ԱՌԱՋԻՆ ՅՈՎՀԱՆՆՈՒ 3:19 - Western Armenian New Translation - Armenian Catholicosate of Cilicia - New Testament

¹⁹ Ահա այսպէ՛ս կը գիտնանք՝ թէ ճշմարտութեան հետեւող կը մնանք։ Այսպէս նաեւ մեր սիրտերը վստահութիւն կ՚ունենան Աստուծոյ առջեւ կանգնելու։

Արեւմտահայերէն Նոր Կտակարան հարմարցուած․ 2017

¹⁹ Ասով կը ճանչնանք թէ ճշմարտութենէն ենք։ Մեր սրտերուն համարձակութիւնովը անոր առջեւ պիտի երեւնանք։

Western Armenian Bible 1853

¹⁹ Ասով կը ճանչնանք թէ ճշմարտութենէն ենք։ Մեր սրտերուն համարձակութիւնովը անոր առջեւ պիտի երեւնանք։

ԱՌԱՋԻՆ ՅՈՎՀԱՆՆՈՒ 3:19 Iomraidhean Croise

ՅՈՎՀԱՆՆՈԻ 13:35

Ձեր իրար սիրելով է որ մարդիկ պիտի գիտնան, թէ դուք իմ աշակերտներս էք։ –

ՅՈՎՀԱՆՆՈԻ 18:37

Պիղատոս ըսաւ. – Այդպէս ուրեմն, թագաւո՞ր ես։ Յիսուս պատասխանեց. – Ահա դո՛ւն ես ըսողը որ թագաւոր եմ։ Ես ծնած եւ աշխարհ եկած եմ մէկ բանի համար, որպէսզի վկայեմ ճշմարտութեան։ Ով որ կողմնակից է ճշմարտութեան՝ անիկա իմ խօսքս կը լսէ։

ՀՌՈՎՄԱՅԵՑԻՍ 4:21

այն հաստատ համոզումով՝ թէ Աստուած որ խոստացաւ՝ կրնայ նաեւ կատարել։

ՀՌՈՎՄԱՅԵՑԻՍ 8:38

Որովհետեւ համոզուած եմ, որ ո՛չ մահը եւ ո՛չ կեանքը, ո՛չ հրեշտակները, ո՛չ չար ոգիներու իշխանութիւնները, ո՛չ ներկան եւ ո՛չ գալիքը, ո՛չ ալ ոեւէ զօրութիւն,

ԵՐԿՐՈՐԴ ՏԻՄՈԹԷՈՍ 1:12

եւ ա՛յդ է պատճառը որ այս չարչարանքները կը կրեմ։ Բայց այդ չարչարանքները բնաւ զիս չեն վախցներ, որովհետեւ կը ճանչնամ Փրկիչս, որուն վստահած եմ, եւ համոզուած եմ՝ թէ ինք ինծի վստահուած այդ աւանդը պիտի պահէ մինչեւ դատաստանի օրը։

ԵԲՐԱՅԵՑԻՍ 10:22

Ուստի անկեղծ սրտով եւ վստահութեամբ լեցուն հաւատքով մօտենանք Աստուծոյ, մեր սիրտերը մաքրած՝ խղճմտանքը ծանրացնող յանցանքներէն եւ մեր մարմինները մաքուր ջուրով լուացած։

ԵԲՐԱՅԵՑԻՍ 11:13

Յիշուած բոլոր անձերն ալ հաւատքով մեռան, առանց խոստացուած բաները ստացած ըլլալու. այլ միայն հեռուէն տեսան զանոնք եւ ուրախացան, խոստովանելով՝ թէ իրենք օտար եւ պանդուխտ են այս աշխարհի մէջ։

ԱՌԱՋԻՆ ՅՈՎՀԱՆՆՈՒ 1:8

Եթէ ըսենք՝ «Մեղք չունինք», մենք մեզ կը խաբենք եւ մեր մէջ ճշմարտութիւն չկայ։

ԱՌԱՋԻՆ ՅՈՎՀԱՆՆՈՒ 2:21

Այս նամակը ձեզի կը գրեմ՝ ո՛չ թէ որովհետեւ ճշմարտութիւնը չէք գիտեր, այլ՝ ընդհակառակը, հաստատելու համար թէ գիտէք զայն, եւ թէ ճշմարտութենէն ոեւէ ստութիւն չի ծնիր։

ԱՌԱՋԻՆ ՅՈՎՀԱՆՆՈՒ 3:14

Մենք գիտենք՝ թէ մահէն կեանքի անցած ենք. ապացոյց՝ որ մեր եղբայրները կը սիրենք։ Ով որ իր եղբայրը չի սիրեր՝ մահուան ենթակայ կը մնայ։

ԱՌԱՋԻՆ ՅՈՎՀԱՆՆՈՒ 3:20

Նոյնիսկ եթէ մեր խիղճը ոեւէ յանցանքով մեզ մեղադրէ, չմոռնանք՝ որ Աստուած մեր խիղճէն աւելի մեծ է եւ ամէն բան գիտէ։

ԱՌԱՋԻՆ ՅՈՎՀԱՆՆՈՒ 3:21

Իսկ եթէ մեր խիղճը մեզ չի մեղադրեր, սիրելինե՛ր, համարձակ կերպով կրնանք դիմել Աստուծոյ,