ԱՌԱՋԻՆ ՅՈՎՀԱՆՆՈՒ 5:6 - Western Armenian New Translation - Armenian Catholicosate of Cilicia - New Testament

⁶ Ի՛նքն էր, Յիսուս Քրիստոսը, որ մեզ սրբելու եկաւ իր մկրտութեամբ եւ իր արիւնով։ Ո՛չ միայն ջուրով, այլ՝ ջուրով եւ արիւնով։

Արեւմտահայերէն Նոր Կտակարան հարմարցուած․ 2017

⁶ Ասիկա է, որ եկաւ ջուրով եւ արիւնով, այսինքն Յիսուս Քրիստոս. ո՛չ միայն ջուրով, հապա ջուրով եւ արիւնով եւ Հոգին է, որ կը վկայէ, վասն զի Հոգին ճշմարտութիւն է։

Western Armenian Bible 1853

⁶ Ասիկա է, որ եկաւ ջուրով եւ արիւնով, այսինքն Յիսուս Քրիստոս. ո՛չ միայն ջուրով, հապա ջուրով եւ արիւնով եւ Հոգին է, որ կը վկայէ, վասն զի Հոգին ճշմարտութիւն է։

ԱՌԱՋԻՆ ՅՈՎՀԱՆՆՈՒ 5:6 Iomraidhean Croise

ՄԱՏԹԷՈՍ 26:28

Բոլորդ խմեցէք ասկէ. ասիկա իմ արիւնս է, որով Աստուծոյ հետ նոր ուխտ կը կնքուի եւ որ շատերու համար կը թափուի՝ իրենց մեղքերու թողութեան համար։

ՄԱՏԹԷՈՍ 3:16

Յիսուս մկրտուելէ ետք՝ անմիջապէս ջուրէն դուրս ելաւ։ Եւ ահա երկինքը բացուեցաւ, եւ տեսաւ Աստուծոյ Հոգին, որ աղաւնիի նման կ՚իջնէր եւ կու գար իր վրայ։

ՄԱՐԿՈՍ 14:24

Յիսուս ըսաւ անոնց. – Ասիկա նոր ուխտի արիւնս է, որ շատերուն համար կը հոսի։

ՂՈԻԿԱՍ 22:20

Նոյնպէս, ընթրիքէն ետք, բաժակն ալ առաւ եւ ըսաւ. – Այս բաժակը Աստուծոյ նոր ուխտն է, կնքուած իմ արիւնովս, որ ձեզի համար կը հոսի։

ՅՈՎՀԱՆՆՈԻ 14:17

Անիկա Սուրբ Հոգին է, որ ճշմարտութիւնը կը յայտնէ։ Աշխարհը չի կրնար զայն ընդունիլ, որովհետեւ ո՛չ կը տեսնէ եւ ո՛չ ալ կը ճանչնայ զայն։ Բայց դուք կը ճանչնաք զայն, որովհետեւ ձեր մէջ պիտի մնայ եւ ձեր հետ պիտի ըլլայ։

ՅՈՎՀԱՆՆՈԻ 14:6

Յիսուս պատասխանեց անոր. – Ե՛ս եմ ճամբան, ճշմարտութիւնը եւ կեանքը։ Միայն ինձմով կարելի է Հօրս երթալ։

ՅՈՎՀԱՆՆՈԻ 15:26

Բայց երբ գայ Մխիթարիչը, այսինքն Սուրբ Հոգին, որ ես ձեզի պիտի ղրկեմ Հօրմէն, որովհետեւ Հօրմէն կ՚ելլէ, անիկա ճշմարտութիւնը պիտի պատմէ եւ վկայէ իմ մասիս։

ՅՈՎՀԱՆՆՈԻ 16:13

Բայց երբ գայ ինքը՝ Սուրբ Հոգին, որ ճշմարտութիւնը կը յայտնէ, անիկա պիտի առաջնորդէ ձեզ ամբողջական ճշմարտութեան, որովհետեւ անիկա ինքնիրմէ պիտի չխօսի, այլ ինչ որ լսէ՝ զայն պիտի խօսի եւ ձեզի պիտի պատմէ գալիք բաները։

ՅՈՎՀԱՆՆՈԻ 3:5

Յիսուս պատասխանեց. – Հաստատ գիտցիր, որ եթէ մէկը ջուրէն եւ Հոգիէն չծնի՝ չի կրնար Աստուծոյ արքայութիւնը մտնել,

