեան կը մնայ»։ Այդ խօսքը այն Աւետարանն է, որ ձեզի քարոզուեցաւ։

ԱՌԱՋԻՆ ՊԵՏՐՈՍԻ 4:6

Ահա թէ ինչու՝ Քրիստոս գնաց եւ Աւետարանը մեռելներուն ալ քարոզեց, որպէսզի անոնք բոլոր մարդոց պէս իբրեւ մարմին մահուան դատապարտուելով հանդերձ՝ իբրեւ հոգի ապրին, ինչպէս Աստուած կ՚ապրի։

ՅԱՅՏՆՈՒԹԻՒՆ 5:11

Տեսայ նաեւ եւ լսեցի ձայնը բազմաթիւ հրեշտակներու, որոնք կանգնած էին գահին, չորս կենդանիներուն եւ երէցներուն շուրջ։ Անոնք տասնեակ հազարներով եւ միլիոններով էին,