ԱՌԱՋԻՆ ՊԵՏՐՈՍԻ 1:1 - Western Armenian New Translation - Armenian Catholicosate of Cilicia - New Testament

¹ Ես՝ Պետրոս, Յիսուս Քրիստոսի առաքեալը, կը գրեմ Աստուծոյ ընտրեալներուդ, որ պանդուխտներու պէս կ՚ապրիք Պոնտոս, Գաղատիա, Կապադովկիա, Ասիա եւ Բիւթանիա նահանգներու տարածքին։

Արեւմտահայերէն Նոր Կտակարան հարմարցուած․ 2017

¹ Պետրոս՝ Յիսուս Քրիստոսի առաքեալ՝ օտարականներուդ, որ ցրուած էք Պոնտոսի, Գաղատիայի, Կապադովկիայի, Ասիայի ու Բիւթանիայի մէջ, ընտրուած՝

Western Armenian Bible 1853

¹ Պետրոս՝ Յիսուս Քրիստոսի առաքեալ՝ օտարականներուդ, որ ցրուած էք Պոնտոսի, Գաղատիայի, Կապադովկիայի, Ասիայի ու Բիւթանիայի մէջ, ընտրուած՝

ԱՌԱՋԻՆ ՊԵՏՐՈՍԻ 1:1 Iomraidhean Croise

ՄԱՏԹԷՈՍ 10:2

Տասներկու առաքեալներուն անուններն են.– Առաջին՝ Սիմոն, որ Պետրոս կոչուեցաւ, եւ եղբայրը՝ Անդրէաս,

ՄԱՏԹԷՈՍ 24:22

Եւ եթէ Աստուած այդ օրերուն թիւը նուազեցուցած չըլլար՝ ո՛չ մէկը պիտի փրկուէր։ Բայց իր ընտրեալներուն համար Աստուած այդ օրերը պիտի նուազեցնէ։

ՄԱՏԹԷՈՍ 4:18

Մինչ Յիսուս Գալիլեայի լիճին եզերքը կը շրջէր, տեսաւ երկու եղբայրներ, որոնք ձկնորս էին. Սիմոնը՝ որ Պետրոս կը կոչուէր եւ անոր եղբայրը՝ Անդրէասը, որոնք ուռկանը ջուրը կը նետէին ձուկ որսալու համար։

ՂՈԻԿԱՍ 18:7

Իսկ Աստուած որքա՞ն պիտի համբերէ իր ընտրեալներուն կրած անիրաւութեան. պիտի չպաշտպանէ՞ զանոնք, որոնք գիշեր ու ցերեկ իրեն կը դիմեն։

ՅՈՎՀԱՆՆՈԻ 11:52

Եւ ո՛չ միայն Հրեայ ժողովուրդին համար, այլ՝ որպէսզի Աստուծոյ ցրուած որդիներն ալ ի մի հաւաքէ։

ՅՈՎՀԱՆՆՈԻ 7:35

Հրեայ ղեկավարները իրարու ըսին. – Ինչու ո՞ւր պիտի երթայ, որ զինք պիտի չգտնենք։ Արդեօք հեթանոսներուն մէջ ցրուած Հրեաներո՞ւն պիտի երթայ, կամ արդեօք հեթանոսներո՞ւն պիտի ուսուցանէ։

ԳՈՐԾՔ ԱՌԱՔԵԼՈՑ 18:2

Այնտեղ գտաւ ծնունդով Պոնտացի Հրեայ մը, Ակիլաս անունով, որ իր կնոջ՝ Պրիսկիլայի հետ դեռ նոր եկած էր Իտալիայէն, որովհետեւ Կլաւդիոս կայսր հրամայած էր որ բոլոր Հրեաները Հռոմէն հեռացուին։ Պօղոս անոնց քով մնաց,

ԳՈՐԾՔ ԱՌԱՔԵԼՈՑ 18:23

Ժամանակ մը հոն մնալէ ետք՝ ելաւ եւ սկսաւ շրջիլ նախ Գաղատացիներու երկիրը եւ ապա Փռիւգիա, զօրացնելով Տիրոջ բոլոր աշակերտածները։

ԳՈՐԾՔ ԱՌԱՔԵԼՈՑ 19:10

Երկու տարի այսպէս շարունակուեցաւ. այնպէս որ Ասիա նահանգի բոլոր բնակիչները, Հրեայ թէ Յոյն, Տիրոջ խօսքը լսեցին։

