ԱՌԱՋԻՆ ՅՈՎՀԱՆՆՈՒ 2:13 - Western Armenian New Translation - Armenian Catholicosate of Cilicia - New Testament

¹³ Կը գրեմ ձեզի, հայրե՛ր, որովհետեւ ճանչցաք Ան՝ որ սկիզբէն գոյութիւն ունի։ Կը գրեմ ձեզի, երիտասարդնե՛ր, որովհետեւ յաղթեցիք Չարին։

Արեւմտահայերէն Նոր Կտակարան հարմարցուած․ 2017

¹³ Կը գրեմ ձեզի, հա՛յրեր, վասն զի դուք ճանչցաք զանիկա, որ սկիզբէն է։ Կը գրեմ ձեզի, երի՛տասարդներ, վասն զի դուք չարին յաղթեցիք։

Western Armenian Bible 1853

¹³ Կը գրեմ ձեզի, հա՛յրեր, վասն զի դուք ճանչցաք զանիկա, որ սկիզբէն է։ Կը գրեմ ձեզի, երի՛տասարդներ, վասն զի դուք չարին յաղթեցիք։

ԱՌԱՋԻՆ ՅՈՎՀԱՆՆՈՒ 2:13 Iomraidhean Croise

ՄԱՏԹԷՈՍ 11:27

Հայրս ամէն ինչ տուած է ինծի, եւ ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՄԱՏԹԷՈՍ 13:19

Ճամբուն եզերքը գտնուող հողը, ուր կ՚իյնայ սերմը, կը նմանի այն մարդուն՝ որ Աստուծոյ արքայութեան քարոզութիւնը կը լսէ եւ սակայն չի հասկնար. չարը կու գայ եւ կը յափշտակէ անոր սիրտին մէջ ցանուածը։

ՄԱՏԹԷՈՍ 13:38

եւ արտը աշխարհն է։ Լաւ սերմերը այն մարդիկն են, որոնք արքայութեան հետեւորդներն են, իսկ որոմը՝ անոնք որոնք չարին հետեւորդներն են։

ՄԱՏԹԷՈՍ 5:37

Պարզապէս ձեր Այոն Այո թող ըլլայ եւ Ոչը՝ Ոչ։ Անկէ աւելին չարէն կու գայ։ –

ՂՈԻԿԱՍ 10:22

Հայրս ամէն ինչ տուած է ինծի։ Ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՅՈՎՀԱՆՆՈԻ 14:7

Եթէ զիս ճանչնայիք՝ Հայրս ալ պիտի ճանչնայիք. եւ այժմէն իսկ դուք գիտէք զայն եւ տեսած էք զայն։

ՅՈՎՀԱՆՆՈԻ 14:9

Յիսուս պատասխանեց. – Այսքան ատեն ձեզի հետ եմ եւ տակաւին չճանչցա՞ր զիս, Փիլիպպո՛ս։ Ով որ զիս տեսաւ՝ Հայրը տեսած եղաւ, ալ ի՞նչպէս կ՚ըսես՝ «Ցոյց տուր մեզի Հայրը»։

ՅՈՎՀԱՆՆՈԻ 16:3

Մարդիկ այս բաները պիտի ընեն ձեզի, որովհետեւ չճանչցան ո՛չ Հայրը եւ ո՛չ ալ զիս։

ՅՈՎՀԱՆՆՈԻ 16:33

Ասոնք խօսեցայ ձեզի, որպէսզի ինձմով խաղաղութիւն ունենաք։ Աշխարհի վրայ նեղութիւն պիտի ունենաք, բայց քաջալերուեցէ՛ք, որովհետեւ ես յաղթեցի աշխարհին։

ՅՈՎՀԱՆՆՈԻ 17:21

Կ՚աղօթեմ որ անոնք բոլորն ալ մէկ ըլլան, ինչպէս որ դուն, ո՛վ Հայր, իմ մէջս ես եւ ես քու մէջդ, այնպէս ալ անոնք մեր մէջ ըլլան, որպէսզի աշխարհը հաւատայ, որ դուն ղրկեցիր զիս։

ՅՈՎՀԱՆՆՈԻ 17:3

Եւ յաւիտենական կեանքը քեզ ճանչնա՛լն է՝ որպէս ճշմարիտ միակ Աստուած եւ ճանչնալ Յիսուս Քրիստոսը՝ որ դուն ղրկեցիր։

ՅՈՎՀԱՆՆՈԻ 8:19

Անոնք հարցուցին իրեն. – Ո՞ւր է Հայրդ։ Յիսուս պատասխանեց. – Դուք ո՛չ զիս կը ճանչնաք, ո՛չ ալ Հայրս։ Որովհետեւ եթէ զիս ճանչնայիք՝ Հայրս ալ ճանչցած պիտի ըլլայիք։

