ԱՌԱՋԻՆ ՅՈՎՀԱՆՆՈՒ 5:7 - Western Armenian New Translation - Armenian Catholicosate of Cilicia - New Testament

⁷ Եւ Սուրբ Հոգին ինք կը վկայէ ատոր ճշմարտութեան, որովհետեւ Հոգին ինք ճշմարտութիւնն իսկ է։

Արեւմտահայերէն Նոր Կտակարան հարմարցուած․ 2017

⁷ Վասն զի երեք են որ երկնքի մէջ կը վկայեն, Հայրը, Բանը ու Սուրբ Հոգին եւ այս երեքը մէկ են։

Western Armenian Bible 1853

⁷ Վասն զի երեք են որ երկնքի մէջ կը վկայեն, Հայրը, Բանը ու Սուրբ Հոգին եւ այս երեքը մէկ են։

ԱՌԱՋԻՆ ՅՈՎՀԱՆՆՈՒ 5:7 Iomraidhean Croise

ՄԱՏԹԷՈՍ 17:5

Մինչ Պետրոս կը խօսէր, ահա լուսաւոր ամպ մը ծածկեց զիրենք. ամպին մէջէն ձայն մը լսուեցաւ, որ կ՚ըսէր. – Այս է իմ սիրելի Որդիս, որուն ես հաճեցայ. անոր մտիկ ըրէք։

ՄԱՏԹԷՈՍ 18:16

Իսկ եթէ մտիկ չընէ քեզի՝ հետդ մէկ կամ երկու հոգի եւս առ, որպէսզի «երկու կամ երեք վկաներու բերնով հաստատուի ամէն ամբաստանութիւն»։

ՄԱՏԹԷՈՍ 28:19

Հետեւաբար, գացէք եւ բոլոր ժողովուրդները ինծի աշակերտ դարձուցէք։ Զանոնք մկրտեցէք՝ Հօր, Որդիին եւ Սուրբ Հոգիին անունով։

ՅՈՎՀԱՆՆՈԻ 1:1

Աշխարհիստեղծագործութենէն առաջ գոյութիւնունէր Բանը։ Բանը Աստուծոյ հետ էր եւ Բանը Աստուած էր։

ՅՈՎՀԱՆՆՈԻ 10:30

Ես եւ Հայրս մէկ ենք։

ՅՈՎՀԱՆՆՈԻ 12:28

Հա՜յր, փառաւորէ՛ քու անունդ։ Ձայն մը եկաւ երկինքէն, որ կ՚ըսէր. – Փառաւորեցի եւ դարձեալ պիտի փառաւորեմ։

ՅՈՎՀԱՆՆՈԻ 14:17

Անիկա Սուրբ Հոգին է, որ ճշմարտութիւնը կը յայտնէ։ Աշխարհը չի կրնար զայն ընդունիլ, որովհետեւ ո՛չ կը տեսնէ եւ ո՛չ ալ կը ճանչնայ զայն։ Բայց դուք կը ճանչնաք զայն, որովհետեւ ձեր մէջ պիտի մնայ եւ ձեր հետ պիտի ըլլայ։

ՅՈՎՀԱՆՆՈԻ 15:26

Բայց երբ գայ Մխիթարիչը, այսինքն Սուրբ Հոգին, որ ես ձեզի պիտի ղրկեմ Հօրմէն, որովհետեւ Հօրմէն կ՚ելլէ, անիկա ճշմարտութիւնը պիտի պատմէ եւ վկայէ իմ մասիս։

ՅՈՎՀԱՆՆՈԻ 5:26

Որովհետեւ, ինչպէս որ Հայրը կեանք պարգեւելու զօրութիւնը ունի իր մէջ, այդ զօրութիւնը տուած է նաեւ Որդիին։

ՅՈՎՀԱՆՆՈԻ 8:18

Ես եմ իմ մասիս վկայողը, եւ Հայրը որ զիս ղրկեց՝ ան ալ կը վկայէ իմ մասիս։

ՅՈՎՀԱՆՆՈԻ 8:54

Յիսուս պատասխանեց. – Եթէ ես ինքզինքս փառաւորեմ՝ այդ փառքը ոչինչ կ՚արժէ։ Ան որ զիս կը փառաւորէ՝ իմ Հայրս է, որուն համար կ՚ըսէք՝ «Մեր Աստուածն է»։

ԳՈՐԾՔ ԱՌԱՔԵԼՈՑ 2:33

Աստուած իր աջով զայն իր մօտ բարձրացուց, եւ Յիսուս իր Հօրմէն առնելով Սուրբ Հոգին, որ ան տալ խոստացեր էր, զայն մեր վրայ սփռեց, ինչ որ ահա դուք անձամբ կը տեսնէք ու կը լսէք։

ԳՈՐԾՔ ԱՌԱՔԵԼՈՑ 5:32

Այս իրողութիւններուն վկաներն ենք մենք, ինչպէս նաեւ Սուրբ Հոգին, որ Աստուած տուաւ իրեն հնազանդողներուն։

ԱՌԱՋԻՆ ՅՈՎՀԱՆՆՈՒ 1:1

Մենք լսեցինք, մերաչքերով տեսանք եւմեր ձեռքերով շօշափեցինք Որդին, Բանը, որ սկիզբէն իսկ կեանքի ստեղծիչն էր։

ԱՌԱՋԻՆ ՅՈՎՀԱՆՆՈՒ 5:6

Ի՛նքն էր, Յիսուս Քրիստոսը, որ մեզ սրբելու եկաւ իր մկրտութեամբ եւ իր արիւնով։ Ո՛չ միայն ջուրով, այլ՝ ջուրով եւ արիւնով։

ԱՌԱՋԻՆ ՅՈՎՀԱՆՆՈՒ 5:8

Եւ այս երեք վկաները՝ Սուրբ Հոգին, մկրտութեան ջուրը եւ արիւնը, երեքն ալ նոյն վկայութիւնը կու տան։

ՅԱՅՏՆՈՒԹԻՒՆ 19:13

Հագած էր պատմուճան մը, որ արիւնով ներկուած էր. իր անունն է՝ «ԱՍՏՈՒԾՈՅ ԽՕՍՔԸ»։