ՅՈՎՀԱՆՆՈԻ 4:10

Յիսուս պատասխանեց. – Եթէ գիտնայիր Աստուծոյ պարգեւը եւ թէ ո՛վ է որ քեզի կ՚ըսէ՝ ջուր տուր ինծի, հաւանաբարդո՛ւն իրմէջուր պիտի ուզէիր, եւ անիկա քեզի կենսատու ջուր պիտի տար։

ՅՈՎՀԱՆՆՈԻ 4:14

բայց ով որ իմ տալիք ջուրէս խմէ՝ յաւիտեան պիտի չծարաւնայ։ Ընդհակառակը, ջուրը որ ես պիտի տամ՝ անոր մէջ պիտի վերածուի աղբիւրի մը, որ ջուր կը ցայտէ եւ յաւիտենական կեանք կու տայ։

ՅՈՎՀԱՆՆՈԻ 6:55

քանի մարմինս ճշմարիտ կերակուր է եւ արիւնս՝ ճշմարիտ խմելիք։

ԳՈՐԾՔ ԱՌԱՔԵԼՈՑ 8:36

Մինչ անոնք կ՚երթային, ճամբուն վրայ հանդիպեցան տեղ մը, ուր ջուր կար։ Ներքինին ըսաւ. –Ահա այստեղ ջուր կայ. ոեւէ արգելք կա՞յ որ մկրտուիմ։

ՀՌՈՎՄԱՅԵՑԻՍ 3:25

Որովհետեւ Աստուած նախասահմանեց, որ Քրիստոս իր թափած արիւնով քաւութեան միջոց ըլլայ անոնց՝ որոնք իրեն կը հաւատան։ Անցեալին մէջ Աստուած իր արդարութիւնը ցոյց կու տար՝ անյիշաչար գտնուելով մարդոց գործած մեղքերուն հանդէպ.

ԵՓԵՍԱՑԻՍ 1:7

Արդարեւ, անով փրկուեցանք եւ անոր արիւնով մեր մեղքերուն թողութիւն գտանք։ Որքա՜ն մեծ է իր շնորհքը,

ԿՈՂՈՍԱՑԻՍ 1:4

որովհետեւ լսեցինք Քրիստոս Յիսուսի հանդէպ ձեր հաւատքին եւ Աստուծոյ բոլոր ընտրեալներուն հանդէպ ձեր սիրոյն մասին։

ԱՌԱՋԻՆ ՏԻՄՈԹԷՈՍ 3:16

Եւ անհերքելիօրէն մեծ է աստուածպաշտութեան խորհուրդը, որովհետեւ Աստուած մարմինով երեւցաւ, եւ հոգիով արդարացաւ, հրեշտակներուն յայտնուեցաւ, ազգերուն մէջ քարոզուեցաւ, աշխարհի մէջ հաւատացուեցաւ, փառքով երկինք բարձրացուեցաւ։

ՏԻՏՈՍԻՆ 3:5

եւ մեզ փրկեց, ո՛չ թէ մեր կատարած արդար գործերուն համար, այլ՝ պարզապէս ողորմած ըլլալուն համար։ Մեզի նոր ծնունդ տուաւ մկրտութեամբ եւ Սուրբ Հոգիին միջոցաւ մեզ վերանորոգեց։

ԵԲՐԱՅԵՑԻՍ 10:29

որքա՜ն աւելի ծանր պատիժի արժանի պիտի համարէք այն անձը՝ որ ոտնակոխ կ՚ընէ Աստուծոյ Որդին, կ՚արհամարհէ Նոր Ուխտի կնքումին համար թափուած արիւնը, որով Քրիստոս զինք սրբեց, եւ կ՚անարգէ շնորհքները պարգեւող Սուրբ Հոգին։

ԵԲՐԱՅԵՑԻՍ 12:24

Նոր Ուխտի միջնորդին՝ Յիսուսի եւ անոր թափուած արիւնին, որ լաւագոյն արդարութիւն մը կը պահանջէ, քան Աբէլի արիւնը։

