ԱՌԱՋԻՆ ՅՈՎՀԱՆՆՈՒ 3:2 - Western Armenian New Translation - Armenian Catholicosate of Cilicia - New Testament

² Սիրելինե՛ր, այժմ Աստուծոյ որդիներ ենք։ Թէ ի՛նչպէս պիտի ըլլանք յետոյ՝ տակաւին չենք գիտեր։ Բայց գիտենք թէ՝ երբ Քրիստոս յայտնուի՝ իրեն նման պիտի ըլլանք, որովհետեւ զինք պիտի տեսնենք իր իսկութեան մէջ։

Արեւմտահայերէն Նոր Կտակարան հարմարցուած․ 2017

² Սի՛րելիներ, հիմա մենք Աստուծոյ որդիներն ենք եւ տակաւին յայտնի չէ թէ ի՞նչ պիտի ըլլանք. բայց գիտենք թէ երբ անիկա յայտնուի, անոր պէս պիտի ըլլանք. վասն զի զանիկա պիտի տեսնենք՝ ինչպէս որ է։

Western Armenian Bible 1853

² Սի՛րելիներ, հիմա մենք Աստուծոյ որդիներն ենք եւ տակաւին յայտնի չէ թէ ի՞նչ պիտի ըլլանք. բայց գիտենք թէ երբ անիկա յայտնուի, անոր պէս պիտի ըլլանք. վասն զի զանիկա պիտի տեսնենք՝ ինչպէս որ է։

ԱՌԱՋԻՆ ՅՈՎՀԱՆՆՈՒ 3:2 Iomraidhean Croise

ՄԱՏԹԷՈՍ 5:8

Երանի՜ անոնց, որոնք սիրտով մաքուր են, որովհետեւ անոնք զԱստուած պիտի տեսնեն։

ՂՈԻԿԱՍ 17:30

Նոյնը պիտի պատահի այն օրը, երբ Մարդու Որդին յայտնուի։

ՂՈԻԿԱՍ 20:36

Անոնք այլեւս չեն կրնար մեռնիլ, քանի հրեշտակներու նման պիտի ըլլան։ Անոնք Աստուծոյ որդիներ են, որովհետեւ մեռելներէն յարութիւն առած են։

ՅՈՎՀԱՆՆՈԻ 1:12

Իսկ զինք ընդունողներուն եւ իրեն հաւատացողներուն իշխանութիւն տուաւ Աստուծոյ որդիներ ըլլալու.

ՅՈՎՀԱՆՆՈԻ 11:52

Եւ ո՛չ միայն Հրեայ ժողովուրդին համար, այլ՝ որպէսզի Աստուծոյ ցրուած որդիներն ալ ի մի հաւաքէ։

ՅՈՎՀԱՆՆՈԻ 17:24

Հա՛յր, անոնք որոնք ինծի տուիր՝ կ՚ուզեմ որ ինծի հետ ըլլան՝ ո՛ւր որ ըլլամ, որպէսզի տեսնեն իմ փառքս, այն փառքը՝ որ ինծի տուիր, որովհետեւ զիս սիրեցիր աշխարհի ստեղծագործութենէն առաջ։

ՀՌՈՎՄԱՅԵՑԻՍ 8:16

եւ նոյն Հոգին ինք վկայութիւն կու տայ մեր հոգիին, թէ Աստուծոյ որդիներ ենք։

ՀՌՈՎՄԱՅԵՑԻՍ 8:18

Ես այնպէս կը խորհիմ, թէ ներկայ ժամանակի չարչարանքները ոչի՛նչ են գալիք փառքին քով՝ որ մեզի պիտի յայտնուի։

ՀՌՈՎՄԱՅԵՑԻՍ 8:19

Եւ ամբողջ ստեղծագործութիւնը ակնդէտ կը սպասէ, որ Աստուած իր որդիները յայտնէ։

ՀՌՈՎՄԱՅԵՑԻՍ 8:29

Որովհետեւ, Աստուած զանոնք սկիզբէն կը ճանչնար եւ սկիզբէն ալ սահմանեց որ իր Որդիին հարազատ պատկերը ըլլան, որպէսզի Յիսուս բազմաթիւ եղբայրներու մէջ անդրանիկը ըլլայ։

ԱՌԱՋԻՆ ԿՈՐՆԹԱՑԻՍ 13:12

Նոյնպէս ալ, մենք այժմ զԱստուած կը տեսնենք աղօտ կերպով, կարծես հայելիի մը մէջէն. բայց երբ ամէն բանի կատարումը գայ՝ զայն պիտի տեսնենք դէմ առ դէմ։ Այժմ միայն մասնակիօրէն կը ճանչնամ զԱստուած, բայց այն ատեն պիտի ճանչնամ ամբողջապէս, ճիշդ ինչպէս ի՛նք զիս կը ճանչնայ։

ԱՌԱՋԻՆ ԿՈՐՆԹԱՑԻՍ 15:49

Այսինքն, ինչպէս որ կը կրենք հողեղէն Ադամին պատկերը, այնպէս պիտի կրենք նաեւ երկնաւոր Ադամին պատկերը։

