ԱՌԱՋԻՆ ՅՈՎՀԱՆՆՈՒ 5:9 - Western Armenian New Translation - Armenian Catholicosate of Cilicia - New Testament

⁹ Եթէ մարդոց վկայութիւնը կ՚ընդունինք, ի՞նչպէս չընդունինք Աստուծոյ վկայութիւնը, որ աւելի մեծ է. իսկ Աստուծոյ վկայութիւնը՝ իր Որդիին համար տուած վկայութիւնն է։

Արեւմտահայերէն Նոր Կտակարան հարմարցուած․ 2017

⁹ Եթէ մարդոց վկայութիւնը կ’ընդունինք, Աստուծոյ վկայութիւնը աւելի մեծ է. վասն զի ասիկա է Աստուծոյ վկայութիւնը, որ իր Որդիին համար վկայեց։

Western Armenian Bible 1853

⁹ Եթէ մարդոց վկայութիւնը կ’ընդունինք, Աստուծոյ վկայութիւնը աւելի մեծ է. վասն զի ասիկա է Աստուծոյ վկայութիւնը, որ իր Որդիին համար վկայեց։

ԱՌԱՋԻՆ ՅՈՎՀԱՆՆՈՒ 5:9 Iomraidhean Croise

ՄԱՏԹԷՈՍ 17:5

Մինչ Պետրոս կը խօսէր, ահա լուսաւոր ամպ մը ծածկեց զիրենք. ամպին մէջէն ձայն մը լսուեցաւ, որ կ՚ըսէր. – Այս է իմ սիրելի Որդիս, որուն ես հաճեցայ. անոր մտիկ ըրէք։

ՅՈՎՀԱՆՆՈԻ 10:38

իսկ եթէ կը կատարեմ՝ նոյնիսկ եթէ ինծի չէք հաւատար, բայց գործերուս հաւատացէք, որպէսզի գիտնաք ու ճանչնաք թէ Հայրը իմ մէջս է եւ ես՝ Հօրս մէջ։

ՅՈՎՀԱՆՆՈԻ 5:39

Քննեցէ՛ք Սուրբ գիրքերը, քանի կը կարծէք թէ անոնցմով յաւիտենական կեանք պիտի ունենաք. եւ նոյն գիրքերն են որ կը վկայեն իմ մասիս։

ԳՈՐԾՔ ԱՌԱՔԵԼՈՑ 17:31

Որովհետեւ օր մը սահմանեց, երբ արդարութեամբ պիտի դատէ ամբողջ աշխարհը մարդու մը ձեռքով, որուն միջոցաւ ուզեց հաւատք ներշնչել բոլորին՝ զայն մեռելներէն յարուցանելով։

ԳՈՐԾՔ ԱՌԱՔԵԼՈՑ 5:32

Այս իրողութիւններուն վկաներն ենք մենք, ինչպէս նաեւ Սուրբ Հոգին, որ Աստուած տուաւ իրեն հնազանդողներուն։

ԵԲՐԱՅԵՑԻՍ 2:4

Աստուած ինք ալ այդ փրկութեան իր վկայութիւնը տուաւ՝ նշաններով ու հրաշքներով, բազմատեսակ սքանչելիքներով եւ Սուրբ Հոգիին պարգեւներովը, ինչպէս որ ինք կամեցաւ։

ԵԲՐԱՅԵՑԻՍ 6:18

Աստուած այս երկու բաները, խոստումն ու երդումը, որոնք անփոփոխելի են եւ որոնց կապակցութեամբ անկարելի է որ ստէ, տուաւ՝ որպէսզի մենք որ իրեն ապաւինեցանք՝ մեծապէս քաջալերուինք եւ մեզի տրուած յոյսին կառչինք։

ԱՌԱՋԻՆ ՅՈՎՀԱՆՆՈՒ 5:10

Ով որ Աստուծոյ Որդիին կը հաւատայ՝ իր մէջ ունի այս վկայութիւնը. իսկ ով որ չի հաւատար՝ ստախօս կը հանէ զԱստուած, որովհետեւ չի հաւատար այն վկայութեան, որ Աստուած իր Որդիին համար կու տայ։

ԱՌԱՋԻՆ ՅՈՎՀԱՆՆՈՒ 5:8

Եւ այս երեք վկաները՝ Սուրբ Հոգին, մկրտութեան ջուրը եւ արիւնը, երեքն ալ նոյն վկայութիւնը կու տան։