ԵԲՐԱՅԵՑԻՍ 13:20

Թող խաղաղութեան Աստուածը ձեզի կարողութիւն տայ՝ ամէն տեսակ բարեգործութեամբ իր կամքը կատարելու, որովհետեւ ի՛նքն էր որ մեռելներէն յարուցանեց մեր Տէր Յիսուսը, ան՝ որ իր արիւնով կնքուած յաւիտենական ուխտով Հովուապետ եղաւ ամբողջ հօտին։ Աստուած ինչ որ կը կամենայ՝ թող ներգործէ մեր մէջ Յիսուս Քրիստոսի միջոցաւ, որուն փա՜ռք յաւիտեանս։ Ամէն։

ԵԲՐԱՅԵՑԻՍ 9:14

Քրիստոսի արիւնը շատ աւելին պիտի չընէ՞ միթէ։ Արդարեւ, յաւիտենական Հոգիին միջոցաւ Քրիստոս ինքզինքը որպէս անարատ զոհ Աստուծոյ մատուցանեց, որպէսզի իր արիւնով մաքրէ ձեր խղճմտանքը մեռելական գործերէ, եւ դուք կարենաք կենդանի Աստուածը պաշտել։

ԵԲՐԱՅԵՑԻՍ 9:7

Բայց երկրորդ սրահը միայն քահանայապետը կը մտնէր, տարին մէկ անգամ, այն ալ՝ իր եւ ժողովուրդին անգիտութեամբ գործած մեղքերուն փոխարէն՝ զոհի արիւնը մատուցանելու համար Աստուծոյ։

ԱՌԱՋԻՆ ՊԵՏՐՈՍԻ 1:2

Հայրն Աստուած իր կանխագիտութեամբը ձեզ ընտրեց, որպէսզի Սուրբ Հոգիով սրբուած՝ հնազանդիք Յիսուս Քրիստոսի, եւ իր արիւնովը մաքրուիք։ Շնորհք եւ խաղաղութիւն ձեզի, առատօրէն։

ԱՌԱՋԻՆ ՊԵՏՐՈՍԻ 3:21

Ատոր ճշմարիտ պատկերն է այժմ մկրտութիւնը, որ ձեզ կը փրկէ՝ ո՛չ թէ մարմնական աղտը սրբելով, այլ՝ մարդս մաքուր խղճմտանքով Աստուծոյ ընծայելով, Յիսուս Քրիստոսի յարութեամբը,

ԱՌԱՋԻՆ ՅՈՎՀԱՆՆՈՒ 1:7

Իսկ եթէ լոյսի մէջ քալենք, ինչպէս ինք լոյսի մէջ է, այն ատեն ճշմարտապէս հաղորդակից կ՚ըլլանք իրարու, եւ իր Որդւոյն Յիսուսի արիւնը կը սրբէ մեզ ամէն մեղքէ։

ԱՌԱՋԻՆ ՅՈՎՀԱՆՆՈՒ 4:10

Այս է ահա ճշմարիտ սէրը. ո՛չ թէ մենք սիրեցինք զԱստուած, այլ Աստուած ինք սիրեց մեզ եւ իր Որդին ղրկեց մեր մեղքերը քաւող իբրեւ Զոհ։

ՅԱՅՏՆՈՒԹԻՒՆ 1:5

եւ Յիսուս Քրիստոսէն՝ հաւատարիմ վկայէն, որ մեռելներէն յարութիւն առնողներուն առաջինն է եւ երկրի թագաւորութիւններուն Իշխանը։ Անիկա մեզ սիրեց եւ իր արիւնով մեր մեղքերուն շղթաները փշրեց,

ՅԱՅՏՆՈՒԹԻՒՆ 5:9

Անոնք հետեւեալ նոր երգը կ՚երգէին ու կ՚ըսէին.– «Արժանի ես առնելու գիրքը եւ քակելու կնիքները, որովհետեւ մորթուեցար եւ արիւնովդ Աստուծոյ համար գնեցիր նորժողովուրդ մը՝ բոլոր ցեղերէն ու լեզուներէն, բոլոր ազգերէն, ժողովուրդներէն։

ՅԱՅՏՆՈՒԹԻՒՆ 7:14

Տէր, դո՛ւն գիտես,– պատասխանեցի։ Անիկա ըսաւ ինծի. –Այս մարդիկը անոնք են, որոնք կու գան մեծ նեղութենէն։ Անոնք իրենց պարեգօտները լուացին եւ ճերմկցուցին Գառնուկին արիւնովը։