ԵՐԿՐՈՐԴ ԿՈՐՆԹԱՑԻՍ 4:6

Որովհետեւ Աստուած ինք, որ ըսաւ՝ «Խաւարին մէջ լոյս թող ծագի», ինք մեր սիրտերուն մէջ ծագեցաւ, որպէսզի լուսաւորուինք եւ Աստուծոյ փառքը ճանչնանք Յիսուս Քրիստոսի անձին մէջ։

ԱՌԱՋԻՆ ՏԻՄՈԹԷՈՍ 5:1

Երբեք խստութեամբ մի՛ յանդիմաներ ծեր մէկը, այլ՝ մեղմութեամբ յորդորէ զայն, ինչպէս հօրդ պիտի ընէիր։ Երիտասարդները եղբօրդ տեղը սեպէ,

ՏԻՏՈՍԻՆ 2:6

Նոյնպէս յորդորէ երիտասարդները որ զուսպ ըլլան ամէն կերպով։

ԱՌԱՋԻՆ ՅՈՎՀԱՆՆՈՒ 1:1

Մենք լսեցինք, մերաչքերով տեսանք եւմեր ձեռքերով շօշափեցինք Որդին, Բանը, որ սկիզբէն իսկ կեանքի ստեղծիչն էր։

ԱՌԱՋԻՆ ՅՈՎՀԱՆՆՈՒ 2:1

Որդեակնե՛րս, այս բաները կը գրեմ ձեզի, որպէսզի մեղքի մէջ չիյնաք։ Իսկ եթէ ոեւէ մէկը մեղքի մէջ իյնայ, Հօրը քով բարեխօս ունինք միակ Արդարը՝ Յիսուս Քրիստոսը։

ԱՌԱՋԻՆ ՅՈՎՀԱՆՆՈՒ 2:12

Կը գրեմ ձեզի, որդեակնե՛ր, որովհետեւ ձեր մեղքերը ներուած են Քրիստոսի սիրոյն։

ԱՌԱՋԻՆ ՅՈՎՀԱՆՆՈՒ 2:14

Այո՛, գրեցի ձեզի, զաւակնե՛րս, որովհետեւ ճանչցաք Հայրը։ Գրեցի ձեզի, հայրե՛ր, որովհետեւ ճանչցաք Ան՝ որ սկիզբէն գոյութիւն ունի։ Գրեցի ձեզի, երիտասարդնե՛ր, որովհետեւ Աստուծմով զօրացաք. Աստուծոյ խօսքը ձեր մէջ կը մնայ, եւ յաղթեցիք Չարին։

ԱՌԱՋԻՆ ՅՈՎՀԱՆՆՈՒ 3:12

Հետեւաբար չըլլա՛նք Կայէնին պէս, որ Չարին օրինակին հետեւելով՝ իր եղբայրը սպաննեց։ Եւ ինչո՞ւ սպաննեց. որովհետեւ իր գործերը չար էին, մինչ եղբօր գործերը՝ բարի։

ԱՌԱՋԻՆ ՅՈՎՀԱՆՆՈՒ 4:4

Որդեակնե՛ր, դուք Աստուծմէ ծնած էք եւ յաղթեցիք այդ սուտ մարգարէներուն, որովհետեւ ձեր մէջ եղող Աստուծոյ Հոգին աւելի մեծ է քան Քրիստոսի հակառակորդին հոգին, որ կը գտնուի աշխարհին պատկանողներուն մէջ։

ԱՌԱՋԻՆ ՅՈՎՀԱՆՆՈՒ 5:18

Գիտենք, թէ ով որ Աստուծմէ ծնած է՝ չի մեղանչեր, այլ Աստուծոյ ծնունդը՝ Քրիստոս կը պահպանէ զայն եւ Չարը անոր չի մօտենար։

ԱՌԱՋԻՆ ՅՈՎՀԱՆՆՈՒ 5:20

Եւ գիտենք՝ թէ Աստուծոյ Որդին եկաւ ու բացաւ մեր միտքերը, որպէսզի ճանչնանք ճշմարիտ Աստուածը։ Մենք միացած ենք ճշմարիտ Աստուծոյ եւ անոր Որդիին՝ Յիսուս Քրիստոսի։ Ա՛ն է ճշմարիտ Աստուածը եւ յաւիտենական կեանքը։

ՅԱՅՏՆՈՒԹԻՒՆ 12:11

Մեր եղբայրները անոր վրայ յաղթանակ տարին Գառնուկին արիւնով եւ իրենց տուած վկայու–թեամբ, որովհետեւ անտեսեցին իրենց կեանքը եւ յանձն առին մահը։

ՅԱՅՏՆՈՒԹԻՒՆ 2:7

«Ան որ ականջ ունի՝ թող լսէ թէ Հոգին ի՛նչ կ՚ըսէ եկեղեցիներուն.– Ով որ յաղթանակէ՝ անոր իրաւունք պիտի տամ ճաշակելու կեանքի ծառէն, որ կը գտնուի Աստուծոյ դրախտին մէջ»։ –