ԱՌԱՋԻՆ ԿՈՐՆԹԱՑԻՍ 2:9

Սակայն, ինչպէս գրուած է.– «Աստուած զինք սիրողներուն համար պատրաստեց այնպիսի փառք մը, որ ոեւէ աչք չէ տեսած, ոեւէ ականջ չէ լսած, եւ ոեւէ մէկուն միտքէն իսկ չէ անցած»։

ԵՐԿՐՈՐԴ ԿՈՐՆԹԱՑԻՍ 3:18

Եւ մենք բոլորս ալ, որ բաց երեսով Տիրոջ փառքը կ՚արտացոլացնենք հայելիի մը պէս, նոյն այդ պատկերով կը փոխակերպուինք՝ հետզհետէ աճող փառքով մը։ Եւ այդ փոխակերպումը Տիրոջ Հոգին է որ կ՚իրագործէ։

ԵՐԿՐՈՐԴ ԿՈՐՆԹԱՑԻՍ 4:17

Ներկայի մեր կրած այս թեթեւ նեղութիւնը արտակարգօրէն գերազանց եւ յաւիտենական փառք մը կ՚ապահովէ մեզի։

ԳԱՂԱՏԱՑԻՍ 3:26

որովհետեւ Յիսուս Քրիստոսի հաւատալով՝ բոլորդ ալ Աստուծոյ որդիներ եղաք։

ԳԱՂԱՏԱՑԻՍ 4:6

Արդ, որովհետեւ իր որդիներն ենք՝ Աստուած մեր սիրտերուն մէջ ղրկեց իր Որդիին Հոգին, որով զԱստուած «Աբբա», այսինքն «Հայր» կը կոչենք։

ՓԻԼԻՊՊԵՑԻՍ 3:21

որ մեր մահկանացու մարմինները պիտի կերպարանափոխէ եւ իր մարմինին պէս փառաւոր դարձնէ իր զօրութեամբը, որով կրնայ ամէն ինչ իր իշխանութեան ենթարկել։

ԿՈՂՈՍԱՑԻՍ 3:4

Իսկ երբ Քրիստոս՝ ձեր կեանքը՝ յայտնուի, այն ատեն դուք ալ փառքով պիտի յայտնուիք անոր հետ։

ԵԲՐԱՅԵՑԻՍ 9:28

այնպէս ալ Քրիստոս միայն մէկ անգամ զոհ մատուցուեցաւ՝ մարդոց մեղքերը վերցնելու համար։ Իսկ երկրորդ անգամ պիտի յայտնուի՝ ո՛չ թէ մեղքերը վերցնելու, այլ փրկելու համար անոնք՝ որոնք հաւատքով կը սպասեն իրեն։

ԵՐԿՐՈՐԴ ՊԵՏՐՈՍԻ 1:4

Անիկա թանկագին ու մեծամեծ խոստումներ տուաւ մեզի, որպէսզի անոնցմով հաղորդակից ըլլանք աստուածային բնութեան, ձերբազատուելով աշխարհի մէջ տիրող կորստաբեր ցանկութիւններէն։

ԱՌԱՋԻՆ ՅՈՎՀԱՆՆՈՒ 2:28

Այո՛, որդեակներս, Քրիստոսի միացած մնացէք, որպէսզի իր գալստեան օրը երբ ինք յայտնուի՝ ամօթով չմնանք, այլ համարձակօրէն կանգնինք իր դիմաց։

ԱՌԱՋԻՆ ՅՈՎՀԱՆՆՈՒ 2:7

Սիրելինե՛ր, նոր պատուիրան մը չէ՛ որ կը գրեմ ձեզի, այլ՝ այն հին պատուիրանը, որ սկիզբէն ունեցաք։ Այդ հին պատուիրանը այն պատգամն է՝ որ լսեցիք արդէն։

ԱՌԱՋԻՆ ՅՈՎՀԱՆՆՈՒ 3:1

Տեսէք թէ ինչպիսի՜ սիրով Հայրը մեզ սիրեց, ուզելով որ Աստուծոյ որդիներ կոչուինք եւ արդարեւ Աստուծոյ որդիներն ենք։ Աշխարհը մեզ չի ճանչնար, որովհետեւ չճանչցաւ զայն։

ԱՌԱՋԻՆ ՅՈՎՀԱՆՆՈՒ 3:10

Ահա այսպէ՛ս կը զանազանուին Աստուծոյ որդիներն ու Սատանային որդիները.– Ով որ արդարութիւն չի գործեր՝ Աստուծոյ որդի չէ. ով որ իր եղբայրը չի սիրեր՝ նոյնպէս Աստուծոյ որդի չէ։

ԱՌԱՋԻՆ ՅՈՎՀԱՆՆՈՒ 3:21

Իսկ եթէ մեր խիղճը մեզ չի մեղադրեր, սիրելինե՛ր, համարձակ կերպով կրնանք դիմել Աստուծոյ,

ԱՌԱՋԻՆ ՅՈՎՀԱՆՆՈՒ 5:1

Ով որ կը հաւատայ թէ Յիսուս Աստուծոյ Օծեալն է՝ անիկա Աստուծմէ ծնած է. իսկ ով որ ծնողը կը սիրէ, անկէ ծնածն ալ կը սիրէ։

ՅԱՅՏՆՈՒԹԻՒՆ 22:4

Անոնք իր դէմքը պիտի տեսնեն եւ իր անունը անոնց ճակատներուն վրայ պիտի գրուի։