ԳՈՐԾՔ ԱՌԱՔԵԼՈՑ 6:9

Այդ իսկ պատճառով, Լիպիացիներու, Կիրենացիներու, Աղեքսանդրացիներու, Կիլիկեցիներու եւ Ասիացիներու ժողովարանէն կարգ մը Հրեաներ եկան Ստեփանոսի հետ վիճաբանելու։

ԳՈՐԾՔ ԱՌԱՔԵԼՈՑ 8:4

Ասոր վրայ՝ հաւատացեալները ցրուեցան եւ երկրին զանազան կողմերը շրջելով Աւետարանի պատգամը կը քարոզէին։

ԱՌԱՋԻՆ ԿՈՐՆԹԱՑԻՍ 16:19

Ասիա նահանգի եկեղեցիները բարեւ ունին ձեզի։ Շատ բարեւ ունին նաեւ Ակիլասն ու Պրիսկան, որոնք Տիրոջ հաւատացողներ են, եւ ամբողջ եկեղեցին որ անոնց տունը կը հաւաքուի։

ԵՐԿՐՈՐԴ ԿՈՐՆԹԱՑԻՍ 1:8

Եղբայրնե՛ր, կ՚ուզեմ որ գիտնաք՝ թէ ի՜նչ նեղութիւն կրեցինք Ասիա նահանգին մէջ։ Մեր կարողութենէն ա՛յնքան վեր էր բեռը, որ գրեթէ ապրելու յոյսը կորսնցուցինք։

ԳԱՂԱՏԱՑԻՍ 1:2

կը գրեմ ձեզի՝ Գաղատիայի եկեղեցիներուն, եւ ինծի կը միանան այն բոլոր եղբայրները, որոնք հետս են։

ԵՓԵՍԱՑԻՍ 2:12

Ըսել կ՚ուզեմ, թէ այն ատեն դեռ չէիք ճանչնար Քրիստոսը, մաս չէիք կազմեր Աստուծոյ ընտրեալ ժողովուրդին, եւ հետեւաբար օտար էիք, կտրուած էիք Աստուծոյ խոստումով կնքուած ուխտերէն, եւ այս աշխարհի մէջ կ՚ապրէիք առանց յոյսի եւ առանց Աստուծոյ։

ԵՓԵՍԱՑԻՍ 2:19

Հետեւաբար այլեւս Աստուծոյ համար օտար եւ խորթ չէք, այլ՝ Աստուծոյ ժողովուրդին հետ համաքաղաքացի էք եւ Աստուծոյ ընտանիքին հարազատ անդամները։

ԵՐԿՐՈՐԴ ՏԻՄՈԹԷՈՍ 1:15

Կ՚ուզեմ որ գիտնաս, թէ Ասիա նահանգի բոլոր եղբայրները լքեցին զիս, որոնց մէջ՝ նաեւ Ֆիգելոսն ու Հերմոգենէսը։

ԵԲՐԱՅԵՑԻՍ 11:13

Յիշուած բոլոր անձերն ալ հաւատքով մեռան, առանց խոստացուած բաները ստացած ըլլալու. այլ միայն հեռուէն տեսան զանոնք եւ ուրախացան, խոստովանելով՝ թէ իրենք օտար եւ պանդուխտ են այս աշխարհի մէջ։

ՅԱԿՈԲՈՒ 1:1

Ես, Յակոբոս, Աստուծոյ եւ Տէր Յիսուս Քրիստոսի ծառան, կ՚ողջունեմ ձեզ՝ Աստուծոյ ժողովուրդին անդամներդ, որ համայն աշխարհի մէջ ցրուած էք։

ԱՌԱՋԻՆ ՊԵՏՐՈՍԻ 2:11

Կ՚աղաչեմ, սիրելինե՛ր, իբրեւ աշխարհի մէջ պանդուխտներ եւ օտարականներ՝ հեռո՛ւ մնացէք մարմնական ցանկութիւններէն, որոնք հոգիին դէմ կը պատերազմին։

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ՅԱՅՏՆՈՒԹԻՒՆ 1:11

որ ինծի կ՚ըսէր. –Գիրքի մը մէջ գրի՛ առ ինչ որ կը տեսնես, եւ գիրքը ղրկէ եօթը եկեղեցիներուն, որոնք կը գտնուին Եփեսոսի, Զմիռնիայի, Պերգամոնի, Թիատիրի, Սարդիկէի, Ֆիլատելֆիայի եւ Լաւոդիկիայի մէջ։