ԱՌԱՋԻՆ ՅՈՎՀԱՆՆՈՒ 3:21 - Western Armenian New Translation - Armenian Catholicosate of Cilicia - New Testament

²¹ Իսկ եթէ մեր խիղճը մեզ չի մեղադրեր, սիրելինե՛ր, համարձակ կերպով կրնանք դիմել Աստուծոյ,

Արեւմտահայերէն Նոր Կտակարան հարմարցուած․ 2017

²¹ Սի՛րելիներ, եթէ մեր սրտերը մեզ չմեղադրեն, այն ատեն համարձակութիւն կ’ունենանք Աստուծոյ առջեւ կենալու։

Western Armenian Bible 1853

²¹ Սի՛րելիներ, եթէ մեր սրտերը մեզ չմեղադրեն, այն ատեն համարձակութիւն կ’ունենանք Աստուծոյ առջեւ կենալու։

ԱՌԱՋԻՆ ՅՈՎՀԱՆՆՈՒ 3:21 Iomraidhean Croise

ՀՌՈՎՄԱՅԵՑԻՍ 14:22

Այս մասին քու համոզումդ՝ քու եւ Աստուծոյ միջեւ թող մնայ։ Երանի՜ անոր որ ինքզինքը դատապարտութեան չ՚ենթարկեր այնպիսի բաներով՝ որով իր ընկերոջ փորձութեան պատճառ կ՚ըլլայ։

ԱՌԱՋԻՆ ԿՈՐՆԹԱՑԻՍ 4:4

Խիղճս հանդարտ է, բայց ատով չեմ արդարանար հարկաւ, որովհետեւ Տէրն է որ զիս կը դատէ։

ԵՐԿՐՈՐԴ ԿՈՐՆԹԱՑԻՍ 1:12

Պարծանքով կրնամ ըսել, եւ խիղճս ալ կը վկայէ, որ բոլորին հանդէպ ու մանաւանդ ձեզի հանդէպ եղած եմ պարզ ու անկեղծ, ինչպէս Աստուած կը կամենայ. ո՛չ թէ մարդկային իմաստութենէ մղուած, այլ՝ Աստուծոյ շնորհքովը։

ԵՓԵՍԱՑԻՍ 3:12

Եւ մենք, Քրիստոսի միացածներս, համարձակօրէն եւ ամենայն վստահութեամբ կը կանգնինք Աստուծոյ ներկայութեան, քանի Քրիստոսի հաւատացինք։

ԱՌԱՋԻՆ ՏԻՄՈԹԷՈՍ 2:8

Կ՚ուզեմ որ ամենուրեք, երբ այր մարդիկ աղօթքի կանգնին՝ Աստուծոյ բարձրացուցած իրենց ձեռքերը արդար գործերով լեցուն ըլլան, եւ ո՛չ թէ վրէժխնդրութեամբ եւ անիրաւութեամբ։

ԵԲՐԱՅԵՑԻՍ 10:22

Ուստի անկեղծ սրտով եւ վստահութեամբ լեցուն հաւատքով մօտենանք Աստուծոյ, մեր սիրտերը մաքրած՝ խղճմտանքը ծանրացնող յանցանքներէն եւ մեր մարմինները մաքուր ջուրով լուացած։

ԵԲՐԱՅԵՑԻՍ 4:16

Ուստի համարձակօրէն մօտենանք Աստուծոյ շնորհքի աթոռին, ողորմութիւն գտնելու եւ շնորհք ստանալու համար, որպէսզի անոնք մեզի օգնեն անհրաժեշտութեան պարագային։

ԱՌԱՋԻՆ ՅՈՎՀԱՆՆՈՒ 2:28

Այո՛, որդեակներս, Քրիստոսի միացած մնացէք, որպէսզի իր գալստեան օրը երբ ինք յայտնուի՝ ամօթով չմնանք, այլ համարձակօրէն կանգնինք իր դիմաց։

ԱՌԱՋԻՆ ՅՈՎՀԱՆՆՈՒ 2:7

Սիրելինե՛ր, նոր պատուիրան մը չէ՛ որ կը գրեմ ձեզի, այլ՝ այն հին պատուիրանը, որ սկիզբէն ունեցաք։ Այդ հին պատուիրանը այն պատգամն է՝ որ լսեցիք արդէն։

ԱՌԱՋԻՆ ՅՈՎՀԱՆՆՈՒ 3:2

Սիրելինե՛ր, այժմ Աստուծոյ որդիներ ենք։ Թէ ի՛նչպէս պիտի ըլլանք յետոյ՝ տակաւին չենք գիտեր։ Բայց գիտենք թէ՝ երբ Քրիստոս յայտնուի՝ իրեն նման պիտի ըլլանք, որովհետեւ զինք պիտի տեսնենք իր իսկութեան մէջ։

ԱՌԱՋԻՆ ՅՈՎՀԱՆՆՈՒ 3:20

Նոյնիսկ եթէ մեր խիղճը ոեւէ յանցանքով մեզ մեղադրէ, չմոռնանք՝ որ Աստուած մեր խիղճէն աւելի մեծ է եւ ամէն բան գիտէ։

ԱՌԱՋԻՆ ՅՈՎՀԱՆՆՈՒ 4:17

Եթէ Աստուծոյ հանդէպ սէրը այսպէս կատարեալ է մեր մէջ, դատաստանին օրը համարձակ կերպով կը կանգնինք Աստուծոյ դիմաց, որովհետեւ այս աշխարհի մէջ կ՚ապրինք ճիշդ այնպէս՝ ինչպէս Քրիստոս ինք ապրեցաւ։

ԱՌԱՋԻՆ ՅՈՎՀԱՆՆՈՒ 5:14

Ուստի համարձակ կերպով կը դիմենք Աստուծոյ, այն վստահութեամբ՝ որ երբ իր կամքին համաձայն բան մը խնդրենք՝ կը լսէ մեզ։