ԱՌԱՋԻՆ ԿՈՐՆԹԱՑԻՍ 8:9 - Western Armenian New Translation - Armenian Catholicosate of Cilicia - New Testament

⁹ Բայց, զգո՛յշ եղէք. չ՚ըլլայ որ ձեր ազատութիւնը գայթակղութեան պատճառ դառնայ տկարներուն համար։

Արեւմտահայերէն Նոր Կտակարան հարմարցուած․ 2017

⁹ Բայց զգո՛յշ կեցէք, որ չըլլայ թէ ձեր ազատութիւնը տկարներուն գայթակղութիւն ըլլայ։

Western Armenian Bible 1853

⁹ Բայց զգո՛յշ կեցէք, որ չըլլայ թէ ձեր ազատութիւնը տկարներուն գայթակղութիւն ըլլայ։

ԱՌԱՋԻՆ ԿՈՐՆԹԱՑԻՍ 8:9 Iomraidhean Croise

ՄԱՏԹԷՈՍ 18:10

Զգո՜յշ, մի՛ արհամարհէք այս փոքրիկներէն մէկը. գիտցէք, որ անոնց հրեշտակները երկինքի մէջ միշտ կը տեսնեն իմ երկնաւոր Հայրս։

ՀՌՈՎՄԱՅԵՑԻՍ 15:1

Մենք, հաւատքով զօրաւոր եղողներս, պէտք է համբերութեամբ տանինք տկարներու տկարութիւնները, եւ միայն մենք մեր մասին չմտածենք։

ԱՌԱՋԻՆ ԿՈՐՆԹԱՑԻՍ 10:24

Ոեւէ մէկը միայն ինքզինք թող չմտածէ, այլ նաեւ՝ իր ընկերոջ մասին։

ԱՌԱՋԻՆ ԿՈՐՆԹԱՑԻՍ 10:28

Իսկ եթէ պատահի որ մէկը ձեզի ըսէ. «Ատիկա կուռքերուն զոհուած միս է», այդ պարագային մի՛ ուտէք, այն մարդուն համար՝ որ ձեզի յայտնեց, որպէսզի խղճի հարց չծագի։

ԱՌԱՋԻՆ ԿՈՐՆԹԱՑԻՍ 10:29

Խղճի հարց ըսելով՝ ձեր սեփականը չեմ հասկնար, այլ՝ ձեր ընկերոջը։ Բայց ուրիշ ոեւէ պարագայի՝ ինչո՞ւ ուրիշին խղճմտանքը իմ ազատութիւնս պիտի կաշկանդէ։

ԱՌԱՋԻՆ ԿՈՐՆԹԱՑԻՍ 10:32

Գայթակղութեան պատճառ մի՛ ըլլաք՝ ո՛չ Հրեաներուն, ո՛չ հեթանոսներուն եւ ո՛չ ալ Աստուծոյ եկեղեցիին։

ԱՌԱՋԻՆ ԿՈՐՆԹԱՑԻՍ 8:10

Եթէ մէկը տեսնէ որ դուն՝ որ գիտակցութիւն ունիս՝ մեհեանի մը մէջ սեղան նստեր ես, ինք՝ խղճմտանքը տկար եղողը՝ պիտի չքաջալերուի՞ կուռքերուն զոհուած կերակուրներէն ուտելու։

ԱՌԱՋԻՆ ԿՈՐՆԹԱՑԻՍ 8:12

Եւ երբ այսպէս ձեր եղբայրներուն հանդէպ մեղք կը գործէք՝ անոնց տկար խղճմտանքը վիրաւորելով, Քրիստոսի դէմ մեղք գործած կ՚ըլլաք։

ԱՌԱՋԻՆ ԿՈՐՆԹԱՑԻՍ 9:22

Հաւատքով տկարներուն հետ՝ տկարի պէս եղայ, որպէսզի զանոնք ալ սիրաշահիմ։ Մէկ խօսքով, ամենուն հետ ամէ՛ն ինչ եղայ, որպէսզի ամէն գնով կարենամ ոմանք փրկել։

ԵՐԿՐՈՐԴ ԿՈՐՆԹԱՑԻՍ 11:21

Ամօթով կ՚ընդունիմ, թէ ես շատ խե՜ղճ եմ եղեր։ Բայց ահա անմտօրէն կ՚ըսեմ.– Եթէ ուրիշներ կը համարձակին պարծենալ՝ ես ալ կը համարձակիմ։

ԵՐԿՐՈՐԴ ԿՈՐՆԹԱՑԻՍ 11:29

Մէկը ցա՞ւ մը ունի, ես ալ հետը կը տառապիմ. մէկը հաւատքին մէջ տկարացա՞ւ, ես ալ հետը կը տագնապիմ։

ԵՐԿՐՈՐԴ ԿՈՐՆԹԱՑԻՍ 6:3

Ոեւէ բանով պատճառ մի՛ ըլլաք որ Աստուծոյ գործը խափանուի կամ վարկաբեկուի.

ԳԱՂԱՏԱՑԻՍ 5:13

Եղբայրնե՛ր, Աստուած ձեզ կանչեց որ ազատ ըլլաք. միայն նայեցէք՝ որ այդ ազատութիւնը մարդկային ցանկութիւններ կատարելու պատրուակ չդառնայ, այլ՝ սիրով ծառայեցէք իրարու։

ԿՈՂՈՍԱՑԻՍ 2:8

Զգոյշ եղէք, որ ոեւէ մէկը ձեր միտքը չգրաւէ իմաստասիրական տեսութիւններով եւ խաբեբայական սին խօսքերով, որոնք մարդկային աւանդութիւններու եւ բնութեան ոյժերուն վրայ կը հիմնուին եւ ո՛չ թէ Յիսուս Քրիստոսի ճշմարիտ վարդապետութեան վրայ։

ԱՌԱՋԻՆ ՊԵՏՐՈՍԻ 2:16

Ազատ մարդոց պէս եղէք, բայց՝ իբրեւ Աստուծոյ ծառաներ։ Ձեր ազատութիւնը չարիք գործելու պատրուակ թող չդառնայ։

ԵՐԿՐՈՐԴ ՊԵՏՐՈՍԻ 2:19

Ազատութիւն կը խոստանան անոնց, մինչդեռ իրենք գերի են կորուստի տանող մոլութեանց։ Արդարեւ, մարդ ինքզինք ինչ բանի որ կ՚ենթարկէ՝ անոր գերին է։

ՅԱՅՏՆՈՒԹԻՒՆ 2:14

Բայց քեզի դէմ կարգ մը դժգոհութիւններ ունիմ։ Քու շարքերուդ մէջ ունիս Բաղաամի վարդապետութեան հետեւորդներ. այն Բաղաամին, որ Բալակի սորվեցուց՝ Իսրայէլի որդիները մեղքի մղել, որպէսզի անոնք կուռքերու զոհուած միս ուտեն եւ պոռնկութիւն ընեն։