ԱՌԱՋԻՆ ՅՈՎՀԱՆՆՈՒ 2:19 - Western Armenian New Translation - Armenian Catholicosate of Cilicia - New Testament

¹⁹ Մեր մէջէն ելան անոնք, բայց մեզմէ չէին. որովհետեւ եթէ մեզմէ ըլլային՝ մեզի հետ ալ պիտի մնային։ Բայց մեզմէ հեռացան, որպէսզի յայտնի ըլլայ՝ թէ անոնցմէ ոեւէ մէկը մեզմէ չէր։

Արեւմտահայերէն Նոր Կտակարան հարմարցուած․ 2017

¹⁹ Մեզմէ ելան ոմանք ՝ բայց մեզմէ չէին. վասն զի եթէ մեզմէ ըլլային, մեզի հետ պիտի մնային։ Բայց մեզմէ ելան, որպէս զի յայտնի ըլլայ թէ անոնք ամէնքը մեզմէ չէին։

Western Armenian Bible 1853

¹⁹ Մեզմէ ելան ոմանք՝ բայց մեզմէ չէին. վասն զի եթէ մեզմէ ըլլային, մեզի հետ պիտի մնային։ Բայց մեզմէ ելան, որպէս զի յայտնի ըլլայ թէ անոնք ամէնքը մեզմէ չէին։

ԱՌԱՋԻՆ ՅՈՎՀԱՆՆՈՒ 2:19 Iomraidhean Croise

ՄԱՏԹԷՈՍ 24:24

որովհետեւ սուտ քրիստոսներ եւ սուտ մարգարէներ պիտի ելլեն եւ մեծ հրաշքներ ու նշաններ կատարեն՝ որպէսզի մոլորեցնեն, եթէ կարենան, նոյնիսկ Աստուծոյ ընտրեալները։

ՄԱՐԿՈՍ 13:22

որովհետեւ սուտ քրիստոսներ եւ սուտ մարգարէներ պիտի յայտնուին եւ նշաններ ու հրաշքներ կատարելով՝ պիտի մոլորեցնեն, եթէ կարենան, նոյնիսկ Աստուծոյ ընտրեալները։

ՂՈԻԿԱՍ 8:13

Ժայռոտ հողը նմանութիւնն է անոնց, որոնք երբ կը լսեն Աստուծոյ խօսքը՝ ուրախութեամբ կ՚ընդունին. սակայն ասոնք արմատ չունին, այսինքն՝ ժամանակուան մը համար կը հաւատան եւ փորձութեան ժամանակ կը հեռանան։

ՅՈՎՀԱՆՆՈԻ 15:2

Անիկա կը կտրէ վրաս հաստատուած բոլոր այն ճիւղերը որոնք պտուղ չեն տար, իսկ բոլոր անոնք որոնք պտուղ կու տան՝ յօտելով կը մաքրէ, որպէսզի աւելի պտղաբեր ըլլան։

ՅՈՎՀԱՆՆՈԻ 4:14

բայց ով որ իմ տալիք ջուրէս խմէ՝ յաւիտեան պիտի չծարաւնայ։ Ընդհակառակը, ջուրը որ ես պիտի տամ՝ անոր մէջ պիտի վերածուի աղբիւրի մը, որ ջուր կը ցայտէ եւ յաւիտենական կեանք կու տայ։

ԳՈՐԾՔ ԱՌԱՔԵԼՈՑ 15:24

«Լսեցինք, թէ ոմանք որպէս թէ մեր կողմէ եկած՝ իրենց արտայայտութիւններով խռովեցուցած են ձեզ եւ շփոթի մատնած, ըսելով՝ թէ պէտք է թլփատուիք եւ Օրէնքը գործադրէք. մինչդեռ մենք այդպիսի բան չենք պատուիրած իրենց։

ԳՈՐԾՔ ԱՌԱՔԵԼՈՑ 20:30

Ձեր մէջէն եւս պիտի ելլեն մարդիկ, որոնք սխալ բաներ պիտի ուսուցանեն, հաւատացեալները իրենց ետեւէն տանելու համար։

ՀՌՈՎՄԱՅԵՑԻՍ 9:6

Եւ սակայն, Աստուծոյ խոստումը բնաւ չի կրնար վրիպած ըլլալ։ Արդարեւ, Իսրայէլէն եղող ամէն մարդ Իսրայէլացի չէ,

ԱՌԱՋԻՆ ԿՈՐՆԹԱՑԻՍ 11:19

Անշուշտ որ պառակտումներ պիտի ըլլան ձեր մէջ, որպէսզի անով յայտնուին՝ թէ ձեզմէ որոնք են իսկական ընտրեալները։

ԵՐԿՐՈՐԴ ՏԻՄՈԹԷՈՍ 2:10

Ատոր համար ալ ամէն բանի կը համբերեմ՝ Աստուծոյ ընտրեալներուն սիրոյն, որպէսզի անոնք եւս Քրիստոս Յիսուսի միանալով՝ հասնին փրկութեան եւ յաւիտենական փառքին։

ԵՐԿՐՈՐԴ ՏԻՄՈԹԷՈՍ 2:19

Բայց Աստուծոյ դրած հաստատուն հիմը կանգուն կը մնայ։ Անոր վրայգրուած է. «Տէրը կը ճանչնայ անոնք՝ որոնք իրն են», եւ «Ով որ Տիրոջ անունը կը կրէ՝ թող հեռու մնայ անիրաւ գործերէ»։

ԵՐԿՐՈՐԴ ՏԻՄՈԹԷՈՍ 3:9

Բայց իրենց յաջողութիւնը երկար չի տեւեր, որովհետեւ իրենց անմտութիւնը շուտով յայտնի պիտի ըլլայ բոլորին, ճիշդ ինչպէս այն երկուքինը եղաւ։

ԵԲՐԱՅԵՑԻՍ 10:39

Մենք, սակայն, Աստուծմէ երես դարձնողներէն չենք, որոնք կորուստի սահմանուած են. այլ հաւատքը կը պահենք՝ մեր հոգին փրկելու համար։

ԵՐԿՐՈՐԴ ՅՈՎՀԱՆՆՈՒ 1:7

Աշխարհի մէջ բազմաթիւ մոլորեցուցիչներ մէջտեղ ելեր են, որոնք կը մերժեն ընդունիլ՝ թէ Յիսուս Քրիստոս աշխարհ գալով իրապէս մարդացաւ։ Այդպիսիները մոլորեցուցիչ են եւ Քրիստոսի հակառակորդ։

ՅՈՒԴԱՅԻ 1:1

Ես՝ Յուդա, Յիսուս Քրիստոսի ծառան եւ Յակոբոսի եղբայրը, կը գրեմ ձեզի՝ բոլոր ազգերուդ, որ Հայրն Աստուած սիրեց եւ ընտրեց, եւ Յիսուս Քրիստոս պահպանեց։

ՅՈՒԴԱՅԻ 1:19

Ահա ճիշդ ասոնք են, որ ձեր մէջ բաժանումներ յառաջ պիտի բերեն, մարդիկ՝ որոնք մարմնաւոր ցանկութիւններով կ՚առաջնորդուին եւ Սուրբ Հոգին չունին իրենց մէջ։