ԱՌԱՋԻՆ ՅՈՎՀԱՆՆՈՒ 2:23 - Western Armenian New Translation - Armenian Catholicosate of Cilicia - New Testament

²³ Որովհետեւ ով որ կը մերժէ Որդին՝ Հայրն ալ մերժած կ՚ըլլայ. իսկ ով որ կ՚ընդունի Որդին՝ Հայրն ալ ընդունած կ՚ըլլայ։

Արեւմտահայերէն Նոր Կտակարան հարմարցուած․ 2017

²³ Ամէն ով որ կ’ուրանայ Որդին, անիկա Հայրն ալ չընդունիր. [բայց ան որ կ’ընդունի Որդին, անիկա Հայրն ալ կ’ընդունի։]

Western Armenian Bible 1853

²³ Ամէն ով որ կ’ուրանայ Որդին, անիկա Հայրն ալ չընդունիր. [բայց ան որ կ’ընդունի Որդին, անիկա Հայրն ալ կ’ընդունի։]

ԱՌԱՋԻՆ ՅՈՎՀԱՆՆՈՒ 2:23 Iomraidhean Croise

ՄԱՏԹԷՈՍ 11:27

Հայրս ամէն ինչ տուած է ինծի, եւ ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՂՈԻԿԱՍ 10:22

Հայրս ամէն ինչ տուած է ինծի։ Ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՅՈՎՀԱՆՆՈԻ 10:30

Ես եւ Հայրս մէկ ենք։

ՅՈՎՀԱՆՆՈԻ 16:3

Մարդիկ այս բաները պիտի ընեն ձեզի, որովհետեւ չճանչցան ո՛չ Հայրը եւ ո՛չ ալ զիս։

ՅՈՎՀԱՆՆՈԻ 17:3

Եւ յաւիտենական կեանքը քեզ ճանչնա՛լն է՝ որպէս ճշմարիտ միակ Աստուած եւ ճանչնալ Յիսուս Քրիստոսը՝ որ դուն ղրկեցիր։

ՅՈՎՀԱՆՆՈԻ 5:23

որպէսզի բոլորն ալ պատուեն Որդին, ինչպէս որ Հայրը կը պատուեն։ Ան որ չի պատուեր Որդին, չի պատուեր Հայրը որ զայն ղրկած է։

ՅՈՎՀԱՆՆՈԻ 8:19

Անոնք հարցուցին իրեն. – Ո՞ւր է Հայրդ։ Յիսուս պատասխանեց. – Դուք ո՛չ զիս կը ճանչնաք, ո՛չ ալ Հայրս։ Որովհետեւ եթէ զիս ճանչնայիք՝ Հայրս ալ ճանչցած պիտի ըլլայիք։

ԱՌԱՋԻՆ ՅՈՎՀԱՆՆՈՒ 2:22

Հետեւաբար՝ ո՞վ է ստախօսը, եթէ ոչ ան՝ որ կ՚ուրանայ թէ Յիսուսը Քրիստոսն է։ Քրիստոսի հակառակորդն է այնպիսին, որ կ՚ուրանայ թէ՛ Հայրը եւ թէ՛ Որդին։

ԱՌԱՋԻՆ ՅՈՎՀԱՆՆՈՒ 4:15

Ով որ կը դաւանի թէ Յիսուս Աստուծոյ Որդին է՝ Աստուծոյ միացած կը մնայ եւ Աստուած ալ՝ անոր։

ԱՌԱՋԻՆ ՅՈՎՀԱՆՆՈՒ 4:2

Հետեւեալ ձեւով կրնաք ճանչնալ Աստուծոյ Հոգիով խօսողները.– Ով որ կը խոստովանի թէ Յիսուս Քրիստոս աշխարհ գալով իրապէս մարդացաւ՝ անիկա Աստուծոյ Հոգիով է որ կը խօսի։

ԱՌԱՋԻՆ ՅՈՎՀԱՆՆՈՒ 5:1

Ով որ կը հաւատայ թէ Յիսուս Աստուծոյ Օծեալն է՝ անիկա Աստուծմէ ծնած է. իսկ ով որ ծնողը կը սիրէ, անկէ ծնածն ալ կը սիրէ։

ԱՌԱՋԻՆ ՅՈՎՀԱՆՆՈՒ 5:20

Եւ գիտենք՝ թէ Աստուծոյ Որդին եկաւ ու բացաւ մեր միտքերը, որպէսզի ճանչնանք ճշմարիտ Աստուածը։ Մենք միացած ենք ճշմարիտ Աստուծոյ եւ անոր Որդիին՝ Յիսուս Քրիստոսի։ Ա՛ն է ճշմարիտ Աստուածը եւ յաւիտենական կեանքը։