ԱՌԱՋԻՆ ՅՈՎՀԱՆՆՈՒ 5:18 - Western Armenian New Translation - Armenian Catholicosate of Cilicia - New Testament

¹⁸ Գիտենք, թէ ով որ Աստուծմէ ծնած է՝ չի մեղանչեր, այլ Աստուծոյ ծնունդը՝ Քրիստոս կը պահպանէ զայն եւ Չարը անոր չի մօտենար։

Արեւմտահայերէն Նոր Կտակարան հարմարցուած․ 2017

¹⁸ Գիտենք թէ ան, որ Աստուծմէ ծնած է՝ մեղք չի գործեր։ Ա՛ն որ Աստուծմէ ծնած է՝ իր անձը կը պահէ ու չարը անոր չի դպչիր։

Western Armenian Bible 1853

¹⁸ Գիտենք թէ ան, որ Աստուծմէ ծնած է՝ մեղք չի գործեր։ Ա՛ն որ Աստուծմէ ծնած է՝ իր անձը կը պահէ ու չարը անոր չի դպչիր։

ԱՌԱՋԻՆ ՅՈՎՀԱՆՆՈՒ 5:18 Iomraidhean Croise

ՄԱՏԹԷՈՍ 5:37

Պարզապէս ձեր Այոն Այո թող ըլլայ եւ Ոչը՝ Ոչ։ Անկէ աւելին չարէն կու գայ։ –

ՄԱՏԹԷՈՍ 6:13

Եւ թոյլ մի՛ տար Խոր փորձութեան մէջ իյնանք. այլ մեզ չարէն ազատէ՛։ Որովհետեւ քուկդ են միշտ արքայութիւնը, զօրութիւնը եւ փառքը. ամէն։

ՅՈՎՀԱՆՆՈԻ 1:13

ո՛չ արեան ճամբով եւ ո՛չ մարմինի կամ մարդկային կամքով, այլ՝ Աստուծմէ ծնելով։

ՅՈՎՀԱՆՆՈԻ 14:30

Այլեւս երկար պիտի չխօսիմ ձեզի, որովհետեւ ահա կու գայ այս աշխարհի իշխանը, որ իմ վրաս ո՛չ մէկ իշխանութիւն ունի։

ՅՈՎՀԱՆՆՈԻ 15:4

Ինծի միացած մնացէք եւ ես ձեզի միացած պիտի մնամ։ Ինչպէս որ ճիւղը ինք առանձին պտուղ չի տար՝ եթէ որթատունկին միացած չըլլայ, նոյնպէս ալ դուք չէք կրնար պտուղ տալ՝ եթէ ինծի միացած չըլլաք։

ՅՈՎՀԱՆՆՈԻ 15:7

Եթէ ինծի միացած մնաք եւ խօսքերս ձեր մէջ մնան, խնդրեցէք Աստուծմէ ինչ որ ուզէք եւ պիտի տայ ձեզի։

ՅՈՎՀԱՆՆՈԻ 15:9

Ինչպէս որ Հայրս զիս սիրեց, նոյն ձեւով ալ ես ձեզ սիրեցի։ Մնացէ՛ք իմ սիրոյս մէջ։

ԳՈՐԾՔ ԱՌԱՔԵԼՈՑ 11:23

Սա երբ որ եկաւ եւ տեսաւ Աստուծոյ շնորհքը՝ ուրախացաւ, եւ կը յորդորէր բոլորը, որ ամբողջանուէր սրտով կապուած մնան Տիրոջ։

ՅԱԿՈԲՈՒ 1:18

Աստուած կամեցաւ մեզ վերստին ծնիլ՝ որպէսզի իր ճշմարիտ նպատակը յայտնուի, որովհետեւ կ՚ուզէ որ մենք իր նոր ստեղծագործութեան առաջին պտուղները ըլլանք։

ՅԱԿՈԲՈՒ 1:27

Հօր Աստուծոյ համար անկեղծ եւ իսկական բարեպաշտութիւնը՝ կարօտութեան մէջ եղող որբերուն եւ այրիներուն այցելու եւ օգնական ըլլալն է, եւ աշխարհի մէջ ապրելով հանդերձ՝ ինքզինք անարատ պահելը։

ԱՌԱՋԻՆ ՊԵՏՐՈՍԻ 1:23

Որովհետեւ Աստուծոյ կենդանի եւ մշտնջենական խօսքով վերստին ծնաք, դուք, իբրեւ զաւակները ո՛չ թէ մահկանացու ծնողքի մը, այլ՝ անմահին։

ԱՌԱՋԻՆ ՅՈՎՀԱՆՆՈՒ 2:29

Գիտէք թէ արդար է անիկա. ուստի ով որ արդարութիւն կը գործէ՝ անոր հարազատ զաւակն է։

ԱՌԱՋԻՆ ՅՈՎՀԱՆՆՈՒ 3:12

Հետեւաբար չըլլա՛նք Կայէնին պէս, որ Չարին օրինակին հետեւելով՝ իր եղբայրը սպաննեց։ Եւ ինչո՞ւ սպաննեց. որովհետեւ իր գործերը չար էին, մինչ եղբօր գործերը՝ բարի։

ԱՌԱՋԻՆ ՅՈՎՀԱՆՆՈՒ 3:3

Ով որ այս յոյսը ունի՝ ինքզինք կը մաքրէ, ինչպէս որ Քրիստոս ինք մաքուր է։

ԱՌԱՋԻՆ ՅՈՎՀԱՆՆՈՒ 3:9

Ով որ Աստուծոյ զաւակ դարձած է՝ մեղք չի գործեր, որովհետեւ Աստուծոյ կեանքին հաղորդակից կը մնայ։ Այլեւս կը դադրի մեղանչելէ, քանի Աստուծոյ զաւակ կը դառնայ։

ԱՌԱՋԻՆ ՅՈՎՀԱՆՆՈՒ 4:6

Մինչդեռ մենք Աստուծոյ կը պատկանինք. ով որ զԱստուած կը ճանչնայ՝ մտիկ կ՚ընէ մեզ. իսկ ով որ Աստուծոյ չի պատկանիր՝ մտիկ չ՚ըներ մեզ։ Ահա այսպէ՛ս է որ կը զանազանենք ճշմարտութեան հոգին եւ խաբէութեան հոգին։

ԱՌԱՋԻՆ ՅՈՎՀԱՆՆՈՒ 5:1

Ով որ կը հաւատայ թէ Յիսուս Աստուծոյ Օծեալն է՝ անիկա Աստուծմէ ծնած է. իսկ ով որ ծնողը կը սիրէ, անկէ ծնածն ալ կը սիրէ։

ԱՌԱՋԻՆ ՅՈՎՀԱՆՆՈՒ 5:15

Եւ երբ գիտենք թէ մեր խնդրանքները կը լսէ, գիտենք նաեւ՝ թէպիտի ստանանք ինչ որ կը խնդրենք իրմէ։

ԱՌԱՋԻՆ ՅՈՎՀԱՆՆՈՒ 5:19

Թէպէտ ամբողջ աշխարհը Չարին ենթակայ ըլլայ, մենք գիտենք թէ Աստուծմէ ենք։

ԱՌԱՋԻՆ ՅՈՎՀԱՆՆՈՒ 5:20

Եւ գիտենք՝ թէ Աստուծոյ Որդին եկաւ ու բացաւ մեր միտքերը, որպէսզի ճանչնանք ճշմարիտ Աստուածը։ Մենք միացած ենք ճշմարիտ Աստուծոյ եւ անոր Որդիին՝ Յիսուս Քրիստոսի։ Ա՛ն է ճշմարիտ Աստուածը եւ յաւիտենական կեանքը։

ԱՌԱՋԻՆ ՅՈՎՀԱՆՆՈՒ 5:21

Որդեակնե՛ր, դուք ձեզ կուռքերէ հեռո՛ւ պահեցէք։

ԱՌԱՋԻՆ ՅՈՎՀԱՆՆՈՒ 5:4

որովհետեւ ով որ Աստուծմէ ծնած է՝ կը յաղթէ աշխարհին։ Եւ աշխարհին վրայ յաղթանակ տանողը մեր հաւատքն է։

ՅՈՒԴԱՅԻ 1:21

եւ դուք ձեզ Աստուծոյ սիրոյն մէջ պահեցէք, սպասելով որ մեր Տէրը Յիսուս Քրիստոս իր ողորմութեամբ յաւիտենական կեանքը տայ ձեզի։

ՅՈՒԴԱՅԻ 1:24

Արդ, անոր՝ որ կրնայ ձեզ անկումներէ փրկել, պահել անարատ եւ անբիծ, եւ անխառն ուրախութեամբ լեցուն՝ իր փառաւոր ներկայութեան կանգնեցնել,

ՅԱՅՏՆՈՒԹԻՒՆ 2:13

Գիտեմ գործերդ եւ գիտեմ որ կը բնակիս հոն՝ ուր Սատանան իր աթոռըունի։ Բայց դուն իմ անունս պահեցիր եւ ինծի հանդէպ ունեցած հաւատքդ չուրացար՝ նոյնիսկ երբ իմ հաւատարիմ վկաս, Անտիպաս, ձեր դիմաց սպաննուեցաւ հոն՝ ուր Սատանան կը բնակի։